Jolasean jarduteko aukera dute neska-mutikoek Ibarra kiroldegian

Mirari Altube 2014-04-24 10:01   Kirola  Aretxabaleta

Hainbat jolas eta jarduera antolatu dizkie Ibarra kiroldegiko arduradunek herriko neska-mutikoei egunotarako (16:30-19:30). Atzo igerilekuan jardun zuten jolasean, eta gaur, jolas gehiago izango dituzte baina lehorrean, baita akrosport jarduera ere.

Andaluziatik Tailandiarako bidaiaren berri emango dute Zigor Lasagabasterrek eta Maria Carok

Mirari Altube 2014-04-23 17:47   Kultura  Aretxabaleta

'Poliki-poliki bizikletan' ikus-entzunezkoa eskainiko dute Zigor Lasagabaster aretxabaletarrak eta Maria Caro granadarrak datorren martitzenean, apirilak 29, Urbaltz elkartean (19:00). Andaluziatik Tailandiara bidean bizitakoaren berri emango dute bertan.

Kepa Urra preso aretxabaletarra aske

Imanol Gallego 2014-04-21 10:35  Aretxabaleta

Goizeko 8:30ak aldera irten da Kepa Urra (Aretxabaleta, 1956) Almeriako El Acebuche espetxetik.

Elizkizunak, oporrak... Aste Santuan, zer?

Miren Arregi 2014-04-17 10:00  Aretxabaleta  Debagoiena  Oñati

Aste Santuan murgilduta, esanahi handiko egunak dira gaurkoa eta datozenak askorentzat, eta erlijio ospakizunak galdu ezinezko hitzorduak izango dira, gainera, horietako hainbatentzat. Esanahi handiagoa edo txikiagoa izan, beste batzuek oporretarako aprobetxatuko dituzte jaiegunok. Galdezka ibili gara Aretxabaletan eta Oñatin: Ba al dakite zer ospatzen den egunotan? Eta zer egin asmo dute?

Bosgarren edukiontziaren aldeko plataformakoek kontsulta egin gura dute

Mirari Altube 2014-04-16 13:00   Ingurumena  Aretxabaleta BERRIAK

Atez ateko hondakin bilketa sistema "inposatu" eta bosgarren edukiontzia bultzatzeko Udal gobernuak "ahaleginik egin ez izana" salatu zuten Aretxabaletako bosgarren edukiontziaren aldeko plataformako kideek atzo, apirilak 15. 60 bat herritar, asko adinekoak, elkartu ziren prentsaurrekoan, batzuk kezkatuta eta beste batzuk haserre.

Aretxa autoak: "Eskerrik asko 30 urte hauetan gugan konfiantza jarri dutenei"

Amaia Txintxurreta 2014-04-15 12:02  Aretxabaleta DEBAGOIENA ZUZENEAN

Autoen mekanikan, txapan eta pinturan espezialistak diren Aretxa autoak enpresak 30 urte bete ditu eta urte hauetan guztietan bezero izandakoak eskertu nahi izan dituzte festa bat eginez. Egubakoitzean egin zuten festa hori Aretxabaletako Taberna Berrin eta bertan pintxoak eta hainbat sariren zozketak izan zituzten.

Jolasak eta jarduera ezberdinak izango dituzte neska-mutikoek Ibarra kiroldegian

Mirari Altube 2014-04-15 14:48   Kirola  Aretxabaleta

Gura beste jolas egiteko aukera izango dute 4 eta 14 urte arteko neska-mutikoek Pazko Astean Ibarra kiroldegian.

Herri Urratsera joateko autobusa

Goiatz Arana 2014-04-15 08:23   Kultura  Aretxabaleta  Arrasate  Bergara

Maiatzaren 11n ospatuko da Herri Urrats Senperen eta bertara joateko autobusa antolatu dute AED, Jardun eta Loramendi euskara elkarteek.

Bailarako neska futbolari guztiek elkarrekin jokatzeko ahaleginetan

Goiatz Arana 2014-04-14 15:33   Kirola  Aretxabaleta  Arrasate  Bergara  Debagoiena  Eskoriatza

Mondrak eta Arizmendik dihardute ahalegin horretan, UDArekin elkarlanean. Egitura sendo bat sortzea da helburua, inor kanpoan utzi gabe eta denei aukera emanez. Elkarlan horren fruituetako bat da gaur eta bihar Mojategin egingo den Nesken Futbol Topaketa.

Hezkuntza proiektu berritzailearen gaineko jardunaldiak, Aranzadi eta Arizmendiren eskutik

Miren Arregi 2014-04-14 15:00   Hezkuntza  Aretxabaleta  Arrasate  Bergara  Eskoriatza Maiatzaren 9an eta 10ean egingo dira jardunaldiak, Lekeition. 'Konfiantzaren Pedagogia' deritzon hezkuntza ereduaren gainekoak izango dira eta antolatzaileak dira, Bergarako Aranzadi Ikastola, Arizmendi eta Azkue Ikastolak. Hezkuntza alorreko hizlari entzutetsuek hartuko dute parte jardunaldi horietan.

Urte eta erdian, Andaluziatik Tailandara bizikletan

Txomin Madina 2014-04-11 18:46  Aretxabaleta DEBAGOIENA ZUZENEAN

2012ko irailean hasi zuen Zigor Lasagabaster aretxabaletarrak bizikleta gainean Tailandiaraino eroan zuen bidea eta denbora honetan guztian, milaka kilometro egin eta hainbat herrialde gertutik ezagutzeko aukera izan du; eta bisitatu dituen herrialdeetako pertsonen abegi ona azpimarratzen du.

Alderdi Sozialistako Jorge de Castrok hartu du zinegotzi kargua

Mirari Altube 2014-04-14 11:32  Aretxabaleta

Egubakoitzean, hilak 11, egindako ezohiko osoko bilkuran hartu zuen zinegotzi kargua PSE-EEko Jorge de Castrok (Soraluze, 1973). Ainhoa Sagarribaik hutsik utzitako lekua bete du horrek. Bilkura horretan Aberri Egunaren harira Udalbitzak gertatutako mozioa ere onartu zuten.

FUTBOLA: Aretxabaletak ontzat eman du Berioren aurkako 1-1 emaitza

Leire Kortabarria 2014-04-13 20:27   Kirola  Aretxabaleta

Ligako 'oilarren' arteko aurrez aurrekoa 1-1 emaitzarekin bukatu zen. 1. zatian, Beñat Etxabe kaleratu zuen epaileak eta hortik aurrera jokalariek ahalegin handia egin behar izan zuten jokoari eusteko.

Debagoieneko bertso-harrobia bermatuta dagoela erakutsi dute bertso-eskolen topaketan

Aitziber Aranburuzabala 2014-04-11 20:35  Aretxabaleta  Debagoiena

50 bertsozale giro onean batu dira, gaur, egubakoitza, Aretxabaletako Murualde elkartean Lekaixoka bertso-eskolak antolatutako bertsolari gazteen topaketan. Arrasateko, Aramaioko, Oñatiko, Aretxabaletako eta Bergarako bertso-eskoletako gazteak ziren bertan. Ikusi eta entzundakoaren arabera, ibarrean lehenekoz antolatutako topaketak izango du hurrengorik; izan ere, ordubete inguruko saioa bukatuta bertsotan jarraitzeko gogoaz sumatu ditugu-eta.

Ikurrinari omenaldia egin diote Aretxabaletan

Mikel Arregi 2014-04-11 19:16  Aretxabaleta BERRIAK

Espainiako banderaren "inposaketa" salatu eta ikurrina "geurea" dela aldarrikatzeko ekitaldia egin dute egubakoitz arratsaldez Aretxabaletan. Herriko Plazan ikurriña berria, eta udaletxeko atean espainiar bandera jartzeko agindua salatzen duen plaka ere jarri dute.

Kirol udalekuetarako izen-ematea zabalik dago

Mirari Altube 2014-04-12 08:00   Kirola  Aretxabaleta

Udalak eta Ibarra kiroldegia kudeatzen duen enpresak elkarrekin antolatu dituzte kirol udalekuak. Hiru asteko udalekuak izango dira ekainaren 30etik uztailaren 18ra bitartean. Gainera, ikastaro trinkoak ere egongo dira. Izen-emate epea zabalik dute Ibarra kiroldegian; azken eguna, ekainaren 13a.

Euskara aitzakia hartuta oporrei ongi-etorria egin diete Kurtzebarri institutukoek

Mirari Altube 2014-04-11 13:32   Hezkuntza  Aretxabaleta

Euskararen Eguna ospatu dute Kurtzebarri institutuko ikasleek. Lehiaketarekin hasi dute eguna, gero Lekaixoka bertso eskolakoen bisita izan dute 12 eta 14 urte artekoek, eta Oihan Vegarena 14 eta 16 urte artekoek. Bukatzeko kontzertua eskaini dute ikasleek Herriko Plazan.

»» Ikusi argazki guztiak (32)

Buruhandiak eta erraldoiak lagun izan dituzte Basabeazpin

Mirari Altube 2014-04-11 14:13   Hezkuntza  Aretxabaleta

Buruhandien eta erraldoien gaineko proiektua landu dute Arizmendi Ikastolako Basabeazpiko 2 eta 3 urteko umeek. Gustura landu ere: buruhandiak eta erraldoiak egin, Aretxabaletako eta Arrasateko buruhandiak ezagutzera irteerak…

»» Ikusi argazki guztiak (15)

Ikurrina omenduko dute gaur, egubakoitza, Aretxabaletan

Mirari Altube 2014-04-10 17:51  Aretxabaleta

Joan den eguenean hasi zituen Udalak ikurrinaren aldeko ekitaldiak eta gaur, egubakoitza, omenduko du (18:30). Plazako ikurrinaren ordez berria jarriko dute eta plaka bat ere bai. Bukatzeko mosaikoa osatuko dute elkartutakoek.

Gida komertziala

Gida komertzialeko produktuak

Eskalada materiala
Eskola materiala
Emakumezkoendako lurrinak
kerastine