Irailaren 7an egingo den Ikazkin Trail mendi lasterketa prestatzeko bigarren irteera antolatu du UDAk. Hiru taldetan banatu eta hiru ibilbide ezberdin eskainiko dituzte, norberak aukeratzeko. Irteeran parte hartzeko izena eman behar da aldez aurretik; hemen: https://labur.eus/irteera_urtarrilak_27
Lehen Hezkuntzako umeak dituzten familientzat buruhandiak egiten ikasteko tailerra antolatu dute. Izena aldez aurretik eman behar da, apirilaren 2tik 17ra bitartean, Arkupen.
Ane Goikoetxea dietista integratiboak elikadura osasuntsu bat izateko elikagai begetalak nola konbinatu irakatsiko du. Izena aldez aurretik eman behar da, @kiloka_denda Instagram kontuaren bidez; prezioa da 25 euro.
Atxabalta Harro elkarteak asanblada irekia egingo du, honako galderen bueltan hausnartzeko: Zer errealitate bizi du LGTBIAQ+ kolektiboak Aretxabaletan? Zer behar ditugu? Aurten zer?
Kurtzebarri eskolako Gurabarri guraso elkarteak irteera antolatu du Murugainera; mendiari buelta emango diote hain zuzen ere. Bukaeran, salda eta mokadutxoa eskainiko dituzte Untzilla auzoko elkartean.
Miren Larrea ipuin kontalariak Katalinen bila izeneko saioa eskainiko die 5 eta 8 urte bitarteko umeei. Izena emateko epea: apirilaren 8tik 23ra, liburutegian.
Zer egin dezakegu gure haur eta nerabeek sexualitate aske eta osasuntsu bat izan dezaten? hitzaldia eskainiko die gurasoei Eider Goiburuk (psikologian lizentziatua, sexu-hezitzailea, emakume eta gizonen arteko berdintasun teknikaria eta pedagogian doktoratua) Foru Aldundiak sustatutako Treba egitasmoaren baitan.
Liburuaren Nazioarteko Eguneko ekitaldietan baitan antolatutakoak: 17:00 Literatruke Azoka. 18:00, Haiku irakurketa. 19:00 Haiku erronkan parte hartu dutenen artean zozketa. 20:00 Literatruke Azokaren itxiera eta luncha.
Korrontzi talde bizkaitarrak 20. urteurreneko biraren baitan geldialdia egingo du.
Eneko Barberena (Arrasate, 1983) idazlearen Suak erreko ez balu eleberri beltza izango dute hizpide, Mikel Antzak gidatuta.
Maiatza | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |