Elurra gauean hasiko da eta bihar sendotu egingo du
Negua gaur iritsiko da eta gauean elurra egingo duela diote eguraldi adituek. Goiz partean oraindik ateri eutsiko dio eta 6 graduren bueltan ibiliko dira termometroak. Dena den, arratsaldean euria botako du eta elur maila jaisten hasiko da. Hala, gauean 600-700 metrora egingo du elurra. Ondorengo orduetan beraz, eguraldia aldatzen joango da eta negua etorriko da.
Gorengo maila eta maila eutsi, derbiko helburuak
Lehen itzuliko azken partidua jokatu dute Bergarak eta Antzuolak zapatuan. Lehenak sailkapeneko goiko aldean daude eta bigarrenak, zuloan
Errege bezperako kabalgatak Debagoienean
Gaur, Errege bezperako kabalgatak Oñatin, Bergaran, Arrasaten, Eskoriatzan eta Aretxabaletan izango dira ikusgai. Hona hemen gaurko, urtarrilaren 5erako, ibarreko herriek antolatu dituzten ekintzen berri:
1.500 lagun gerturatu dira Txikilandiara
Txikilandiako antolatzaileak pozik azaldu dira. Aurten gainera, 15 urte bete ditu eta ekintzaz eta sorpresaz beteta etorri da Txikilandia. Domeka, urtarrilak 4, izan zen egunik jendetsuena. Izan ere, ur jolasak eta Txan Magoaren ikuskizunak ume eta guraso asko erakarri zituen Musakolako haur parkera.
Tabernariek krisiari aurre egiteko ekimena jarriko dute abian
Pintxo bat eta ardo ondua euro baten truke. Horixe da eguenero Arrasateko hainbat tabernek eskainiko duten eskaintza. Krisiari aurre egiteko asmoz antolatu duten ekimena da. Gabonen ostean, urtarrilaren 8an, jarriko da martxan. Hala, eguenero 18:00etatik 21:00era bitartean pintxo bat eta ardo ondua euro baten truke izango da ondorengo tabernatan: Monte, Hilarion, Amets, Itzala, Lorategi, Dublin, Txoko, Hotel Mondragon eta Hemen kafetegian.
Autobus zerbitzua jarri du Udalak Errege bezperarako
Gaur errege bezpera izanda autobus zerbitzua jarri du Udalak Aldundiaren laguntzarekin. Hala, ondorengo ordutegiak izango dira: Eskoriatza-Bergara norabideko autobusak orduro egongo dira 00:00etatik 06:00ak arte; Bergara-Eskoriatza, berriz, orduerdiro izango dira 00:30etik 06:30ak arte. Bergara-Elgeta norabideko autobusa 00:10etik 06:10ak arte izango da, hori ere orduro; Elgeta-Bergara, berriz, 00:30etik 06:30ak arte, orduro; Antzuola eta Bergara artean ere egongo da autobusa; horrela, Antzuola-Bergara norabideko autobusa 00:00etatik 06:00ak arte, orduro egongo da eta Antzuolatik Bergarara joateko 00:45etik 06:45era, hori ere orduro. Azkenik, Eibarretik etortzeko autobusa ere egongo da, 00:00etatik 06:00ak arte, orduro, eta Bergaratik Eibarrera joateko 00:25etik 06:25, hori ere orduro.
Pettiren banda elektrikoa Danbakako finalean
Berako Petti musikaria izango da urtarrilaren 16an Elgetako Espaloian Danbaka III. Musika Lehiaketako finalean.
Bailaran albiste
- Antzuola Omenaldi hunkigarria Juan Antonio Lizarralderi
- Aramaio Plan Orokorraren aurreproiektua ikusgai dago udaletxean
- Aretxabaleta Futbol eskolen arteko txapelketa hasiko dute gaur
- Arrasate Aretxabaletak ezin hobeto amaitu du urtea, Mondra 1-2 mendean hartuta
- Bergara Urte berri egunean pilota jaialdia egongo da
- Elgeta Errege bezperan autobus zerbitzu berezia
- Eskoriatza Udal aurrekontuak mahai gainean utzi dituzte
- Leintz Gatzaga Gatzagako Abeltzainen Elkartea sortu dute
- Oñati Jende asko gaur goizean Aizkorri aldean
