Aranburuzabalako bizilagunak beren etxeetara bueltatuko dira
Gaur, martitzena, 9:00etan zabaldu da Aranburuzabala kaleko 24, 26, 28 eta 30 atarietako prezintua, gertatutako lur-jausiaren ondorioz astebetez iraun duena. Dena dela, 26 atariko 1. eta 2. solairuetako bizilagunak eta 28 eta 30 atarietako 1. solairukoak ezin izango dira momentuz euren etxeetara bueltatu. Horientzako etxebizitzak egokitu ditu udalak.
IV. Jardunaldi Gastronomikoak, hilaren 16tik aurrera
Datorren martitzenean, otsailak 16, emango zaio hasiera Debagoieneko Jardunaldi Gastronomikoen IV. edizioari; Oñatiko herriko plazan izango da aurkezpena, arratsaldeko sei t'erdietan. Txerrikia izango da edizio honetako produktu izarra eta, beraz, txerri produktuekin egindako pintxoak banatuko dituzte –txistorra, odolki nahaskia eta hirugiharra–; pintxoa eta ardo tragoa, euro baten truke. Eta behin aurkezpen ekitaldi hori eginda, ekimenean parte hartuko duten zazpi jatetxeetan gertu izango dituzte menu bereziak.
Semaforoak jarri dituzte herriko bi sarreretan, hilabeterako
Semaforoak daude Gatzagatik pasatzen den errepide nagusian joan zen astetik. Foru Aldundiko Errepide Saileko kideek jarri dituzte herriko bi sarreretan eta hilabete egongo direla iragarri dute "proba egiteko".
Diru sarrerarik gabeko langabetuendako luzatu egingo dute 426 euroko laguntza
Barikuko Ministroen kontseiluan onartu dute laguntza beste sei hilabetez luzatzeko neurria Rodriguez Zapateroren esanetan.
Naturari buruzko erakusketa zabalduko dute bihar
Natura 2.000 Sareraren eskutik 'Bizitzeko tokiak, pertsondendako tokiak' delako erakusketa ikusgai egongo da kultura etxean domeka arte. 17:00etatik 20:00etara. Bestalde, gai beraren gainean kale antzerkia egingo dute zapatuan 12:30ean herriko plazan egingo dute.
Jose Ramon Guridi gaur 'Goiena magazinea'n
Eneko Azkarateren elkarrizketa saioan aste honetako gonbidatua Jose Ramon Guridi izango da, Berrikuntza eta Jakintzaren Gizarteko Foru Diputatua. Platoan egingo dizkioten galderez gain, ikus-entzuleek galderak egiteko aukera ezberdinak izango dituzte. Gainera, livestream zerbitzuaren bidez saioa zuzenean ikusteko aukera ere izango da. Goiena Telebistan, 19:45etik aurrera.
Gurasoendako aholku liburuxka eta kantu eta jolasen DVD-a banatuko dute
Umeen hizkuntza-ikasketak eta familia transmisioak duten garrantzia kontuan hartuta, Debagoieneko udaletako euskara zerbitzuek "Gurasoentzako aholkuen liburuxka eta Kantu eta Jolasen DVDa" banatuko dute. 2006an ekimena abiatu zenetik, 4.000 sorta baino gehiago banatu dira ikastetxeetan eta herrietako aisialdi taldeetan, 4-8 urteko haurren artean.
Bailaran albiste
- Antzuola San Jose ingurua txukuntzen ibili dira
- Aramaio Asier Agirre ez dute epaituko eguaztenean
- Aretxabaleta Txapel Txin Chuck Norris bihurtu zen Aratusteak iragartzeko
- Arrasate Lapurretan egin dute Bizkaia etorbideko lagun koadrila baten lokalean
- Bergara Plan estrategikoa aurkeztu berri du Aranzadi ikastolak
- Elgeta Frontenis txapelketako azken emaitzak
- Eskoriatza Sozialistek jausitako mendi magalaren goiko aldean aisialdirako parkea egitea proposatu dute
- Leintz Gatzaga Sagardotegiko menua eskainiko dute Soranen
- Oñati 50.000. bisitaria igaro da Arrikrutzeko kobetatik
