Ospakizun ezberdinak gaurko Aberri Egunean

Imanol Beloki 2014-04-20 12:11  Arrasate  Debagoiena

Aberri Eguna ospatzen da gaur, eta Iruñean eta Bilbon izango dira ekitaldi nagusiak. EAJ-PNVk antolatutakoa Bilbon ospatuko da "Euskadi Europara begira" lelopean eta Independentista Sareak antolatutakoa aldiz, Iruñean, "Euskal Herrian erabaki. Zazpiak bat" lelopean. Euskal Herriko txoko ezberdineko jendea gerturatuko da bi hiriburuetara eta Debagoiendar asko ere bertan izango dira eguna ospatzeko.

Aste Santuko plana, bisita gidatuak

Imanol Beloki 2014-04-19 13:05  Debagoiena

Aste Santuan, Debagoiendar asko kanpora joaten dira oporrak pasatzera, baina etxean gelditzen direnak ere ongi pasatzeko aukera izan dezakete turismo bulegoetako eskaintzak ikusita. Hori horrela, orain arteko eguraldiaren laguntzaz, bailara osoa giro ederrean ezagutzeko aukera bikaina izan dute bertakoek, zein kanpotik etorri direnek.

Ziar-Ola elkartekoak garaile Doke txapelketan

Imanol Beloki 2014-04-18 13:01   Kirola  Debagoiena

Ziar-Ola elkarteko Antxon Bedia eta Eduardo Zelamin 'Txelis' izan dira garaile Doke txapelketan. 35-20 irabazi diote finala San Isidro elkartekoei eta ondoren sardinak eta edariak nork ordainduko apustuarekin udaletxeren kontra lehiatu dira. Azken hauek justu-justu ibili dira, baina 35-30eko emaitzarekin Ziar-Olakoak izan dira garaile.

Gurutze bidea egin dute Santa Barbararaino

Imanol Beloki 2014-04-18 10:45  Arrasate  Debagoiena

Aspaldiko ohiturari jarraituz, Arrasateko eliztarrek Gurutze-bidea egin dute Portaloitik hasi eta Santa Barbara gaineraino. 200 pertsona inguru bertaratu dira eta bidean 14 geldiune egin dituzte Jesukristoren gurutzatzearen etapa guztiak kontatzeko.

Elizkizunak, oporrak... Aste Santuan, zer?

Miren Arregi 2014-04-17 10:00  Aretxabaleta  Debagoiena  Oñati

Aste Santuan murgilduta, esanahi handiko egunak dira gaurkoa eta datozenak askorentzat, eta erlijio ospakizunak galdu ezinezko hitzorduak izango dira, gainera, horietako hainbatentzat. Esanahi handiagoa edo txikiagoa izan, beste batzuek oporretarako aprobetxatuko dituzte jaiegunok. Galdezka ibili gara Aretxabaletan eta Oñatin: Ba al dakite zer ospatzen den egunotan? Eta zer egin asmo dute?

Ondo hasi eta okertzera egingo du

Irati Goitia 2014-04-16 15:35  Debagoiena BERRIAK

Askok eta askok hasiko dute euren oporraldia gaur, eta horietako asko izango dira ze eguraldi egingo duen jakiteko gogoz. Bada, Pello Zabalak esan du primerako eguraldia izango dugula zapatura arte. Ondoren, Pazko asterako, okerrera egingo duela gaineratu du. Hala, datozen astelehen eta martitzenean euria egingo duela iragarri du.

Arantzazuko parketxean bisitan

Julen Iriondo 2014-04-17 07:22  Debagoiena  Oñati DEBAGOIENA ZUZENEAN

Arantzazun dago Aizkorri-Aratz parke naturalaren parketxea. Hainbat baliabide ditu, natur ingurune zoragarrian aurki ditzakegunen gainekoak ezagutzen eta haiek hobeto ulertzen laguntzeko. Bisita gidatuak egiteko aukera ere badago.

Historia, artea, natura eta gastronomia ia etxeko atarian bertan

Jon Berezibar 2014-04-16 18:05  Debagoiena BERRIAK

Kultura, natura, historia eta gastronomia batuko ditu turismo bulegoen oraingo oporraldirako eskaintza zabalak. Prest daukate egitarau eta eskaintza zabala, ordutegi bereziekin.

AP-1eko Bergarako tartea itxita egongo da gauez Pazko Asteko egun batzuetan

Eneko Azkarate 2014-04-16 16:16  Bergara  Debagoiena

Abiadura handiko Treneko lanak direla-eta, trafikorako itxi egingo dute AP-1 autobidea Bergaran, apirilaren 22, 23, 24, 28 eta 29an. 22:00etatik 06:00etara egongo da itxita bi norabideetan, Bergara Hegoko ordainlekuaren eta Bergara Iparreko ordainlekuaren artean. Hala eman dute aditzera Gipuzkoako Foru Aldunditik.

'.eus' domeinua duen lehen webgunea sarean da

Jon Berezibar 2014-04-15 11:21   Teknologia berriak  Debagoiena

PuntuEus fundazioak aireratu du lehen webgunea '.eus' domeinuarekin erregistratuta: Domeinuak.eus. Duela ia urtebete ICANN erakundeak domeinua baimendu eta gero, laster irekiko da domeinu horrekin guneak erregistratzeko epea.

Espaloiaren kudeaketa esleitzeko lehiaketarako pleguak onartu ditu Elgetako udalbatzak

Julen Iriondo 2014-04-16 14:18   Kultura  Debagoiena  Elgeta

Hamar urtez kafe antzokia kudeatzeaz arduratu den Goibeko euskara elkarteak zeregin horri uztea erabaki eta gero, ardura hori hartzeko interesa dutenek proposamena egin dezakete dagoeneko –50 egunekoa da epea–. Ekainean espero dute erabakita edukitzea esleipena, eta irailean hasiko lirateke maizter berriak zerbitzua ematen.

Eskola Politeknikoko Roberto Uribeetxeberria Europako konputazio-sistema txertatuen elkarteko presidente-orde izendatu dute

Jon Berezibar 2014-04-16 13:27  Debagoiena

ARTEMIS Industry Association elkarteko Zuzendaritza Kontseiluak presidium-eko ikerlari izendatu du Roberto Uribeetxeberria, Mondragon Unibertsitateko Goi Eskola Politeknikoko ikerlaria, eta beraz elkarteko lehendakariorde izango da. Konputazio-sistema txertatuen esparruan jarduten duten enpresa europarrek eta ikerkuntzaren eta garapenaren arloko beste erakunde batzuek ARTEMIS Industry Association izeneko konputazio txertatuko sistemen plataforma teknologiko europarra sortu zuten.

Zapatuko Eskoriatzako esperientzia herriz herri errepikatzea proposatu dute

Goiatz Arana 2014-04-16 09:17  Debagoiena  Eskoriatza

San Telmoko adierazpenarekin bat egindako norbanako ezberdinak Eskoriatzan batu ziren zapatuan, "giza eskubideak bermatuko dituen konponbidea" eraiki eta bakea lortzeko helburuarekin, herritarren sare bat osatzeko. Saio hartan ateratako ondorioak aurkeztu zituzten atzo eta esperientzia hori herriz herri errepikatzea proposatu, osatutako sarea "ehuntzeko eta ekarpen ezberdinekin aberasteko".

Badator X. Magia Mostra

Goiatz Arana 2014-04-16 08:48   Kultura  Debagoiena  Elgeta

Maiatzaren 9, 10 eta 11n izango da hamargarren edizioa, Elgetan. Mundu mailako irabazleekin, kartel interesgarria osatu dute. Ikusleak aho zabalik uzteko moduko momentuak eta prezio merkeak agindu dituzte antolatzaileek.

Frantziako epaitegiak Cevitali eman dio FagorBrandt

Leire Kortabarria 2014-04-15 21:28   Ekonomia  Arrasate  Bergara  Debagoiena  Eskoriatza

Nanterreko epaitegiak erabaki du Cevitali ematea Fagor Etxetresnen Frantziako filiala. FagorBrandt-en zati handiena eta beste bi proiektu partzial eman dizkio. 1.341 lanpostu salbatuko dira, horietako 1.202 FagorBrandt-enak zirenak.

Asteburua iruditan

2014-04-14 08:58  Debagoiena

Erramu zapatuko ospakizunek Bergaran eta Gure Esku Dago ekimenaren Arrasateko jaialdiak une eta irudi ederrak eman dituzte asteburuan. Horietakoak eta asteburuko bestelako ekitaldien argazkiak, bilduman.

Eneko Bidegainek 'Lehen Mundu Gerra Eskualduna astekarian' liburua aurkeztu du

Goiatz Arana 2014-04-15 14:22   Kultura  Debagoiena

Duela mende bat, Ipar Euskal Herrian ondorio "ikaragarriak" izan zituen Lehen Mundu Gerran (1914-1918), 'Eskualduna' astekariak zein eragin izan zuen ikertzea izan du helburu; hots, euskaldunek Lehen Mundu Gerran parte hartzeari begira, zein izan zen astekariaren jarrera. Mondragon Unibertsitateko irakasleak goizean aurkeztu du liburua, Euskaltzaindiaren egoitzan. Liburua Akademiaren Iker bildumaren 30. zenbakia da, eta unibertsitatearen eta Akademiaren arteko hitzarmenari esker argitaratu da.

68 udalek egin dute bat Udalbiltzaren mozioarekin

Goiatz Arana 2014-04-15 10:57  Debagoiena

Hilaren 20an ospatuko den Aberri Egunaren harira Euskal Herriko udal eta udal hautetsien biltzarrak aurkeztutako ‘Euskal Herritarrak gara eta ozenki adierazi nahi dugu’ mozioarekin bat egin, eta "euskal herritartasuna bultzatzeko herri dinamika" abiatzeko deia egin dute. Debagoienean, Antzuola, Aretxabaleta, Arrasate, Bergara, Aramaio eta Eskoriatzak onartu dute mozioa.

Alvarez de Eulateren obra plastikoa hobeto ulertarazteko tailerra Arantzazun

Goiatz Arana 2014-04-15 09:08   Kultura  Debagoiena  Oñati

Haurrei eskainitako lantegi didaktikoa izango da, Xavier Alvarez de Eulateren (1919-2012) obra plastikoa ezagutu dezaten eta argiak eta koloreak gune baten eraldaketan duten eragina ere ulertu dezaten. Arantzazu Gaur Fundazioak antolatu du, Arantzazuko Adiskideak elkartearekin elkarlanean. Apirilaren 26an izango da, 10:30etik 13:30era.

24,5 milioi euroko plana aurkeztu du Foru Aldundiak Arrasaten

Jagoba Domingo 2014-04-14 20:50   Ekonomia  Arrasate  Debagoiena

Gipuzkoako Foru Aldundiak Bide Laguna plana aurkeztu du gaur Arrasateko Kulturaten. Planaren helburua da enpresa eta ekintzaileak diruz laguntzea, 24,5 milioi eurorekin hain zuzen, eta nahikotxo herritar hurbildu dira bertatik bertara Jon Peli Uriguenek, Oscar Usetxik eta Lore Martinez Axpek esan beharrekoak arretaz entzutera. Horrez gain, krisian dauden enpresa txikiei laguntzeko txoke plana aurkeztu dute eta bertara sei milioi euro bideratuko dituzte.