Debagoiena

Kateak Kurtzetan eta gainerako portuetan kontu handiz

Elur ekaitza, apurka-apurka, baretzen joan da eta arratsalde-iluntzean gutxi egin du, elur kizia. Hotza egiten jarraitzen du, ordea, eta Euskalmetek aditzera eman du alerta laranjarekin segituko dugula hurrengo orduetan, izotzarengatik, batik bat. Zero azpiko tenperatutak izan ditugu egun osoan eta gaua gorria izango da. Errepideak egoera hobean daude, halere. 20:00etan, Kurtzetan bakarrik behar ziren kateak. Ibarreko gainerako portu guztiak zabalik daude, baina arreta handiarekin gidatu behar da. Izan ere, Aretxabaletan, esaterako, bi zauritu izan dira auto itsripuan goizean.

• Huhezin eskolak bertan behera arratsaldez 
• MUko gainerako fakultateetan, eskolak normaltasunez
• Bergarako bidea erabiltzea gomendatu dute Elgetan 
• Atzotik elurraren protokoloa aktibatuta Arrasaten
• ARGAZKI GALERIA: Elurtea Arrasaten
• ARGAZKI GALERIA: Elurtea Oñatin
• ARGAZKI GALERIA: Elurtea Elgetan
• ARGAZKI GALERIA: Elurtea Aramaion

Aretxabaletatik Arrasaterako bidea gaur goizez

Debagoiena Eneko Azkarate

"Eredu sozioekonomiko alternatibo baten beharra premiazkoa da Euskal Herrian eta nazioartean"

Alternatiba, Aralar, EA eta Ezker Abertzaleko Debagoieneko hainbat ordezkarik agerraldia egin dute gaur Arrasaten "martxan dagoen erreforma neoliberalari eta zentralizazio prozesuari " aurre egiteko eskatzeko. Herritarrei zapatuan Hego Euskal Herriko lau hiriburuetan egingo diren manifestazioetara joateko deia ere egin diete, eta gogoratu Debagoienetik Donostiakora irtengo direla autobusak.

Arrasate Debagoiena Txomin Madina

Debagoieneko ospitalean asteburuko ordutegia izango dute bihar

Sektore publikoaren aldeko lanuztearekin bat egingo dute Debagoieneko langileek bihar, eguena. Horrek esan gura du, gutxieneko zerbitzuek agintzen duten moduan asteburuetako ordutegia ezarriko dutela osasun zerbitzu orokorretan. Larrialdiek, berriz, betiko moduan 24 orduz jardungo dute. 

Arrasate Debagoiena Ubane Madera

Debagoieneko udalek 4,5 milioi inguru itzuli beharko dituzte Foru Fondora

Udal Foru Fondoari udal bakoitzak zenbat itzuli beharko dion badaki, gutxi gorabehera; izan ere, datua behin-behinekoa da. Datu hori Foru Aldundiak jakinarazi dio udal bakoitzari. Debagoieneko zortzi udalek, denetara, 4,5 milioi pasatxo inguruko zorra dute.

Behin betiko datua hilaren 14an Finantzen Euskal Kontseilua batzartu eta gero jakingo dute. Baina "aldatuko ez" den kopurua lehenengo ordainketan, otsailaren 25ean ordaindu behar izango dutena da: gutxi gorabehera, zor osoaren erdia.

Ekonomia Debagoiena Leire Kortabarria