Datorren azaroaren 8an, martitzenean, aukera izango dugu 918 GAU filma ikusteko Amaia antzokian, Kultura eta Berdintasun sailek elkarlanean antolatuta. Zuzendariak filma aurkeztuko du eta aukera izango dugu berarekin hitz egiteko. Iaz estreinatu zenetik, hainbat zinemalditatik mugitu da pelikula, eta nazioartean sari garrantzitsuak jaso ditu. Eguna: Azaroak 8 Ordua: 19:30 Lekua: Amaia Antzokia
Sinopsia:
2007ko urriaren 4an, Arantza, filmaren zuzendaria, atxilotu eta espetxeratu egin zuten. Zenbait oroitzapen gordetzen ditu egun haietatik: patioko joan-etorri amaigabeak, igeriketa lehiaketak, Rasharen bizipen latzak kartzelan…
918 gau giltzapetuta eman eta gero, Arantza aske geratu zen. Handik aurrera, grabagailu batean jaso zituen bere oroitzapenak eta zalantzak, eta filmean zehar azalduko zaizkigu, memoria zatikatu baten eran.
Fitxa teknikoa:
Zuzendaria eta gidoilaria: ARANTZA SANTESTEBAN
Zuzendari laguntzailea: IRATI GOROSTIDI
Ekoizpena: TXINTXUA FILMS eta HIRUKI FILMAK
Ekoizleak: MARIAN FERNANDEZ PASCAL eta MARINA LAMEIRO
