Aspalditik zuen Barberenak "80ko hamarkadari nostalgia dion Arrasateri buruz" asmo eta nahi bat, 90eko hamarkadan arreta jarrita. "Hamarkada ahaztua besteko aberatsa izan zen, nire ustez, eta, azkenean, urratsa egin dut, hainbat zertzelada batuta, 45 minutu iraungo duten hamar irratsaio egiteko. Txiste txiki bat da izena. Francis Fukuyama soziologoak historiaren bukaera iragarri zuen 1989an Berlingo Harresia erortzean; beraz, historiaren epilogoan bizi gara... Helburua zerbait arina egitea da, baina datu batzuk emanda", dio Barberenak.
Aitor eta Jon Sarasuaren diskoa
Aretxabaletako anaia bertsolariek 1995ean Elkar argitaletxearekin argitaratu zuten Fauna txiki bat bertso berritan diskoari buruz egin du estreinakoa. "Garai hartako belaunaldi baten eragina izan zuen lanak, eta oraindik badu oihartzuna. Aspaldiko lagun eta ibilbide luzeko bertsolari Manex Agirreren laguntzarekin, kantuz kantuko azterketa egin dugu solasaldi formatuan, eta, tartean, Ane Zuazubiskar Arrasateko bertsolariak eta aipatutako diskoa baino gazteagoa denak bere ikuspegia oparitu digu".
