Oñati Albisteak
QR kodeak erabiltzen hasi dira jada liburutegian
2012-02-07 10:41:42 Mireia Bikuña
Hasi dira liburutegiko liburuetan, DVDtan eta CDtan QR kodeak erabiltzen. Lauki itxurako puntukako barra-kodeak dira QR-ak, eta produktuaren gaineko informazioa osagarria jasotzeko balio dute.
Lapurrak sartu dira Oñatiko Ugarkaldeko garajeetan
2012-02-07 08:28:03 Arantzazu Ezkibel
Oñatiko Ugarkaldeko 1, 2, 3 eta 4 etxebizitzetako garajeetan lapurrak sartu dira bart. Ertzainak eta Udaltzainak Ugarkalden daude une honetan gertatu dena argitzen. Esan digute oraindik ez dakitela zer lapurtu duten baina "kalte handiak" egin dituztela lapurrek.
Ruper Ordorikak Alemanian joko du
2012-02-06 19:06:01 Eneko Azkarate
Udazkenean Hodeien azpian diskoa argitaratu eta, Euskal Herriko areto asko bete ondoren, tartean Elgetan, oraingoan, oñatiarrak Alemanian jotzeko aukera bikaina dauka. Berlinen bi kontzertu eskainiko ditu: otsailaren 11n, oraingo zapatuan, Mediengalerien izango da eta 13an, astelehenean, Konstanzeko Unibertsitatean joko du.
Tapoiak eta elikagaiaki batuko dituzte Elkar Hezin
2012-02-06 16:17:45 Mireia Bikuña
Batxilergoko lehenengo eta bigarren mailetako ikasleek egingo dute bilketa hilaren 13tik 23ra. Egun horietan elikagaiak, higiene pertsonalerako gaiak eta beste batuko dituzte. Materiala Beninera bidaliko dute. Bestalde, ikasturtean zehat tapoiak biltzen dihardute, Elkar Heziko Santa Marinako eraikinean. Herritarren laguntza eskatu dute.
Nikaraguako umeen eskolatzea posible egiteko laguntza eske
2012-02-06 11:15:22 Mireia Bikuña
Ane Pico, Maddi Urkia, Axier Arriaga eta Leire Larrañaga Huheziko Haur Hezkuntzako Magisteritzako ikasleak ziren 2009an, eta hirugarren ikasturteko praktikak egitera Nikaraguara joan ziren: Diriamba herrira, 2009ko urtarrilean eta otsailean. Hango umeek eskolatzeko zituzten arazoak aintzat hartuta Etagukzergatikez! egitasmoa martxan ipini zuten. Orain laguntza eske datoz.
'Mirrix katua' musikaleko sarrerak gaurtik egubakoitzera arte egongo dira salgai
2012-02-06 09:42:49 Arantzazu Ezkibel
Ganbara Txiki abesbatzak Mirritx katua musikala eskainiko du datorren domekan Santa Anan. Ikuskizunerako sarrerak gaur bertan jarriko dituzte salgai Santa Anan aretoan –18:00etatik 20:00etara. Hilaren 9ra arte, egubakoitza, egongo dira salgai 5 eurotan.
Oñatiko duatloian izena emateko epea zabalik
2012-02-06 09:14:07 Mireia Bikuña
Duatloia martxoaren 10ean egingo dute. Interesatuak www.triatloi.org atarian sartu eta han egin beharko dute inskripzioa martxoaren 5a baino lehen. 20 euro ordaindu beharko da izenemate bakoitzeko. Euskadiko Triatloi Federazioak babesten duen proba izanik, ezinbestekoa da 2012ko federatu txartela eguneratuta izatea. Gehienez 466 parte-hartzaile onartuko dituzte.
Zirkua, graffitiak, antzerkia, musika eta aparteko giroa Kukutzaren astean
2012-02-05 20:09:51 Ander Monedero
2011ko irailaren 21ean bota zuten Bilboko Errekalde auzoko Kukutza III gaztetxea. Nahiz eta gaztetxea bota, bertako kideek proiektuarekin aurrera egitea erabaki zuten eta aste honetan, Bilboko gaztetxearen espirituak magia eta kolorez bete du Oñati.
Defentsan gaizki ibili ostean, Natra Oñatik 114-76 galdu zuen partidua
2012-02-05 19:37:41 Amaia Txintxurreta
Natra Oñatik ezin izan zion aurre egin sailkapenean bigarren doan Cafes Aitona taldeari. Defentsan ez ziren fin ibili oñatiarrak eta hirugarren laurdenean erabaki zen partidua; Natra Oñatikoak erasoan nahiko ondo aritu ziren, baina ez defentsan. Gainera, donostiarrek eraso gehienetan lortu zituzten puntuak eta oñatiarrak ez ziren gai izan ondo defendatzeko. Beraz, partiduaren azkeneko laurdenak ez zuen ezertarako balio izan, ordurako partidua erabakita zegoen.
Mondragon Taldea Alemaniako telebista batean
2012-02-04 16:40:20 Eneko Azkarate
Mondragoeko kooperatiben ereduaren gaineko erreportajea egin du DW-TV telebista kate alemaniarrak. Fagor Etxetresnetan, Olandixon, Arrasaten, Oñatin, Danobat taldeko lantegi batean… hartutako irudiak ageri dira bertan. Eta hainbat debagoiendarren adierazpenak jaso dituzte, arrakastadun eredu moduan jarriz Mondragon Taldea.
goiena.net © Goiena Komunikazio Taldea
Otalora Lizentziaduna 31 · 20500 Arrasate (Gipuzkoa)
Tel.: 943 25 05 05 · webmaster@goiena.com
