Oñati
Dokumentu Akzioak
Albisteak
Udal zerbitzuak zabalik egongo dira abuztuan ordutegi murritzagoarekin
Udal zerbitzuak zabalik egongo dira abuztuan, baina ordutegi murritzagoarekin. Hori horrela, kiroldegia, udal bulegoak, liburutegia eta gaztelekua zabalik egongo dira. Nagusien liburutegia goizez bakarrik zabalduko dute abuztuan eta Gazte Informazio Puntua, arratsaldez.
Hirugarren artisau azoka egin da Arantzazun
Urtero ardatz baten inguruan antolatzen dute Arantzazun Santiago egunez egiten den artisau azoka. Iaz artzantzaren ingurukoa izan baldin bazen, aurten natura izan da gai nagusia.
Autobus zerbitzua egongo da gaur Madalenako jaietara joateko
03:00etatik 08:00etara joan-etorria egingo du autobusak herri gunetik Santxolopeztegira. Bidaia bakoitzeko euro bat ordaindu beharko da.
350 parte-hartzaile inguru aurten Lege Soziologia Institutuko 'workshop'-etan
Martxoa amaieran hasi zituzten Oñatiko Nazioarteko Lege Soziologia Institutuan aurtengo ikasturteko 'workshop' edo bilera zientifikoak. 14 izan dira denera aurten, eta azkena atzo eta gaur bitartean egin dute. Aurtengo bileren balorazioaz eta datorren urteko erronkei buruz, Sol Picciotto Institutuko zuzendari zientifikoarekin egon gara berbetan.
Lezuri Ormazabalen lehen erakusketa Azpeitian, gaurtik
Oñatiarrak lehen erakusketa zabalduko du gaur Azpeitiko BIUR arropa dendan. Hain justu ere, Petite memoire erakusketa. Guztira, hamar lan jarri ditu ikusgai, eta horietan haurtzaroko oroitzapenen gaineko ikuspuntua erakusten du. Erakusketa ikusgai egongo da gaurtik irailaren 24ra arte.
San Frantzisko Borjakoaren Madalenako egonaldiaren gaineko liburua argitaratu dute
Aurten, 2010eko urriaren 28an, San Frantzisko Borjakoaren jaiotzaren bosgarren mendeurrena beteko da. Gandian, Valentzian, jaio arren, Oñatiko Santxolopeztegiko Madalena ermitan bizi izan zen 1.551 eta 1.552 bitartean. Hori ospatzeko, gaur, Madalena egunean, auzotarrek San Frantzisko Borjakoak Oñatiko egonaldiaren gaineko liburuxka kaleratu dute.
Abuztuan hiru aldiz batuko dute etxean birziklatutako olioa
Etxean batutako olioa birziklatzeko furgoneta plazako aparkalekuan egongo da abuztuaren 7an, 14an eta 28an, 09:00etatik 13:00etara. Besteak beste, etxeko olio erabilia eta beste hondakin arriskutsuak batuko dituzte (pilak, fluoreszenteak, erradiografiak...).
San Frantzisko Borjakoaren gaineko liburua bihar aurkeztuko dute Madalenako ermitan
San Frantzisko Borjakoak Madalenan egindako egonaldiaren gaineko liburua 11:00etan aurkeztuko dute. Jose Antonio Azpiazuk idatzi du liburua. Jerardo Elortzak euskarazko bertsioaren moldaketa egin du. Bestalde, maketazioa Jabier Arriaranek egin du, eta argazkiak Joxe Fernandezenak dira.
Gertu dute 'Kalean 2010' egitaraua
Lau dira ekitaldi nagusienak: surf festa eta Pablo Maezen kontzertua, uztailaren 30ean eta 31n;Tianjin Acrobatic Troupe taldearen ikuskizuna abuztuaren 29an; eta Oñatiko bi musika talderen kontzertua, Atzeko kaleko jaietan.
Barikuan hasiko dira aurtengo Madalena jaiak
Uztailaren 23tik 25era bitartean, Madalena auzoko jaiak ospatuko dira. Aurtengo berrikuntzak umeendako puzgarriak izango dira. jarraian duzue egitaraua ikusgai:
