Eguazten arratsaldean jaso zuen Udalak abisua Donostiako epaitegitik, justu, Euskararen Gizarte Erakundeen Kontseiluaren deialdiz, Urkixok "euskararen normalizazioa geldiarazteko abiatutako erasoaldia" salatzeko Foruen plazan egin zuten elkarretaratzea egin baino ordu batzuk lehenago.
Epaitegian
Nerea Zubia euskara zinegotziak azaldu duen moduan, diru laguntza horietako baldintzen artean dator laguntza eskuratzeko aurkeztu beharreko proiektua euskaraz egitea, gutxienez. "Ikusten da euskaraz bizitzeko egiten ditugun ahalegin denak oztopatu gura dituela estatuak. Guk, baina, aurrera jarraituko dugu". Horrelako erasoen aurrean "denok batera" erantzuteko beharra dagoela ere adierazi du Zubiak.
Oñatiko Udalak orain 20 egun ditu dokumentazio guztia aurkezteko eta abokatua eta prokuradorea izendatzeko. Udal kontratazioengatik ere jasota du eskaera judiziala udalak.