Leintz Gatzaga
Bikuñara joateko izenematea zabalik dago
Dokumentu Akzioak
Uztaileko udalekuen barruan Bikuñako zalditegira (Araba) irteera antolatu du Gurelek, uztailaren 12rako. Gurasoekin joango dira umeak, eta lehenbailehen eman behar dute izena interesatuek.
Udalekuetako ekintza izan arren zapatuan izango da, eta horregatik umeek gurasoekin joan beharko dute. Gainera, zaldiak erreserbatu egin behar dituzte zaldi gainean ibiltzea gura dutenendako; hori horrela, lehenbailehen eman behar da izena. Interesatuak Labidea dendatik pasa daitezela.
Zalditegira irteera zapatuan egingo dutenez umeek, aste barrurako beste ekintza bat antolatu dute Gureleko kideek: Ariznabarrako rokodromora (Gasteiz) irteera. Gaztetxoendako izango da hori, eta umeak bitartean, igerilekuan ibiliko dira. Gainera, urtero legez, Gamarrako igerilekura joango dira eta Gaztainuzketara gaua pasatzera.
