Leintz Gatzagako albisteak

Mundumirako azokak huts egin zuelako antolatzaileei erantzukizunak eskatuko dizkie Gatzagako Udalak

2012-05-26 14:22:22 Jokin Bereziartua

Gozoa baino zapore gazia utzi zuen Mundumira jaialdiak gatzagarren artean. Antolatzaileek –Mankomunitatea, Euskal Herria aldizkaria eta Ginmusika enpresa– azokarako agindutakoa baino postu gutxiago jarri zituztelako munduko kulturen festa ez zen esperotakoa izan. Bada, atzo Udalak bilera deitu zuen herritarrekin jaialdiaren gaineko balorazioa egiteko: "Bilera oso emankorra izan zen, jaialdiaren alde onak eta txarra atera genituen. Bat gatoz guztiok azoka oso eskasa izan zela esaterakoan: agindutakoa baino postu gutxiago izan ziren eta batzuk gainera domekan ez ziren etorri, etortzeak merezi ez zuela eta halakoak esanez", azaldu du Iñaki Agirreurreta kultura zinegotziak.

Kultura Leintz Gatzaga

Hondarribia aldera joango dira erretiratuak ekainaren 7an

2012-05-25 13:32:00 Mirari Altube

Toki Eder elkarteko erretiratuek ekainaren 7rako, eguena, gertatu dute udaberriko irteera, eta ohi legez, kostaldera joango dira, Hondarribia aldera, hain zuzen. Izena emateko epea zabalik dute maiatzaren 31 arte; Tere Aranburuzabala eta Joxe Gorosabel batzordeko kideengana jo dezatela interesa dutenek.

Leintz Gatzaga

Gatzagarrak ez daude oso gustura Mundumirak herrian emandakoarekin

2012-05-24 12:47:05 Arritxu Barruso

Aurten lehen aldiz bi udalerriren artean banatu da Mundumira jaia: Leintz-Gatzaga eta Eskoriatza. Bada, Mundumiraren hurrengo astean, eta atzera begira ipinita, herri bateko edo besteko bizilagun eta udal ordezkariek ez dute balorazio bera egiten. Gatzagarrak haserre daude; Mundumira ez zen izan esperotakoa. Udalak herritarrekin bilera egingo du bihar, egubakoitza, 19:00etan eta hurrengo astean antolatzaileekin –Debagoieneko Mankomunitatea, Euskal Herria aldizkaria eta Ginmusica– bilera egiteko asmoa dute.

Kultura Leintz Gatzaga

Auto bat irauli da Leintz Gatzagako irteeran Eskoriatzarako noranzkoan

2012-05-22 08:31:11 Goiatz Arana

07:30ean gertatu da istripua. Urdin koloreko Fiat Punto bat irauli da GI-3310 errepide zaharrean, Leintz Gatzagako herri irteeran, Eskoriatzarako noranzkoan. Bi lagun zihoazen bertan eta zauri arinak jasan dituzte biek; istripu tokira joan den Gurutze Gorriko anbulantzian ari dira artatzen. Istripua izan duen autoa errei bat oztopatzen ari da eta Ertzaintza zirkulazioa zuzentzen ari da uneotan. 08:20 inguruan heldu da garabia.

ARGAZKI GALERIA

Debagoiena Leintz Gatzaga

Gizonezko bat atxilotu dute bikotekidea giltza ingelesarekin kolpatzeagatik

2012-05-21 10:47:19 Irati Goitia

Ertzaintzak 28 urteko gizonezkoa atxilotu du Leintz Gatzagan, bikotekidea giltza ingeles batekin kolpatzeagatik. Biktima Arrasateko ospitalean artatu behar izan zuten, besoetan zituen ubeldura eta hematomengatik.

Leintz Gatzaga

Eugenio Otsoa: "Ehizaren gaineko plana egingo dugu, eta postu gehiago sortuta proba egitea da asmoa"

2012-05-21 09:41:37 Mirari Altube

Mexikon egin ditu azken lau urteak Eugenio Otsoak lan kontuengatik. Iaz ekainean alkatetza hartu eta Mexikora itzuli behar izan zuen, baina urtarrila ezkero bueltan da eta alkate lanak bete-betean hartuta ditu.

Leintz Gatzaga

Erantzun bikaina Mundumirak

2012-05-20 16:12:34 Leire Kortabarria

Leintz Gatzaga eta Eskoriatza artean osatu da asteburu honetan, Mundumiraren zortzigarren ekitaldia. Eguraldiak etxean geratzeko arrazoiak eman arren, erantzun bikaina jaso du, aurten ere, nazioarteko kulturen festak.

ARGAZKI GALERIA

Kultura Eskoriatza Leintz Gatzaga

Eskoriatzatik Gatzagara errepidea, itxita

2012-05-19 12:39:27 Leire Kortabarria

Lurraldebus autobus batek istripu txiki bat izan du Eskoriatzatik Gatzagara, Mundumirara zihoala. Zauriturik ez dago, baina GI-3310 errepidea itxita dago, Ertzaintzak esan digunez. Garabiarekin dabiltza orain lanean.

Eskoriatza Leintz Gatzaga

Ekoferixa Mundumiran

2012-05-15 11:49:10 Aketz Zubia

Mundumira jaialdiaren barruan denetariko ekitaldiak eta ikuskizunak antolatu dituzte astebururako. Horietako bat Ekoferixa izena daraman produktu ekologikoen eta 'slow food' gastronomiaren azoka izango da. Bertaratutakoek dastaketa, hitzaldi eta tailer ezberdinez disfrutatu ahal izango dute. Horrez gain, akanpada eta karabana gune berriak egokitu dituzte.

Kultura Munduan zehar Debagoiena Eskoriatza Leintz Gatzaga