Leintz Gatzaga
Arlabanen dagoen Dorletako Amak 50 urte beteko ditu
Urriaren 25ean beteko du mende erdia Arlabango errepide ertzean dagoen Dorletako Amaren irudiak. Dorletako Txirrindulari Batzordeak, oraingoz, ez du ekitaldirik pentsatu urteurrena ospatzeko, baina Euskal Herriko txirrindulari batzorde batek zerbait antolatzeko asmoa agertu dio Udalari.
Arlabango plana lantzen dabil Udala
Urtebete da Arlaban gaineko plana egin zuela aurreko agintaldiko udalbatzak, Toledo aditu taldearen laguntzarekin hain zuzen. Orduan onartu barik utzi zuten –hauteskundeak tarteko–, baina ekainean kargua hartu zuen Udal taldea lanean ibili da azken hilabeteotan.
Abereak mendian ibiltzea arautzen duen ordenantzaren aldaketak ikusgai
Astelehenaz gero, maiatzak 5, daude ikusgai abereak mendian ibiltzea arautzen duen ordenantzaren aldaketak. Apirilaren 10ean egindako osoko bilkuran onartu zituen udalbatzak, eta asteleheneko Gipuzkoako Aldizkari Ofizialean argitaratu zuten jakinarazpena. Orain hilabeteko epea daukate interesatuek erreklamazioak aurkezteko. Udaletxera bideratu behar dituzte.
Abereak mendian ibiltzea arautzen duen ordenantza aldatuko du Udalak
Gatzagako abeltzainek Udalarekin adostuta proposatu dute orain dagoen ordenantza aldatzea. Eta apirilaren 10ean egindako osoko bilkuran onartu zituzten aldaketok. Ikusgai egongo da orain aldatutako ordenantza. Erreklamaziorik ez badago behin betiko onartu eta indarrean jarriko dute.
Marotoko iturburutik ura hartzeko baimena eman du Uraren Euskal Agentziak
Orain dela bederatzi egun eman dio baimena Uraren Euskal Agentziak Leintz Gatzagako Udalari Maroto basoan dagoen iturburutik ura hartzeko. 0,1 litro hartzeko baimena da, eta etxerako zein abeltzaintzarako erabiltzeko. Halaxe argitaratu zuten apirilaren 14ko Gipuzkoako Aldizkari Ofizialean.
Leintz Gatzagan albiste
- Fado afaria egingo dute apirilaren 25ean, egubakoitza
- 427.826 euroko aurrekontua onartu du udalbatzak
- Gatzagako errepidean zegoen zuloa konpontzen dabiltza
- 2008ko udal aurrekontua eztabaidatuko dute gaur osoko bilkuran
- Saharan bizi diren umeak hartzeko epea apirilaren 10ean bukatuko da
- Batzordeko kide berriak izendatu ditu Toki Eder elkarteak
- Aldaketa gutxi erretitatuek egingo duten batzarrean
- Sorginak emakume elkarteak bazkaria egingo du martxoaren 8an
- Gatzagako tontorrik garaienak bakarrik zuritu ditu elurrak
- 21.000 euroko dirulaguntza bideratu du Aldundiak, Gizarte Zerbitzura
