Osasuna
Isabel Kirze: "Eskerrik asko emale egin zaretenoi; eta zalantzan zaudetenoi: egin emale, bizitza bat eman dezakezue"
Emalea aurkitu ostean eta dena ondo badoa ekainaren 14an edo 15ean egingo diote ebakuntza leuzemiaz gaixo dagoen Fernando Riviere ume aretxabaletarrari. Familiak eskerrik beroenak eman gura dizkie hezurmuina eman duten guztiei eta zalantzan daudenei emaile egitera animatu die. Diotenez, ez da ezer kostatzen eta bizitza bat eman daiteke.
EAEko ongizate ereduari eustera konprometitu da Lopez
Lopez lehendakariak berretsi egin du EAEko giza-elkartasun eta ongizate ereduak tinko jarraituko duela, Espainiako Gobernuak proposatzen duen osasun erreformaren aurrean. EAEren ongizate eta berrikuntza soziosanitario ereduaren gaineko eztabaida izan zen atzo, eta hantxe esan zituen hitzok Lopezek.
Luis Mari Jauregik 100 bider odola
Lizarraga Hiribideko etxean hartu gaitu Luis Mari Jauregik goizean. Orain 45 urte hasi zen odola ematen, 69 urteko antzuolarra eta pasa den astean, 100. odol ateraldia egin zuen.
Fernando Rivierek lortu du emailea!
Fernando Riviere aretxabaletar umetxoak lortu du bere bizia salbatzeko ezinbestekoa den hezur-muin emailea. "Asteon jakinarazi digute semearendako emailea aurkitu dutela eta Bartzelonara joan behar izan dugu frogak egitera. (…) Emaile anonimo horrek irteera lerroan jarri gaitu, gure bizitzako lasterketarik garrantzitsuenari hasiera eman ahal izateko", adierazi du familiak
Herritarrek ospitale berria barrutik ezagutzeko bisitak egingo dituzte
Ekainaren 2an izango dira, eta bi egingo dituzte. Parte hartzeko ezinbestekoa izango da izena ematea 667 15 83 25 zenbakian maiatzaren 21etik aurrera.
Doluari buruzko bigarren tailerra Arantzazun
Hilaren bukaeran, maiatzak 25, 26 eta 27an, doluari buruzko bigarren tailerra egingo du Bideginek Arantzazun. 'Doluaren Bidetik: Bizi irautetik, bizitzera' izenburupean egingo da aurtengoa, eta Jesus Mari Arregi eta Izaskun Andonegik parte hartuko dute; Asis Topagunearekin elkarlanean prestatutako tailerra izango da.
Uxue Bolinaga medikuak jaso du barne mediku egoiliar onenaren bigarren saria
Otorrinolaringologoa da Uxue Bolinaga 30 urteko oñatiarra. Gaur, maiatzaren 15a, eman diote 2011ko barne mediku egoiliar (MIR) onenaren bigarren saria. Pilar Marcok, medikuen ikasketa buruak eta UCIko arduradunak, eman dio saria. Argazkian, Marco doktorearekin batera, Eduardo Ladron de Guevara mediku zuzendaria duzue.
Sendabelarren gaineko ikastaroa Ubera auzoan
Gure inguruan dauden sendabelarrak ezagutzea eta sendabelar horiek zertarako erabiltzen diren erakutsiko dute, besteak beste. Maiatzaren 19an izango da Ubera auzoko Jaolatza elkartean; izenematea zabalik dago.
Sendabelarren eta aromaterapiaren gaineko ikastaroa egingo dute Bedoña auzoan
Maiatzaren 26an egingo du Itziar Salegik; izen-ematea zabalik da.
Desgaituak onartuak izatearen beharra aldarrikatu du Marisol Andradek antzezlanean
Ezagutuz ulertu, ulertuz maitatu, esaldia, hitzetik praktikara eraman nahi du Marisol Andrade eskoriatzarrak. Horretarako, Erromako zubi gisa erabili du Zu behar zaitut antzezlana. "Denok elkarrekin aniztasunean bizitzeko Erromako zubia eraiki behar dugu", zioen Andradek antzerkiaren pasarte batean. Pilotalekua bete egin zen. Andraderekin eta bertaratu zirenekin izan gara. Biharko Goienan elkarrizketa eta xehetasun gehiago.
Sonia Ulacia: "Pentsamendu positiboa izaten ikasi behar dugu"
Sonia Ulacia gerontologoa auto-estimuaren gaineko ikastaroa gidatzen ari da azken asteetan Bergaran. Udalak eta Bizikasik antolatu dute eta datorren eguaztenean, maiatzak 30, izango da azken saioa. Atzo, eguaztena, 'Magazinea'-n izan zen eta nork bere burua onartzearen eta mendekotasunik ez izatearen garrantziaz mintzatu zen.
Javier Bikandi: "Kronet gaixo kronikoendako sare sozial emozionala da, aukeratzen duzun emozioetara moldatzen dena"
Eusko Jaurlaritzako Osasun Sailak Kronet gaixo kronikoendako ataria jarri du martxan. Euskadin, osasun-sistemarekiko hamar komunikaziotik zortzi gaixotasun kronikoekin dute lotura eta gaitz horien tratamenduari dagokio, bestalde, osasun-gastuaren %77. Pazientearen autonomiarako sortu da Kronet eta helburu nagusia da paziente kronikoen eta haien zaintzaileen bizi-kalitatea hobetzea, egoera berean dauden beste batzuekin hitz egiteko, laguntza trukatzeko eta emozioak partekatzeko. Horri buruzko xehetasunak Javier Bikandik eman dizkigu, Kroneteko arduradunak eta O-berri-ko ikertzaileak.
Sonia Ulazia: "Estresa eragiten duen faktore bat nork bere buruari jarritako exijentzia maila handia da"
Bizikasik eta Bergarako Udalak Autoestimua izeneko ikastaroa antolatu dute. Joan den eguaztenean hasi zuten ikastaroa zortzi emakumek eta bi gizonek. Adindu elkarteko Sonia Ulaziak azaldu du zertan oinarritzen den ikastaroa.
Maider Sierra: "Erretzeari uztea bi segundotako kontua da, gauza da noiz pizten den hurrengoa"
Arrasateko Udaleko Prebentzio Sailak erretzeari uzteko ikastaroa jarri du martxan. Bi hilabetetan zortzi saio egingo dituzte Kultur Aten eta bertan gidari lanetan ibiliko den Maider Sierra Minbiziaren Aurkako Elkarteko psikologoak ikastaroaren gaineko xehetasunak eman dizkigu ondorengo bideoan.
Alaitz Pagaldai: "Urtebete hileroko barik egon ostean esan daiteke emakume batek menopausia duela"
Debagoieneko Erakunde Sanitario Integratuak hirugarren Osasun Ikasgelan menopausia gaia izan zuen hizpide. Eta eguaztenetako osasun tartean Alaitz Pagaldai izan genuen gai horri buruzko xehetasunak ematen. Hemen duzue bideoa ikusgai.
Miren Arizti: "Usaimenik ez edukitzea da anosmia eta horrek eragina izan dezake zaporeetan"
Gasteizko Txagorritxu Ospitaleko otorrinolaringologia zerbitzutik egindako ikerketa batetik ondorioztatu dute anosmia gaixotasunak biztanleen %2ri eragiten diela. Gaixotasun horri buruz hitz egin dugu osasun tartean Miren Arizti Debagoieneko Ospitaleko otorrinolaringologoarekin.
Leuzemia daukan 9 hilabeteko Fernando Riviere Aretxabaletako mutikotxoak hezur-muin transplantea behar du
Zazpi hilabete zituela, aurtengo otsailean diagnostikatu zioten gaixotasuna Fernandori: Leuzemia Mielomonozitikoa dauka. Bakarrik hezur-muin transplante baten bitartez osatu daiteke gaixotasun mota da hori, eta Fernandoren gurasoen eta bestelako senideen hezur-muinak ez dira balekoak. Ondorioz, herrikide eta inguruko bizilagunei dei egin diete hezur-muin emaile egin daitezen, hori da-eta osatzeko duen bide bakarra. Ezagutu gertutik Fernando mutikotxoaren kasua eta emaile egiteko beharrezko informazioa jaso bideoa ikusita.
Osasuna Aretxabaleta Arrasate Debagoiena Amaia Txintxurreta erantzun 1
Hipertentsioa hizpide
Debagoieneko Erakunde Sanitario Integratuak aurten antolatutako bigarren Osasun Ikasgelan hipertentsioa izan zuten berbagai. Osasun tartera ere gai horixe ekarri dugu: hipertentsioa. Eta horri buruzko azalpenak Maitane Izagirre barne medikuntzako medikuak eman digu.
Bi hilabete eta erdi bakarrik falta da ospitale berria inauguratzeko
Debagoiendarrok luzaroan zain izan dituen ospitale berria ia guztiz gertu dago, eta ekainaren 18an inauguratuko dute. Momentu horretatik, erabiltzaileok hara joan beharko dute oraindik gaur egungo ospitalean egiten dituzten egiteko eta zerbitzu guztietarako.
Ospitalea zelakoa den ikusi:
Azken albisteak
- Sonia Ulacia: "Pentsamendu positiboa izaten ikasi behar dugu"
- Isabel Kirze: "Eskerrik asko emale egin zaretenoi; eta zalantzan zaudetenoi: egin emale, bizitza bat eman dezakezue"
- EAEko ongizate ereduari eustera konprometitu da Lopez
- Luis Mari Jauregik 100 bider odola
- Fernando Rivierek lortu du emailea!
goiena.net © Goiena Komunikazio Taldea
Otalora Lizentziaduna 31 · 20500 Arrasate (Gipuzkoa)
Tel.: 943 25 05 05 · webmaster@goiena.com
