Kultura
Euskeriaren Eguna, festa giroko aldarrikapena
Loramendi Elkarteak antolatuta Euskeriaren Eguna egin zuten atzo Aretxabaletan. Egun osoko egitaraua izan zuten eta jai giro polita izan zen. Hona hemen goizeko argazkiak:
Beste Bat! egunean gozatu egin dute ume zein helduek
Beste Bat! eguna ospatu zuten atzo Arrasaten, bigarrenez. Egun osoko egitaraua antolatu zuten eta haur, gazte zein heldu gustura ibili ziren. Gauean gaztetxean izan ziren kontzertuetan, esaterako, 140 lagun inguru batu ziren.
Jai arrakastatsuak Errekalden
Oñatiko Errekalde auzoan, jaien azken txanpan sartuta dabiltza. Izan ere, asteburuan izan dira auzoko festak eta izan da non gozatu. Umeak gustura ibili dira puzgarrietan eta helduek ere disfrutatu dute gaueko kontzertuekin.
Zoriontsu izateko ez da printzesa izan beharrik
'Eperrak jan nahi ez zituen printzesa' liburuan oinarritutako antzezlana aurkeztu zuen Ausartak taldeak atzo gauean Huhezi fakultatean. Herriko bederatzi emakumek osatzen dute taldea eta asko izan ziren euren lana ikustea joan zirenak; aretoa bete egin zen.
Mundumirako azokak huts egin zuelako antolatzaileei erantzukizunak eskatuko dizkie Gatzagako Udalak
Gozoa baino zapore gazia utzi zuen Mundumira jaialdiak gatzagarren artean. Antolatzaileek –Mankomunitatea, Euskal Herria aldizkaria eta Ginmusika enpresa– azokarako agindutakoa baino postu gutxiago jarri zituztelako munduko kulturen festa ez zen esperotakoa izan. Bada, atzo Udalak bilera deitu zuen herritarrekin jaialdiaren gaineko balorazioa egiteko: "Bilera oso emankorra izan zen, jaialdiaren alde onak eta txarra atera genituen. Bat gatoz guztiok azoka oso eskasa izan zela esaterakoan: agindutakoa baino postu gutxiago izan ziren eta batzuk gainera domekan ez ziren etorri, etortzeak merezi ez zuela eta halakoak esanez", azaldu du Iñaki Agirreurreta kultura zinegotziak.
Printzea ez dela beti urrea erakutsiko du Amuskak
Amuskaren antzerki tailerrean sortu den Ausartak izeneko antzerki taldeak La cenicienta que no quería comer perdices antzezlana egingo du zapatuan, 22:00etan, unibertsitatean.
Oñatitik Europara eta Ameriketara Azpiazutar Josebaren talentua
Oñatik izan duen musikari handienetakoa domekan omenduko dute, Santanan, 19:30ean; Baranzano gitarra-jotzaile uruguaiarrak Azpiazu zenaren gitarra joko du. Bihar mendea beteko da Jose de Azpiazu gitarra-jotzaile eta musikaria jaio zela, 1912ko maiatzaren 26an jaio zen-eta.
Txorbela Errenteriara doa etzi, otxoteen bigarren topaketara
Arrasateko Txorbela otxotea protagonista izango da etzi Errenterian, bigarrenez antolatu den otxoteen topaketan. Lau emanaldi eskainiko dituzte; hasteko, bazkaldu aurretik Juli (12:45), Maite (13:15) eta Desira (13:45) tabernetan ibiliko dira kantuan eta bapo bazkaldu ostean, amaiera kontzertua eskainiko dute Niessen kultura etxean (18:00). Azken emanaldi horretan Txorbela otxoteak hiru kantu abestuko ditu. 20:00ak aldera bueltatuko dira Arrasatera.
Eguzkierripa auzoa rock gogorraren topaleku izango da bihar
Aramaioko Gazte Asanbladaren ekimenez, Eguzkierripa Rock jaialdiaren laugarren edizioa ospatuko dute bihar, hilak 26, Andra Mari ermitan. Asanbladako kideek gogoratu dute nola sortu zen jaialdia: "Jaialdiaren ideia lagun arteko berbaldi batetik sortu zen. Herrian ezaguna den leku eder baten, hau da, Andra Mari ermitan, zerbait egin zitekeela pentsatu genuen. Aterpe ederra dugu eta ermita bat izateak beste xarma bat ematen dio". Honakoa ere gaineratu dute: "Jaialdia herrian errotuta dago eta asanbladarendako oso hitzordu garrantzitsua da".
Al Andalusekoen 23. Kultura Astea azken txanpan sartuko da
Al-Andalusekoak Kultura Astearen 23. edizioaren azken txanpan murgilduko dira aste bukaeran. Ekintzen artean, honakoak dira nabarmentzekoak: gaur, haurrendako jolasak eta merienda (18:00); bihar, parrillada (12:30), Al-Andaluseko koroaren emanaldia (13:00) eta bazkide zein gertukoendako gala-afaria (21:30); eta domekan, azkenik, Alegria de la Sierra abesbatzaren saioa (13:00) eta Salbe Errozieroa Al-Andaluseko koroaren eskutik (19:00).
Sara Cozar: "Zineman sekuentzia bakoitza azterketa bat da, eta hori gustuko dut"
Goenkale-n Mimi izan zen; Las mujeres de verdad tienen curvas antzezlanean, kubatar bat; Izarren argia filmean, presoa... Domekan Arrasaten egongo da Hil arte bizi obrarekin.
Kale zaharrarentzat, kolore berriak
Kaleak saltokiz husten ari direla eta, arazoari irtenbidea emateko egitasmo berezia jarriko du abian Bergarako Udalak. Hain zuzen, hutsik dauden merkataritza-guneetan herriko artisten lanak jarriko dituzte ikusgai.
Musakolako jaiak: elkarri arrimatzeko plaza bikaina sanjuanen aurretik
"San Andresen begiz jo, Musakolan arrimatzen ahalegindu eta sanjuanetan errematatu. Zenbat senar-emazte irten diren Musakolako jaietatik…". Gazte batek hala kontatu, eta guk hala egiaztatu dugu Musakolako jaiak pasa berri diren honetan.
Mundumira eta beste, irudietan
Mundumira; Oihana Kortazarren beste garaipen handi bat Zegama-Aizkorri maratoian; Mondraren garaipena Aretxabaletan; San Isidroak Antzuolan; Debagoieneko herritarrak plazara bildu dituen ekimena, presoen alde...
- Mundumira Leintz Gatzagan eta Eskoriatzan
- Zegama-Aizkorri mendi maratoia
- Goazen plazara!, Arrasaten
- Goazen plazara!, Bergaran
- Goazen plazara! Oñatin
- Goazen plazara!, Aretxabaletan
- UDA-Mondra futbol derbia
- Areto futbola: UDA lehen mailara
- San Isidroak Antzuolan
- Aretxabaleko ikasleak bertsotan
- Oskorrirekin kantuan Elgetan
- Asentzio Eguna Elgetan
- Diplomak ingeniari berrientzat
- Gorlako auto igoera
Zelaiarengandik sortutako harrobiaren esker ona
Julian Zelaia (Oñati, 1916) organo-jotzaile hutsa baino gehiago izan zela agerian geratu zen zapatuan egin zioten omenaldian.
Julian Zelaia omenduko dute bilobek gaur, zapatua
"Familiako bazkari batean sortu zitzaigun ideia. Konturatu ginen senide asko ginela musikariak eta gure aitarengandik, aitajaunarengandik, jaso genuela zaletasun hori. Eta erabaki genuen omenaldia egitea. Bilobek aitajaunari egingo dioten omenaldia izango da", dio Juan Carlos Zelaiak, Julian Zelaia zenaren semeak.
Alaitz Zabalo: "Ez dut imajinatzen nire bizitza flauta barik, oreka handia ematen dit"
Alaitz Zabalok urte asko daramatza flauta jotzen eta orain dela 12 urtetik Euskal Herriko Flauta Orkestrako kidea da. Maiatzaren 12an (zapatua) kontzertua eskaini zuen Torresoroan familiarteko eta lagunen begiradapean.
Natxo de Felipe: "Ez gure erabakiz, baina uste dut Oskorri gabe geratuko garela"
Mediku izateko bidean zegoen bilbotar honen izena Oskorriri lotuta entzun dugu beti; egubakoitzean, The Pub Ibiltariarekin egongo dira Elgetan. Etorkizuna baina, beltza da...
Los Galerna: "Surf instrumentaletik abiatuta, askotariko estiloak nahasten ditugu"
Los Galerna taldeak bigarren diskoa kaleratu berri du, eta, aurrekoan bezala, surf doinu klasikoen eta beste estilo askoren nahasketa egin dute.
Kirola egin, jai giroan murgildu edota modaz gozatzeko aukera eman du asteburuak
Askotariko gustuak asetzeko moduko asteburua izan da pasa berri dena. Ohiko moduan, kirol hitzordurik ez da falta izan, baina horiei beste hainbat ere batu zaizkie: Musakolako jaiak, esaterako. Festa-sasoia hemen dela gogora erazi digute. Asteburua iruditan duzue hemen.
- Aitzorrotz Eguna Eskoriatzan
- Musakolako jaiak
- Durana Fashion Day Aretxabaletan
- Otala Zelaiko jaia Aretxabaletan
- Erromeria eguna Bergaran
Kirola
goiena.net © Goiena Komunikazio Taldea
Otalora Lizentziaduna 31 · 20500 Arrasate (Gipuzkoa)
Tel.: 943 25 05 05 · webmaster@goiena.com
