Hezkuntzako albisteak

Mondragon Unibertsitateko ate irekiak, lehenengo aldiz, streaming bidez

2012-05-25 15:25:49 Txomin Madina

Ekainaren 17an amaituko da Mondragon Unibertsitatean aurrematrikula egiteko epea, eta datorren astean egingo dute unibertsitatearen eskaintza ezagutzeko azken ate irekien jardunaldia. Jardunaldi berezia izango da baina: lehen aldiz streaming bidez egingo dute, eta MUtelebistatik jarraitu ahalko da. Interesa dutenek gainera, txat bidez zalantzak argitzeko aukera izango dute. Hemen jarraitu ahalko da jardunaldia.

Hezkuntza Teknologia berriak Debagoiena

Eskola kontuak, oporrak eta futbola izan dira bertsoetako gairik gustukoenak

2012-05-25 11:41:20 Mirari Altube

Aretxabaletako Iturrigorri pilotalekuan eskaini dute oraingoan bertso saioa gaztetxoek; Kurtzebarri eskolako eta Arizmendi ikastolako Almen guneko ikasleek. Opor sasoia izan zuten batzuek gogoan eta eskola kontuak beste batzuek. Athletic-zaleek eta Real-zaleek, ostera, aparteko giroa sortu zuten eta elkarren lagun direla erakutsita.

ARGAZKI GALERIA

Hezkuntza Aretxabaleta Eskoriatza

San Martin eskolaren jaia bihar, familia giroan ondo pasatzeko

2012-05-25 08:15:00 Jokin Bereziartua

Egun handia izango da biharkoa San Martin eskolakoendako. Aurten laugarrenez, ikasturtea agurtzeko jaia ospatuko dute. Eskolaren jaia, urtean zehar egiten diren beste hainbat ekintzen antzera, guraso eta irakasleek elkarlanean antolatzen dute. Jaiaren helburua da, Aizpea Ajuriagerra antolatzaile lanetan diharduen gurasoak azaldu duenez, guraso, irakasle eta ikasleak egun batez elkartzea, eta "ondo pasatzea, noski!".

Hezkuntza Aramaio

Trokonizko Waldorf pedagogiako ikasleen antzerkia zapatuan San Biatorren

2012-05-24 14:22:16 Goiatz Arana

Euskal Herriko lehen Waldorf eskola da Trokonizkoa eta bertako kideek euren pedagogiaren oinarriak eszenaratzen dihardute, Greziako historia eta mitologiaren bitartez: 'Demeter eta Persefone: lau urtaroen mitoa' poema epikoa greziarra taularatuko dute zapatuan, hilak 26, Eskoriatzako San Biator eraikinean, 18:00etan.

Hezkuntza Kultura Eskoriatza

Zapatuan bukatuko da UNED-Bergararen uda ikastaroetan izena emateko epea

2012-05-24 10:58:22 Goiatz Arana

XI. edizioa da aurtengoa eta bost arlotan banatutako 28 ikastarok osatzen dute eskaintza: Giza eta Gizarte-Zientziak (9), Linguistika eta Literatura (2), Hezkuntza eta Psikologia (11), Zientzia eta Teknologia (2) eta Osasuna (4).

Hezkuntza Bergara Debagoiena

Ganbara Kantu Eskolako taldeen abestirik berrienak ikasturte amaierako kontzertuan

2012-05-24 09:16:22 Goiatz Arana

Urtero bezala, kontzertu berezia eskainiko dute ikasturtea bukatzeko: tailerretako haurrek, Ganbara Txikitxoak taldeak eta Ganbara Txiki Abesbatzak azken hiruhilekoan landutako abestiak aurkeztuko dituzte. Azken talde horrek, gainera, kurtso bukaerarako ikuskizun berezia prestatu du 'Grease' filmeko abesti ezberdinekin. Ekainaren 24an izango da, 19:00etan, Santa Ana antzokian. Eta kurtsoa amaitu arteko asteetan ere agenda betea izango dute.

Hezkuntza Kultura Oñati

1.000 pieza dituen puzzlea egin dute San Martin eskolako haurrek

2012-05-24 09:00:00 Jokin Bereziartua

San Martin eskolako bost urteko 17 neska mutikok erronka ederra hartu zuten duela bi hilabete: 1.000 pieza dituen puzzlea egitea, hain justu. Kostata, baina helburua bete dute eta emaitzarekin pozik atera dute argazkia. Zorionak!

Hezkuntza Aramaio

Elikaduraren gaineko hausnarketa egin dute Kurtzebarri eskolako ikasleek

2012-05-23 20:07:59 Mirari Altube

Martitzenean elkartu ziren Kurtzebarri eskolako ikasleen ordezkariak Ana Bolinaga alkate eta Lore Martinez ingurumen zinegotziarekin elikaduraren gainean egindako lanaren berri emateko. Eskola Agenda 21 barruan landu dute eta herri mailako azterketa egin ondoren jasotako emaitzak aurkeztu zizkieten, baita proposamen batzuk egin ere.

Hezkuntza Aretxabaleta

Streaming bidezko ate irekiak MUn

2012-05-23 17:36:29 Goiatz Arana

Mondragon Unibertsitateak ate irekien saio berritzailea antolatu du hilaren 29rako: Oñatiko Enpresagintzan egingo da eta 'MUtelebistak' zuzenean botako du Internet bidez. Beraz, MUn ikasketak egin gura dituen edonork etxetik edo beste edozein tokitatik jarraitu ahal izango ditu ordubetez Oñatiko fakultatean emango dituzten azalpenak.

Hezkuntza Teknologia berriak Arrasate Debagoiena Eskoriatza Oñati

Huheziko ikasleek lehen eskutik ezagutu dituzte Esther Ferrerren zalantza, ardura eta esperientziak

2012-05-23 17:18:12 Goiatz Arana

Artista donostiarrak atzo, martitzena, bisitatu zituen Eskoriatzako Humanitate eta Hezkuntza Zientzien fakultateko ikasleak, Jakiundek antolatutako topaketen baitan. Bere bizibide zabalak eskaini dion esperientzia partekatu zuen eurekin.

Hezkuntza Eskoriatza