Ekonomia Albisteak
Eroskik 42 milioi irabazi ditu, 2010ean baino %40 gutxiago
2012-05-25 09:19:38 Leire Kortabarria
Eroski kooperatibak 42 milioiko irabaziarekin itxi du 2011ko ekitaldia, 2010ean baino %40 gutxiago. "Prezioan lehiakorra den eskaintza komertzial bat mantentzeak azken emaitza baldintzatu" duela esan du Mondragon Korporazioko banatzaile handiak. Kooperatibaren esanetan, eskaintza komertzial hori "marjina txikiagoetan" oinarritzen da, eta Eroski marka eta fabrikatzaileen marka liderrak konbinatzen ditu. Horren bidez, bezeroek 123 milioi euro aurreztu dituztela esaten du Eroskik.
Pello Gibelalde da Adegiko presidentea
2012-05-24 12:12:14 Leire Kortabarria
Pello Gibelalde 67 urteko legazpiarra aukeratu dute Adegi patronaleko presidente. Elgetan bizi den Eduardo Zubiaurre ordezkatuko du karguan.
Mondragon Taldeak eta MUk ekoeragingarriago izaten erakutsiko diete enpresei
2012-05-24 12:05:37 Leire Kortabarria
Euskadik I. Ekoeraginkortasun Astea egingo du, ekoizpen-eredu berritzaileagoa bilatzeko. Bihar, hilak 25, hasi eta ekainaren 5ean bukatuko da. Ihobe erakunde publikoak antolatu du, eta hainbat ekintza izango dira; tartean, Mondragon Korporazioak eta Mondragon Unibertsitateak antolatutako ekintzak.
LAB sindikatuak prentsaurrekoa egin du Maiatzaren 31rako lanuztea deitzeko
2012-05-23 15:19:36 Maialen Regueiro
Bergarako Kultur Etxean egin dute prentsaurrekoa, gaur eguardian. Prentsaurreko honen helburua Maiatzaren 31rako lanuztea deitzea izan da. Izan ere, zerbitzu publikko unibertsalak eta doakoak eta burujabetza politiko eta ekonomikoa aldarrikatu nahi dituzte.
Krisian ere arrakasta izan daiteke
2012-05-23 14:35:38 Leire Kortabarria
Miguel Altuna Institutuko Roberto Rodriguez elkarrizketatu genuen Ekonomia tartean. Krisi garaian arrakasta duten enpresen ezaugarriez hitz egin zuen.
Krisiaren aurkako aliantza eskatzen du Adegik eta ohartarazi du aurten 4.000 lanpostu galduko direla
2012-05-23 11:40:38 Leire Kortabarria
Euskal ekonomia ere ez da salbatu: Euskadi atzeraldian dago, eta aurten 4.000 lanpostu galduko dira Gipuzkoan. "Batera boga egin ezean, batera hondoratuko gara", esan du Adegik gaur. Egoera ekonomikoaren bere aurtengo txostena aurkeztu du, hain zuzen ere.
Hasi da ekonomia solidarioaren inguruko graduondoa Huhezin
2012-05-23 10:42:28 Leire Kortabarria
Ekonomia solidarioaren inguruko graduondoa Hiru hilabetez, apirilaren 23tik uztailaren 13ra bitartean, iraungo du aurten ekonomia solidarioaren inguruko graduondoak: “Ekonomia solidarioaren garapenerako kudeaketa ekonomiko eta soziala”. 2010ean bezala, orduan egin baitzen graduondoaren lehen edizioa, aurten ere 17 lagun ari dira bertan parte hartzen, denak Latinoameriketakoak.
Fagorreko bazkideek soldatak %5 eta %8,81 artean jaistea onartu dute
2012-05-23 08:29:59 Goiatz Arana
Fagor Etxetresna Elektrikoetako eta Fagor Elektronikako langileentzat izango da soldata jaitsierarik handiena (%7,57 eta %8,81, hurrenez hurren); taldeko gainontzekoetan %5 egingo dute behera. Fagor Taldea osatzen duten bazkideen %76k babestu dute neurria azken asteetan egindako batzarretan; taldeko batzar nagusian berretsiko dute erabakia gaur, eguaztena, 11:00etan.
Jean Marc Simon: "Gipuzkoak, abangoardian egon nahi badu, birplanteatu egin behar du errauste plantarena"
2012-05-23 00:00:00 Eneko Azkarate
Europako Zero zabor (Zero Waste Europe) mugimenduko koordinatzailea da. Katalana. Formazioz ekonomialaria. Bartzelonan bizi da. Europako hainbat erakundetan jardun du, ingurumenaren, hiri hondakinen, birziklapenaren edota zero zabor filosofiaren alde lanean, eta urtetan Bruselan bizi izan da. Arrasaten izan zen joan zen astean berbaldia ematen.
Bailarako 9 enpresa, makina-erreminta biurtekoan
2012-05-23 00:00:00 Leire Kortabarria
Gipuzkoako 105 enpresak, tartean Debagoieneko bederatzik, erakutsiko dute euren lana Espainiako Makina-Erremintaren Biurtekoan, maiatzaren 28tik ekainaren 2ra arte, Bilbao Exhibition Centren.
goiena.net © Goiena Komunikazio Taldea
Otalora Lizentziaduna 31 · 20500 Arrasate (Gipuzkoa)
Tel.: 943 25 05 05 · webmaster@goiena.com
