Ekonomia
Eroskik 42 milioi irabazi ditu, 2010ean baino %40 gutxiago
Eroski kooperatibak 42 milioiko irabaziarekin itxi du 2011ko ekitaldia, 2010ean baino %40 gutxiago. "Prezioan lehiakorra den eskaintza komertzial bat mantentzeak azken emaitza baldintzatu" duela esan du Mondragon Korporazioko banatzaile handiak. Kooperatibaren esanetan, eskaintza komertzial hori "marjina txikiagoetan" oinarritzen da, eta Eroski marka eta fabrikatzaileen marka liderrak konbinatzen ditu. Horren bidez, bezeroek 123 milioi euro aurreztu dituztela esaten du Eroskik.
Pello Gibelalde da Adegiko presidentea
Pello Gibelalde 67 urteko legazpiarra aukeratu dute Adegi patronaleko presidente. Elgetan bizi den Eduardo Zubiaurre ordezkatuko du karguan.
Mondragon Taldeak eta MUk ekoeragingarriago izaten erakutsiko diete enpresei
Euskadik I. Ekoeraginkortasun Astea egingo du, ekoizpen-eredu berritzaileagoa bilatzeko. Bihar, hilak 25, hasi eta ekainaren 5ean bukatuko da. Ihobe erakunde publikoak antolatu du, eta hainbat ekintza izango dira; tartean, Mondragon Korporazioak eta Mondragon Unibertsitateak antolatutako ekintzak.
LAB sindikatuak prentsaurrekoa egin du Maiatzaren 31rako lanuztea deitzeko
Bergarako Kultur Etxean egin dute prentsaurrekoa, gaur eguardian. Prentsaurreko honen helburua Maiatzaren 31rako lanuztea deitzea izan da. Izan ere, zerbitzu publikko unibertsalak eta doakoak eta burujabetza politiko eta ekonomikoa aldarrikatu nahi dituzte.
Krisiaren aurkako aliantza eskatzen du Adegik eta ohartarazi du aurten 4.000 lanpostu galduko direla
Euskal ekonomia ere ez da salbatu: Euskadi atzeraldian dago, eta aurten 4.000 lanpostu galduko dira Gipuzkoan. "Batera boga egin ezean, batera hondoratuko gara", esan du Adegik gaur. Egoera ekonomikoaren bere aurtengo txostena aurkeztu du, hain zuzen ere.
Hasi da ekonomia solidarioaren inguruko graduondoa Huhezin
Ekonomia solidarioaren inguruko graduondoa Hiru hilabetez, apirilaren 23tik uztailaren 13ra bitartean, iraungo du aurten ekonomia solidarioaren inguruko graduondoak: “Ekonomia solidarioaren garapenerako kudeaketa ekonomiko eta soziala”. 2010ean bezala, orduan egin baitzen graduondoaren lehen edizioa, aurten ere 17 lagun ari dira bertan parte hartzen, denak Latinoameriketakoak.
Fagorreko bazkideek soldatak %5 eta %8,81 artean jaistea onartu dute
Fagor Etxetresna Elektrikoetako eta Fagor Elektronikako langileentzat izango da soldata jaitsierarik handiena (%7,57 eta %8,81, hurrenez hurren); taldeko gainontzekoetan %5 egingo dute behera. Fagor Taldea osatzen duten bazkideen %76k babestu dute neurria azken asteetan egindako batzarretan; taldeko batzar nagusian berretsiko dute erabakia gaur, eguaztena, 11:00etan.
Bailarako 9 enpresa, makina-erreminta biurtekoan
Gipuzkoako 105 enpresak, tartean Debagoieneko bederatzik, erakutsiko dute euren lana Espainiako Makina-Erremintaren Biurtekoan, maiatzaren 28tik ekainaren 2ra arte, Bilbao Exhibition Centren.
EAEko ongizate ereduari eustera konprometitu da Lopez
Lopez lehendakariak berretsi egin du EAEko giza-elkartasun eta ongizate ereduak tinko jarraituko duela, Espainiako Gobernuak proposatzen duen osasun erreformaren aurrean. EAEren ongizate eta berrikuntza soziosanitario ereduaren gaineko eztabaida izan zen atzo, eta hantxe esan zituen hitzok Lopezek.
EAEk turista atzerritarren etorreraren marka hautsi du lehen lauhilekoan
Bisitarien kopuru osoa aintzat hartuta, 2012ko lehen lauhilekoa bigarren onena izan da euskal turismoarentzat, joan den urteko marka hoberenaren ondoren. 2012ko urtarriletik apirilera, 600.000 turista baino gehiago erregistratu dira euskal hoteletan, joan den urtean baino % 3 gutxiago, baina aurreko urteetan baino "askoz" gehiago (2009an baino % 16 gehiago).
Krisian ere arrakasta izan daiteke
Miguel Altuna Institutuko Roberto Rodriguez elkarrizketatu genuen Ekonomia tartean. Krisi garaian arrakasta duten enpresen ezaugarriez hitz egin zuen.
Jean Marc Simon: "Gipuzkoak, abangoardian egon nahi badu, birplanteatu egin behar du errauste plantarena"
Europako Zero zabor (Zero Waste Europe) mugimenduko koordinatzailea da. Katalana. Formazioz ekonomialaria. Bartzelonan bizi da. Europako hainbat erakundetan jardun du, ingurumenaren, hiri hondakinen, birziklapenaren edota zero zabor filosofiaren alde lanean, eta urtetan Bruselan bizi izan da. Arrasaten izan zen joan zen astean berbaldia ematen.
David Fernandez: "Etorkizuneko eredu ekonomikoak gizartea izan beharko du ardatz"
Bagara herri ekimenak, Mondragon Unibertsitateko Lanki ikertegiak eta Joxemi Zumalabe fundazioak elkarlanean antolatutako Kataluniako Coop 57 ekimenaren gaineko hitzaldia izan zen joan den eguenean Kulturaten. David Fernandez komunikazio arduradunarekin egon ginen hitzaldia hasi aurretik; beste finantza eredu bat posible dela argi dauka.
Baleren Bakaikoa katedraduna, krisiaz, kooperatibez, Europaz…
Baleren Bakaikoa Ekonomia Aplikatuko katedraduna da eta irakaslea EHUn. Elkarrizketatu egin genuen Magazineko Ekonomia sailerako. Krisiak zenbat iraungo duen, kooperatiben etorkizunaz… galdetu genion.
Askori ematen diete jaten, eta gehiagori ere eman nahi diote
Urtebete daroa lanean Bergarako Elikagaien Bankuak, eta, epe horretan, milaka laguni egunero-egunero jaten eman diete. Baina jatekoen premia duen jende asko Bankuaren babesetik kanpo dagoela ere konturatu dira. Bereziki horiei dei egiten diete arduradunek: Elikagaien Bankua jatekoen beharra duten denondako da.
"Zientzian eta teknologian ere egin daiteke euskaraz lan"
Mondragon Unibertsitateko irakasle batzuek antolatuta, Materialen Zientzia eta Teknologiaren I. Kongresua izango da maiatz hasieran Garaian. Lehenengo aldiz egingo dute halako kongresu bat euskaraz. Antolatzaileetako bat, Idoia Urrutibeaskoa, Magazineko Ekonomia tartean izan zen atzo.
"Formazioa lanerako bidea dela transmititu nahi dugu"
Goiaz! Lanbide Heziketa Azoka izango da eguenean eta egubakoitzean. Antolatzaileetako bi, Amaia Aranzabal eta Susana Aparicio, Magazineko Ekonomia saioan izan ziren atzo.
"Bizikletak merkatu handia du Europan; zergatik ez hemen sortu harako produktuak?"
Noomad bizikletaren bi sortzaile eta bultzatzaile, Andoni Gartzia eta Juan Kruz Zabaloa, Goiena Magazineko Ekonomia saioan izan ziren. Mugikortasunaren inguruko produktuek "merkatu handia" dutela esan zuten, beste gauza batzuen artean.
Iaz baino aitorpen gehiago tramitatuko dituzte Bergaran
Errenta aitorpeneko autolikidazio proposamenak bidaltzen hasi da Foru Ogasuna, eta dagoeneko zergadunek kontsulta dezakete, Internetez, proposamena jasoko duten edo ez eta, jaso behar badute, proposamena bera sarean ikus dezakete. Hori da 2011ko errenta aitortzeko kanpainaren aurrekaria; berau apirilaren 11tik ekainaren 25era bitartean izango da, bi egunak barne.
Grebarako deia berretsi dute ELAk eta LABek Magazinean
ELAko Amagoia Lasagabaster eta LABeko Jose Ramon Kortabarriak biharko grebaz jardun zuten atzo Magazineko Ekonomia sailean. Deialdiak orain arte jaso duen atxikimendu maila handia nabarmendu zuten eta grebara animatu zuten, besteak beste.
goiena.net © Goiena Komunikazio Taldea
Otalora Lizentziaduna 31 · 20500 Arrasate (Gipuzkoa)
Tel.: 943 25 05 05 · webmaster@goiena.com
