"Noski azalera handiko tartea dela", adierazi du Iñaki Pierrugues sozialistak. "Horregatik faseka egin behar den lana dela uste dut". Eskoriatzako alderdi sozialistak proposatzen duena da autopistako sarreratik Mazmela auzora bitarteko eremuan dagoen mendi zatian aisialdirako ibilbide bat egitea.      
     "Lurrak Udalaren jabegokoak izango balira, hobeto kontrolatuko genuke mendi magal horretan egiten diran ur-desbiderazio lanak eta antzerakoak. Luizi gehiago gertatzea saihestuko genuke", esan du sozialistak.

Bidebarrieta eraberritzea

Ez hori bakarrik. Eskoriatzako zinegotziak uste du egitasmoak Eskoriatzan oso ezaguna den Bidebarrieta pasealekuaren eraberritzea ekarriko lukeela, eta ibilbide erakargarri bat lagako lukeela herria bere luzera osoan disfrutatzeko.