Debagoiena
Topaguneak ikus-entzunezkoen III. rallya aurkeztu du Elgetan
Dokumentu Akzioak
Topaguneak, Euskara Elkarteen Federazioak, ikus-entzunezkoen III. rallya aurkeztu du 18 eta 35 urte bitarteko gazteentzako. Aurtengoa Elgetan izango da, abenduaren 29an. Antolaketa lanetan herriko Goibeko kultura elkarteak ere parte hartu du.
Parte-hartzaileek, egun bakarrean, taldeka zein bakarka, hiru minutuko ikus-entzunezkoa egin beharko dute. Lehiakideek 09:00etatik 19:00ak bitartean ekoitzi beharko dituzte lanak.
Edizio lanak kafe antzokian egin ahal izango dira, baina aparailu guztiak lehiakideek eraman beharko dituzte. Aurkeztutako lanak jendaurrean erakutsi ondoren, sarien banaketa egingo dute; 1.500, 1.200 eta 900 euroko sariak eramango dituzte garaileek.
Lehiaketan parte hartzeko izena emateko epea azaroaren 27ra bitartean dago zabalik. Parte hartzeko, www.topagunea.org/rallya blogean dagoen fitxa bete beharko da eta gazteak2@topagunea.com helbidera bidali. Talde kopurua mugatua da.
Rallyaren aurkezpena, Elgetako Espaloia Kafe Antzokian. Argazkia handitu
