Debagoiena
Goiatz Arana
2008/05/15 14:13
Legutioko atentatua gaitzesteko kontzentrazioak
Dokumentu Akzioak
Eguerdian egin dituzte elkarretaratzeak, erakunde publikoen aurrean, baita Debagoienean ere: Oñatin eta Arrasaten, esaterako.
Elkarretaratze isilak izan dira kasu bietan, eta alderdi politikoetako ordezkariekin batera, atentatua gaitzetsi dute herritar batzuk ere.
Arrasatekoan, sozialistak eta jeltzaleak izan dira, Ezker Batuko eta EAko zinegotziekin batera; Oñatikoarekin bat egin dute Lourdes Idoiaga alkateak eta Ainhoa Galdos alkate-ordeak eta Oñati Ezkerretik koalizioko ordezkariek, besteren artean.
Eguerdiko hamabitan hasita egin dituzte 15 minutuko kontzentraziook eta, bi ordu lehenago, goizeko hamarretan, atentatuaren ondorioz hildako Juan Manuel Piñuel guardia zibilaren hiletak egin dituzte Gasteizko katedral berrian.
