Debagoiena
Debagoienera 175,3 milioi euro, Foru Aldunditik
Dokumentu Akzioak
Gipuzkoako Foru Aldundiak ezagutzera eman ditu 2008rako aurrekontutik zenbat diru bideratuko duen lurraldeko udaletara: hain justu ere, 1.197 milioi euro. Horietatik, %14,64 Debagoieneko zortzi udal gipuzkoarrek jasoko dute.
Dirua, hiru ataletan
Foru Aldundiaren aurrekontua hiru zatitan banatzen da: alde batetik, zuzeneko diru-laguntzak daude; beste alde batetik, azpiegituretarako dirua; eta azkenik, herri bakoitzak Udal Finantzaketarako Foru Fondotik (UFFF) jasoko duena.
Zuzeneko dirulaguntzen bidez banatuko dituzten 429 milioi eurotik, 32,5 jasoko dituzte Debagoieneko udalek. Atal honetan, diru gehien jasoko dutenak Arrasateko (13 milioi) eta Bergarako (10 milioi) udalak dira. Ibarreko herriek jasoko duten diruarekin, guztira, 234 proiektu egingo dituzte.
Bestalde, azpiegituretan egin beharreko lanak egin ahal izateko, guztira, 309 milioi euro banatuko ditu Foru Aldundiak, eta Debagoienera, 102 milioi etorriko dira. Atal honetan baina, ibarreko bi herrik ez dute laguntza jasoko: Antzuolak eta Elgetak.
Azkenik, Udal Finantzaketarako Foru Fondoari (UFFF) dagokionez,3.967 milioi euro banatuko dituzte ibarrean. Atal honetan diru gehien Arrasatek eta Oñatik jasoko dute. UFFF%8,2 igo da aurten, eta guztira 458 milioi euro banatuko dituzte.
| Herria | Zuzenekoa (€) |
Inbertsioa (€) |
Foru Fondoa(€) | Guztira(€) |
|---|---|---|---|---|
| Antzuola | 1.609.654,82 |
0 |
1.331.286,66 |
2.940.941,48 |
| Aretxabaleta | 1.618.192,04 |
22.904.318,00 |
4.156.489,91 |
28.678.999,95 |
| Arrasate | 13.508.292,08 |
26.086.078,00 |
14.419.097,83 |
54.013.467,91 |
| Bergara | 10.443.540,19 |
5.846.968,00 |
9.574.272,67 |
25.864.780,86 |
| Elgeta | 300.725,58 |
0 |
690.285,01 |
991.010,59 |
| Eskoriatza | 1.420.512,78 |
37.258.326,00 |
2.538.571,69 |
41.217.410,47 |
| Leintz Gatzaga |
313.961,52 |
10.608.990,00 |
236.031,32 |
11.158.982,84 |
| Oñati | 3.342.618,60 |
150.813,00 |
6.958.634,15 |
10.452.065,75 |
