Debagoienako albisteak

Hamahirugarrenez, Gipuzkoako txapeldun

2012-02-07 10:29:09 Xabi Urzelai

Urteak pasa beharko dira, pertika saltoan, beste gipuzkoar bat Jonathan Perezen marketara gerturatzeko. Arrasatekoa horretan dabil lanean, atzetik datozenekin entrenatzaile lanetan, bere markak egunen batean txiki gera daitezen. Baina oraingoz bere espezialitatean Gipuzkoako errege da –baita Euskal Herrian ere– eta gorputzak baimentzen dion bitartean urrezko dominak janzten jarraituko du. Lesioek baldintzatuta ere Arrasatekoa 4,70 metroko saltoa egiteko gauza delako, asteburuan egin duen moduan, Gipuzkoako txapelketa hamahirugarrenez irabazteko.

Kirolak Arrasate Debagoiena

Gimnastek denboraldia hasiko dute zapatuan

2012-02-07 09:50:14 Xabi Urzelai

Debagoieneko gimnastek zapatuan hasiko dute denboraldia, Eskola Arteko A mailako fasea egongo da-eta jokoan Uarkapen, Arrasaten. Gipuzkoa osotik gimnasta mordoa etorriko dira; Arrasatekoek etxeko zaleen bultzada izango dute.

Kirolak Aretxabaleta Debagoiena

Julio Sandoval: "Garrantzitsua da erabiltzaileen iritzia: erabili duten %100ek errepikatu egingo lukete"

2012-02-07 00:00:00 Arantzazu Ezkibel

Debagoieneko Erakunde Sanitario Integratua tratamenduen eta bizitza estilo osasuntsuen gainean informatzen dabil egunotan. Bergaran egin zuten lehenengo hitzaldia; gaur, martitzena, Oñatin egingo dute 19:00etan, Kultura etxean. Etxeko ospitalizazioari buruz berba egingo dute.

Osasuna Debagoiena

Innobasquek eta Fagor Etxetresnak lankidetza hitzarmena sinatu dute

2012-02-06 13:45:29 Monika Belastegi

Hitzarmen horren arabera, zerbitzu berria abiarazi dute elikadura, jarduera fisikoa eta emozioak kudeatzeko ohiturak hobetzeko asmoz. Eskola umeei eta 55 eta 70 urte arteko helduei zuzenduta dago.

Ekonomia Osasuna Debagoiena

Foru Funtseko dirua Diputazioari nola itzuli erabaki behar dute orain udalek

2012-02-06 12:21:00 Julen Iriondo

Foru Funtseko itzulketaren erdia otsailean egin beharko dute udalek. Gainerakoa itzultzeko aukera desberdinak dituzte: bakoitzak bere diruarekin aurten, hiru epetan; edo 2014ra arte ordaintzeko kreditu berezi bat eskatuta.

Ekonomia Debagoiena

Santa Ageda eguna kantuan eta Santa eskean

2012-02-06 11:58:15 Maider Arregi

Santa Ageda eguna eta bezpera ibarreko herri guztiek ospatu dute. Jarrian, aste bukaeran Bergaran, Arrasaten, Eskoiratzan eta Aretxabaletan ikusi eta entzundakoak bideoetan:

Kultura Aretxabaleta Arrasate Bergara Debagoiena Eskoriatza

Asteburuko irudirik onenak

2012-02-06 11:16:15 Eneko Azkarate

Elurra eta Santa Ageda kantuak. Horiexek asteburu honetako irudi ikusienak. Han eta hemen utzi ditu-eta elurrak argazki ederrak, eta Santa Ageda eskean ere ia herri guztietan atera dira-eta. Baina bestelakoak ere utzi ditu asteburuak: Kukutza astea Oñatin, Gesalibar auzoko jaiak, Buruñaokoak Bergaran… Hemen batu ditugu adierazgarrienak.

Kultura Debagoiena

Bi langile zauritu dira AHTren lanetan, Antzuolan

2012-02-05 13:15:46 Julen Iriondo

Leherketa batean zauritu eta Gurutzetako ospitalera eraman zituzten, erreduren sailera. Egubakoitz arratsaldean gertatu zen istripua, Antzuola eta Ezkio- Itsaso arteko zatiko tuneletako baten lanetan.

Antzuola Debagoiena erantzun 1

Santa Ageda bezpera Debagoienean: hotzaren eta elurraren aurrean, "kanta nahi dugu gogoz"

2012-02-05 11:47:43 Jokin Bereziartua

Santa Ageda bezperak hamaika irudi utzi zituen atzo Debagoienean. Herri bakoitzeko ohituretatik haratago, kantuan eta eskean irten ziren guztiek hotzaren aurrean eztarriak berotzeko borondate irmoa erakutsi zuten, baserri inguruak eta herrietako kaleak alaituz. Aretxabaleta eta Eskoriatzan, ohitura denez, kintoak aritu ziren kantuan, dantzan eta eskean. Aje galantarekin eta eztarriak urratuta esnatuko ziren gehienak gaur...

Kultura Aretxabaleta Arrasate Bergara Debagoiena Eskoriatza Leintz Gatzaga

Elurra euri bihurtu da behean, baina egunotan baino gehiago egingo du goietan

2012-02-05 09:09:06 Julen Iriondo

Euritan esnatu da eguna Debagoieneko herrietan –gehienetan behintzat–. Tenperatura altuxeagoak espero dira gaurko (2º goizeko 8:30ean Arrasaten) eta elurra 300-500 metrotik gora egingo du goizean; beraz, Elgetan eta Leintz Gatzagan izango dute elurretan ikusteko aukera gehien.

Debagoiena