Intxorta 1937 kultur elkarteko kideek eta Elgetako Udalak gaur aurkeztu dute argitalpen berria. "Egunkari bitxia da, aurten berrikuntza moduan sartu duguna. Lau orri ditu eta antzinako itxura eman diogu. Albiste batzuk antzinakoak dira, beste batzuk gure lanaren ingurukoak. Bilduma egiteko pentsatuta dago", azaldu du Intxorta 1937 kultur elkarteko Julia Mongek. Intxortako Irrintzia salgai dago euro bateko prezioan Elgetan, Bergaran eta Arrasaten.
Bilera, zapatuan, 16:00etan
Errekreaziorako prestaketa lanak ere aurreratuta daude. 110 lagun daude izena emanda, eta zapatuan egingo den bilerara deituta daude parte-hartzaile guztiak. Aurtengo errekreazioaren inguruko azalpenak jasoko dituzte, baita materiala eta jantziak ere. "Aurten askoz ere leku gehiago dugu errekreazioa egiteko eta bileran azalduko dugu bakoitza non kokatu behar den, zer egin behar duen, janzkera zelakoa izan behar den...", aurreratu du Mongek.
Errekreazioa, hilaren 27an
Egun osoko egitaraua prestatu dute, aurten, Elgetan. Lubakietara igoera, errekreazioa, omenaldia Salbador ermitan, memorialisten azoka plazan, eta herri bazkaria iragarri dituzte.
Josuren Murgizu, Julia Monge, Oxel Erostarbe eta Patxi Basauri 'Intxortako Irrintzia' aurkezten.