Itsasertzeko zubia

Gaur, martxoak 8, ez dugu ezer ospatzeko, gaur aldarrikapen eguna da.

Negargarria da  urterik urte gauza berberak errebindikatzen egon behar izatea

Lotsagarria da oraindik, hainbeste denboraren ostean, soldatak parekatzeko eskatzen egon behar izatea.

Mingarria da oraindik, gauden XXI mende honetan, bere bikotekideari tratu txarrak (fisiko zein psikologiko) eragiten dizkioten Australopitekoak salatzen eta kondenatzen egon behar izatea.

Penagarria da oraindik, mundu osoarentzat eredugarri omen den gizarte honetan, hirugarren munduko ezaugarritzat ditugun diskriminazioen aurka aldarrikapenak egiten egon behar izatea.

Salagarria da oraindik, mundu osoko hiru emakumetik batek tratu txarrak jasan edo bortxatua izango dela albisteetan entzutean, oilo ipurdia ez jartzea.

Niri behintzat, auzo lotsa sortzen dit oraindik horrelako kontuetan ibili behar izateak. Noiz arte jarraituko dute "oraindik" horiek? Tamalez, gauzak doazen moduan, ezin dut esan epe laburrean bukatuko direnik.