Itsasertzeko zubia

Denok ezagutzen ditugu fotologak, agian zuk, irakurle, izango duzu bat, eta bestela, ziur ezagutzen dituzula fotologa duten gutxienez hamar lagun. Nire herrian behintzat, mundu (ia) guztiak du bat, eta bertan komentatzen dira azkenengo parrandak, kotileoak... baita era guztietako deialdiak ere.

Oraingo honetan (ere) nik, izokinaren antzera jende uholdearen kontra egin eta fotologen kritika (subjektibo) bat egingo dut.

Lehenik eta behin iragarkiak: ondo dago jakitea Fotologeko tipoek nondik hartzen duten dirua. Ni pare bat minutuz egon naiz Ziberalgortan nabigatzen, eta horra hor topatu ditudan batzuk:











Beno, horiek dira nik "kurioso" moduan etiketatu ditudan sei iragarki (lagin honek ez du zertan adierazgarria izan behar).

Behin jakinda fotologekoek nondik jasotzen duten dirua (beste diru-iturri batzuk kontuan izan gabe), goazen bideo bat jartzera. Nahiz eta gazteleraz egon, primeran deskribatzen du (era umoretsuan) fotologen mundua (myspacerenarekin batera):




Agian esango du norbaitek bera ez dela bideoan agertzen diren fotologarien modukoa, baizik eta berak zerbait erabilgarria egiteko erabiltzen duela. Ziur nago horretaz, baina ezingo du ukatu bideoan agertzen den fotologariaren estereotipoa existitu existitzen dela, nahiz eta artikulu hau irakurriko duten fotologariak ez diren identifikatuta sentituko (nolatan izango naiz NI hain kursia?).

Ni ez naiz fotologaria, alde batetik, blog honek nire gose egozentrista guztia asetzen duelako eta bestetik, ez dudalako nire burua ikusten nire fotoak etengabe igotzen besteek ikusteko (aitortu ezazue, zuen lagunek, ezagunek irakurtzeko eta argazkiak ikusteko eguneratzen duzue, nik blog honetan idazten dudan moduan) eta noizbait argazkiak igotzeko badut blog hau.

Baina noski, etorkizun (oso urrun) batean, nork daki...

EGUNERAKETA: Gaur, wikipedian, ohartu naiz, wikibandaloak ere izan daitezkeela kursiak (behin fotologak norberaren beharrak asetzen ez dituenean beste bide batzuk aurkitu behar dira norberaren sentimentuak adierazteko, zelan ez).

Beste lankide batek ezabaturiko "Erdi Aroko gizonak" artikuluan hau zegoen idatzirik: Jessica y Alex. Vive la vida a lo loko q dura poko. Jessi. Si kieres saber cuanto t kiero, sal esta noxe a tu ventana, y cuanta las trellas del cielo, multiplicalo x dos,muxo pos mas t kiero...

Ozenago esan daiteke, baina zaila izango da argiago esatea...