Bergarako 3+5 zikloturista martxa

Goizeko 08:00ak inguruan bota zuen euri gehien, jendeak aurrera edo atzera egin erabaki behar zuenean. Batek baino gehiagok izena eman, ordainketa egin eta azken unean etxerako bidea hartzea erabaki zuen. Damutuko zen gero, ibilbidean zehar tarteka euri apur bota bazuen ere, orokorrean eutsi egin ziolako. Hori bai, zikloturistak mela-mela eginda iritsi ziren Bergarara.

Tarte kronometratua

Antolatzaileek bete-betean asmatu zuten Gorlako igoera kronometratua egiten, horrek lasaitu egin zuelako jendearen erritmoa eta ziklistak kameraz grabatzen zebiltzan Ertzainek informe ona eramango zuten bulegora; jendeak trafikoko arauak errespetatu zituen. Hori bai, Azkoitia pasa eta Elosurako bidea hartzerakoan, nahi zuenak hor izan zuen barruak husteko aukera. Azkarrenak 22 minutuan egin zuen igoera, oso azkar.

Sailkapenak