Zahar-Berri

Ekainaren 2koa, gainera, berezia izango da: lehen aldiz, gurasolagunei egokitutako egitaraua izango dugu, ume eta gurasoek elkarrekin eta euskaraz jolastu dezaten.

Egitaraua:

-11:00etan: Ongi etorria eta hamaiketakoa Santurtziko Portuan

- 12:00etan: Ibilaldi gidatua

                  Ume eta gurasoentzako jolasak

- 13:30ean: Mintza bermuta

- 14:30ean: Barkaria Gernika Parkean

- 16:30ean: sari banaketa

- 17:00ean: Euskal erromeria ume eta nagusi

- 20:00etan: Mintza kalejira ume eta nagusi

        Eta sorpresa gehiago!

Oharra: Aurten Arrasateko Marian Perurena sarituko dute, Zahar-Berri programan egiten duen lanagatik. Biba zuek!

GURASOLAGUN, EUSKARA PRAKTIKATU NAHI DUTEN FAMILIENTZAKO PLANA

Arrasaten, orain hamar urte egin genuen guraso-lagunekin saiakera. Bertan guraso euskaldun barri eta euskaldun zahar hirukote eta laukoteek mintzapraktikan parte hartu zuten, esperientzia honek eta batez ere azken urteetakoak, Txatxilipurdi eta AEDrekin elkarlanean, lan ildo berri bat pentsaraztera eman gaituzte. Nola egokitu haurrak dituzten ama eta aiten egoerara. Garbi dago etxeko hizkuntza ohiturak zaindu behar ditugula euskararen erabilera bermatzeko, etxekoa izaten baita, neurri handi batean, ama hizkuntza eta etorkizunean norbanakoaren erabileran eragingo duena.

Umeak euskaraz, eta zu?
Dakizun euskara erabiltzeko, beste guraso euskaldunak ezagutzeko, hizkuntza ohiturak aldatzeko… Izan zaitez zeu ere Gurasolaguna!

Izen emateko epea:

Apirilaren 27a baino lehen egin dezakezu. Txatxilipurdi edo AED elkartean

Tel.: 943 77 12 28 eta 943 712 497

- Informazio gehiago:

http://guraso.com/albisteak/jurgen-wolff-umeei-berba-egiteko-edozein-hizkuntzak-balio-du/

Aurten martxoan joan gara euskaltegietatik eta berba-taldeetatik sagardotegira.

Denok, oso gustura pasa genuen, bertan,  giro alaia sartu zelako. Urtero lekuz aldatzen dugu, eta oraingoan Legorretan dagoen Aulia sagardotegia probatu genuen. Hurrengo baterako jakin nahi baduzue, Legorreta herrian bertan dago eta hain talde handiarentzat toki estu xamarra izan zen.

Bestalde, janaria eta edateko primerako izan genuen.

- Hemen daukazue otsaileko ezetz asmau lehiaketako kantua:

Santa Ageda bezpera dugu

Euskal Herriko eguna,

etxe guztiak kantuz pozteko

aukeratu deguna.

Bertsoak eta koplak atsegin badituzu, sar zaitez link honetara:

http://www.euskaraz.net/Kultura/Kantutegia/SantaAgeda

Oraingo honetan, Berbetan lehiaketan ezetz asmau atalean Debarroko jokoaren galderak eta erantzunak ematen dizkizuegu. 

1- zer irudikatzen du lauburuak? eguzkiaren mugimendua irudikatzen du.

2- Zer da arrakada? Belarritakoa

3- Gipuzkoatik zenbat Santiago bide igarotzen ziren Erdi Aroan? kostako bidea eta barneko bidea.

Ezetz asmauko irabazlea, Marisol Salamanca da. Zorionak!!! Goza ezazula oparia!

      Astebukaerako ekintzak:

-          Apirilak  21 zapatua, berba-lagunekin Beasaineko Igartza jauregiaren bisita, goiz pasa

-          Maiatzak 18,19  Iparraldera irteera, bi egunetarako ekintza. (Izen-ematea: Aste Santu osterarte)

-          Ekainak 2, Mintza eguna

Ekintza hau ikasleentzako eta berba-lagunentzako bi ataletan banatu genuen. Lehenengo denek batera AED elkartean “Bidaia intimoak” dokumentala ikusi zuten. Honen harira Josu Tornay katalana etorri zen bere esperientzia kontatzera. Bere esanetan ikasketak bukatu ondoren, Gipuzkoan bukatu zuen lanean eta euskal kulturan lehenengo momentutik sartu zen. Motibazio handiarekin lortu zuen euskara jakitea denbora gutxian. Eta ikasleengan eragitea lortu zuen.

Hemen izandako arrakasta ikusi gero, hurrengo urtean beste Argia dokumental bat emitituko dugu. Ikuskizun honetara denok gonbidatuta zaudete.

Ekintza honetan diapositiben bidez, bi aurkezpen izan genituen bata goizean Jose Manuel Lekuona mikologian adituarekin eta arratsaldean berriz Jose Mari Larrañagarekin perretxikozalearekin.

                                                                                                      Ekintzara honetara guztira 45 bat lagun gerturatu ziren eta ikasleei mikologiari buruz kuriositate handia sortu zitzaien. Honela ikasi zuten onddoen mundua, bizitza nolakoa den, ze mota dauden eta zeintzuk dira pozoitsuak eta zeintzuk jangarriak. Eta etorri zinetenoi geratu al zitzaizuen adituei egiteko galderarik?