Maiatzaren lehena festa handia izan ohi da Larraitzen, Txindokiren magalean.
Aralarko larreen irekiera egin ohi dute eta egun horixe izaten da ardiak eta bestelako ganadua Aralarrera eramateko eguna. Duela bederatzi urte hasi ziren jaia antolatzen eta urtero jendetza biltzen da bertan. Eguraldi onak, gainera, jendetza hori bikoiztu egin ohi du eta Txindokirako bidean ziren mendizaleei festa gogoz joan zirenak gehitu zitzaizkien. Larraitz eta inguruko errepideak autoz bete ziren eta izan zen zirkulazio arazo bat edo beste.
Jaiaren gaineko informazio gehiago duzue Tolosaldeko Hitzan.
Ni, hala ere, argazkilari lanetan aritu nintzen. Dirurik gabe igo nintzen eta ezin, ba, postuetako baten ere ezer erosi. Beasaingo Ostadar eta Amezketako Arkupe dantza taldeak aritu ziren jo eta ke dantzan Larraitzera inguratu zirenen gozamenerako.
Erantzunak
Uxo!
Txindokiko argazki horrek bizia eman dit! Aspaldi ikusi gabeko maitearekin topo egitea bezela. Eskerrikasko.
Nork: Patxi.2006/05/02 23:52:51.902 GMT+2
http://patxitrapero.blogspot.com
Han nintzen ni ere. Agian ikusiko giñen! Agian ez, jende asko bait zen, baina seguru Ataungo talogileak ikusi zenituela.
Eta ez dakit talorik jan zenuen, baina bejondeiela!! txorixo mutur bat eta talo bat ia bost euroan saltzen dute, eta saldu egiten dute gainera!!!
konpetentzia ezleala iritsi da ordea ona ere. Bai ez dago txinaraino joan beharrik, hori esango dute ataundarrek. Amezketako gazte taldeko kideek 2 eurotan produktu bera ematen bait zuten. Eta nik A.G.T-koei erosi nien
Nork: iparreko jouxey.2006/05/04 18:58:34.358 GMT+2