Aspalditxo idatzi nuen Euskadiko Kutxak Arrasaten duen egoitza nagusiaren ondoan (hemen) agertutako zeinu misteriotsu baten gainean...
Erantzunen artean, larrialdietan elkartzeko tokia edo "Meeting point"-aren ikurra izan zitekeela esaten zuen batek...
Ikur berari, seinaleak biltzen dituen www.swanksigns.org webgune barregarrian, bestelako makina bat esplikazio aurkitu zioten batzuk, Microsiervos-en ere ibili ziren kontu honekin beste batzuk...
Baina, esan bezala, denak du bigarren partea....
Ikur hark "elkartzeko tokia" adierazi nahi bazuen, zer arraio izango ote da handik metro gutxira, egun batetik bestera, lurrean margotuta agertu den hurrengo hau?
Larrialdian, korrikan ibili barik, autoan joatea erabaki dutenentzako elkargunea?
Arrasatearrok autoa erabiltzerakoan ditugun ohiturak ezagututa, seguru!
Idatzi artikulu bat