Elur zuri artean ari naiz idazten, errege egunean. Gaua beltz dago ordea. Ipuineko errege magoak distiratsu iritsi omen ziren ekialdetik, baina egungo gure ekialdean –hurbilean bezala urrunagoan- bonben distira da nagusi.
Zuria eta beltza nahasten zaizkit, halaber,
nire bizitzan. Arlo profesionala argitsu dabilkit, erakargarri. Finkatu samar
ditut hurrengo txanparako helburuak eta hauek lortzeko beste indar sumatzen dut
nigan. Baina hiritar gisa ilun dakusat etorkizuna. Hauteskundeetatik haratago
arazo sakonak ditugu eta horiek larriagotu besterik ez dira egiten, urteak joan
ahala.
Zuri eta beltz abiatzen dut urtea. Txinan, Yin eta Yang bitasuna omen. Hurbilago, gure bi katuei ere horrelaxe deitzen diegu: Txuri eta Beltxi.
Idatzi artikulu bat