Piperrautsa

Sinatu dute azkenean akordioa sozialistek eta popularrek, Patxi Lopez izan dadin hurrengo  lehendakaria. Eta hauteskunde gauean hasitako zalaparta areagotu egin da. Alferrik.

Esana dago hauteskundeek izan zuten bekatua, 100.000 boto inguru bazter utzita. Baina motz gelditzen da analisi hori: kontua ez da bakarrik etsaiak tranpa egin duela agintea eskuratzeko, eta nazionalismo bat besteari gailendu zaiola. Hortik haratago, uste dut Sabino Aranaren egitasmo abertzalea amaitu dela, eta tranparik gabe ere amaituko zela luze gabe.

Ordua da pentsatzen hasteko zer dugun euskaldunok geroratzeko, zer den egingarri, eta nola jokatu behar dugun maila bateko biziraupena lortzeko. Agonia barik, munduak ez du-eta gure malkoen beharrik.