Piperrautsa

Amaitu dira oporrak eta hemen gara denak berriro, udazkenari ekitekotan. Bakoitzak jakingo duzue zer espero duzuen hurrengo hilabeteetan. Esaterako, zer sinetsi nahi duzuen: krisia esaten dena baino gordinagoa dela, ala euskal ekonomiak ondo samar saihestuko dituela haren ondorioak.

Eta ezin ahaztu politika, gehienez ere sei hilabeteren bueltan berriro hauteskundeak ditugu. Dagoeneko abiatu da gurpil-zoro nekagarria, arazoen konponbidea beti hurrengo hauteskundeen ondoren jartzen duen hori. Nik, une honetan, ez daukat itxaropen handirik. Galdeketarena kanpainako atal hutsean geldituko da, alderdi gehiago egongo da legez kanpo, eta abstentzioak gora egingo du.

Eskerrak sikiera Ino lanera itzuliko den. Ongi etorri!