Piperrautsa

Goienkaria, 2009.09.04

Duela 20 urte luze argitaratu nuen nire lehen zutabea Arrasate Press jaio berrian. Aurrez lan solteak emana nintzen han-hemenka, baina orduan hartu nuen astero idazteko konpromisoa. Hemen bertan, Goienkarian, izango dira bost bat urte lehen Piperrautsa haizatu nuenetik.

Ikasturte berria hastean gogoratu dut nola musikaz idazten nuen hartan lagun bat etorri zitzaidan etxera kritika/aholku batekin. Lankidetza eskaini nion eta handik aurrera zutabe batzuk bere izenarekin atera ziren. Hori eskaini nahi dizut, irakurle. Helarazi egizkidazu kritikak nahiz proposamenak, iritziak bezala gaiak, eta jarraituko dizut soka. Gogoratu zutabe hau digitala ere badela eta han duzu atea. Elkarrekin egiten dugun hori hobea izango da, ziur.