Maringo zubiaren zutabeak ikusgarriak dira, bai. Eta Isuskitzako bi tunel luzeak elkarri lotuta daude hainbat puntutan, istripu kasuan segurtasuna bermatzeko. (Bide batez, gehien bat lurpean doan AHT tunel bakarrean badoa, non geratzen da hor segurtasuna?)
AP-1 deitu duten autopista txukun egina dago, autoz pasatuta oso modernoa dirudi. Baina autopistaren azpian gauzak egin zitezkeen hobeto. Edozein autopistak ditu zutabe garaiak eta tunel erosoak. Azken belaunaldikoek, gainera, azpikoa ere kontuan hartzen dute. Esaterako, mendi maldak airez pasatzen dituzte, azpitik bizitzak jarrai dezan. Hain zuzen, hori eskatu zuen Eskoriatzak eta ez diote jaramonik egin. Harresi galantak erdibitu du herria, sekulorum sekulotan.
Idatzi artikulu bat