Goienkaria, 2010.01.08
Asteak pasa ahala, zarata interesatuen artean melodia atsegin bat ari da indar hartzen, zera dioena: Arnaldok-eta bultzatutako ekimena inoizko serioena izan daitekeela. Hasieran askok izan genuen mesfidantza uxatuz doa, urratsak ikusita.
Hogeita hamar urte inguruan ezagutu ditugu
hamaika ahalegin –eta beste horrenbeste porrot- estrategia soilik politikoen
alde, baina Arnaldo izan da porrotarekin desagertu ez den lehen liderra.
Oraingoan eztabaida zabala abiatu du eta bere tesiak argi ari omen dira
nagusitzen. Hori bai, gehiengo handia beharko dute disidentzia neutralizatu eta
zatiketa arriskutsuak saihesteko. Hain juxtu prozesu honen arrakasta bermatzea
aski arrazoi litzateke Arnaldo, Rafa eta enparauak kartzelatik libratzeko.
Erantzunak
ezker abertzalea bultzatzen ari den eztabaida prozesua ez dut uste soilik arnaldo otegik bultzatutakoa denik, eta ez dut uste bere tesia denik. Ezker abertzalea, zorionez, arnaldo baino askoz gehiago da.
prozesu honen arrakasta bermatzea izango da herri hau askatasunera eramatea, eta aurten ez dut uste izango denik.
Agian batzuek ETA ixiltzearekin lotzen duzue prozesu honen arrakasta.
Ezker abertzalea ezagutzen ez duzuen seinale.
JTK
Nork: jtk.2010/01/08 13:45:19.704 GMT+1
Prozesuaren arrakasta aipatzean bi prozesu ezberdinez ari gara: zuk herriaren askatasunari dagokiona, nik eztabaidarena. Eztabaidaren arrakasta niretzat izango da politikoak nagusitzea, eta horretarako baldintza da militarrak lidergo hori onartzea.
Eta ezker abertzalea ezagutzeko lehiaketaz, barkatu baina passso!
Nork: mikel.2010/01/08 14:05:38.101 GMT+1
Nork: Susana.2010/01/08 15:44:24.808 GMT+1
Eta zein tesi ari den nagusitzen, nik ez dut espekulatzen. Hitzez hitz hauen zioen Berriak urtarrilaren 5ean eztabaida prozesu honi buruz: "(...)Ia 6.500 lagunek parte hartu dutela orain arteko eztabaidetan, «milaka iritzi eta ekarpen» bildu dituztela, eta gehienek bat egin dutela ezker abertzalearen zuzendaritzak eztabaidarako proposatutako Fase politikoaren eta estrategiaren argipena izeneko txostenaren edukiekin".
Lasai, Susana, ni ez nauzu etsai.
Nork: mikel.2010/01/08 17:55:35.276 GMT+1