Ahuntzaren Eguerdiko Doministikua

Orain dala bizpahiru aste Sustatu-n argitaratutako artikuluaren bidez eduki neban euren barri. Ironiatik haratago doian sarkasmoa. Umorea armarik hoberena izan daitekeela probatuz. Horrexegaitik, hain zuzen be, "Urrezko Ahuntza" irabazi dabe merezimendu osoz.

Boicateja'm (Boikota egistazu!) kanpaina umoretsua abiatu dabe Katalunian, "Cap català sense boicot!" (Kataluniarrik ez boikot barik!) lelopean.

Estatut-aren asuntua dala-eta Espainia aldean bazterrak nahikoa nahastuta dabilzela badakigu, baina batzuk kataluniar interes ekonomikoen aurka boikota egiteari ekin deutsie modu organizatuan eta dana, Stop nazionalismoa kanpaina txit baketsua eta eraikitzailea adibide. Eta, merezimendu osoz, "Urrezko Akerra" eskuratzeko bidean dagoz borrokalari errebelde hauek.

Baina erantzun gisan, "Faxistei hortzak erakutsi!" moduko leloak eta betiko erreakzinoak erabili ordez, ahuntz kataluniar batzuk irudimen handia landu dabe euren herrikideek iraultzaile espainarrei boikoteatu ditzaten eskatzen lortzeko. Bai eta lortu be! 5.000 mezu baino gehiago jaso dabe, gehienak txantxetako klabean (beste batzuk serio-serio, tonu umoretsuari axolagabe, alkarri mokoka). Norberari boikoteatzeko motiboen artean: *"A Casa meva parlen en català per molestar", "Tinc un amic al País Basc", "Un cop em vaig alegrar que perdés la selecció espanyola", "A més de catalana, sóc lesbiana", "M'he llegit l'estatut i no el trobo del tot malament", "He espoliat el territori espanyol anant a buscar rovellons a Sòria",...*

Estatut-a bai! Umorea be bai!