Ahuntzaren Eguerdiko Doministikua

Hilabete bi gelditzen dira Aste Santurako (barka, Aste Nagusirako), eta aurton beste moduko festak izango dira neuretzat. Aurton Pellogaz egin ditzakedan gauzak egingo ditut, batik bat: Bertsolariei entzun, aizkolariak ikusi,... eta zezenketen aurkako ekitaldietan parte hartu! Aste Nagusiko kontzentrazino orlegi hauetan, normalean, istilurik ez dago. Tentsino momenturen bat edo beste bai, noski, baina tira. Oihukatutako leloak, hasikeran, xuabe xamarrak dira: "Ez, ez, ez, zezen-ketarik ez" klasikoa (hau eta “Ze-ze-nak zelai-e-tara” dira euskarazko bakarrak), "La tor-tura, ni arte ni cultura" poetikoa, *"Los animales / también tienen derechos"* hunkigarria, ... Gero, apurka-apurka, giroa berotzen dabil, sarritan alkartutako neskato-mutiko "alai eta borrokalari" batzuei esker: "Torturadores!", "Toreros, taurinos: a-se-sinos!" edo "Vuestras entradas llevan sangre!". Puntu honetan, neuri behintzat, badago beste eslogan txit birrintzaile bat biziki gustetan jatana, seme-alaba gazteekin joandako gurasoei dedikatua: *"Vaya educación / que dais a vuestros hijos"*. Totala, ezta? Gauza bera pentsauko dabe nitaz zezenketazaleek neu txikitxuagaz ikusita, baina.

Azkenik, orgasmotik gertu, bihotza zabaltzen deutsegu: *"Si quieres ver sangre, córtate las venas" edo "Torero muerto, abono pa' mi huerto"*. Ezin esan lelo batzuk baketsuegiak direla, eta beraz guztiz ulertzekoa da tortura-zale batzuen hasarrea, inkluso Polizia Autonomikoaren presentzia zeharo justifikatuta dago. Egia da. Baina asmo onez eta noblez biltzen gara, hasikera batean behintzat. Gero gerokoa.

Kontzentrazinoaren ondoren, kalejira alaian abiatzen gara txosnetaruntz Errekalde Zumardia – Autonomia – Zabalburu – Ametzagako Lapurtua – Plaza Biribila ibilbidea burutuz. Azken zatian, "Club Taurino" ondotik pasetan gara manifestariok, "kasualitatez". Eta, berton gagozala, aprobetxetan dogu lelo batzuk botatzeko zezenketa–zaleen omenez. Amaiera ona da.

Jakin-minak zirikatuta, sarean murgildu naz zezenketen aurkako mugimendua Baskistanen eta Munduan zelan dagoen antolatuta jakiteko. Danetarik topau dot, tartean beste talde "ekologista–hippy" batzuekiko loturak: "Galgoen adiskideen elkartea", talde nudistak, begano-ak, ... Oso mundu heterogeneoa eta alkar-lotua beraz. Hurrengo mezu batean, komentauko dot "bullfight"-en aurkako saltsa hau guztia. Gora zezenak! Gora ahuntzak!