Plaza barrenian

Aho batez onartu genuen atzoko Udalbatzarrean, Udalbiltzako auziperatuen aldeko mozioa, puntu hauekin:

1. Aldarrikatzea 1999ko irailean Euskalduna jauregian egindako batzar sortzailean onartu ziren bost helburuen alde lan egitea beharrezkoa eta zilegi dela eta ezin dela delitutzat jo. Helburu eta lan-ildo horietan aurrera egiteagatik hautetsi eta alkateak kriminalizatzea demokraziaren aurkako ekimena da, are gehiago kontuan hartuta epaituak sufragio unibertsalez aukeratutako herri-ordezkariak direla.

2. Konpromisoa hartzea, edozein arlo instituzionaletan, demokratikoki aukeratutako ordezkariek Euskal Herriko lurralde eta eremu administratibo guztietako instituzioak sortu, bultzatu, garatu eta finantzatzeko duten eskubidea errespetatzeko.

3. Udalbiltza eta bertako hautetsi eta langile ohien aurka Madrileko Auzitegi Nazionalean eramaten ari den auzibidea irmoki salatzea eta Estatuko Gobernuari eskatzea Estatuko fiskal nagusiak gaur egun mantentzen duen akusazio publikoa erretira dezala.

4. Epaiketa gertatu bitartean, irailaren 17an plazan 20:00etan kontzentratzera deitzen ditugu herritarrak, era isilean elkartasuna adierazteko.

Libre! Horrela gura ditugu auziperatuak. Jarraitu beza elkarlanak bide horretan. Eta ikasi dezagun, bestelako hainbat ekimenek ere behar baitute denon bultzada.

Iraillian herritarrek parte hartzeko ekimen bat jarriko dogu martxan. Oiñezkuen kalietan ibilgailuen arautegixakin edo etorkizunera begira kiroldegixak dittuan biharrak zehaztiakin egin dogun moduan, herrittarrok dauzkazuen iritzixak jaso gura dittugu. Jaso eta betetze bidian ipiñi.

Gipuzkoako Foru Aldundixa euko dogu bide lagun ekimen honetan: Elgeta 2020, etorkizunera begira! Atzo siñatu giñuan hitzarmena, eurak dira eta ekimen honi diruakin erantzungo dotsenak.

Eta zalantza sortzen jata, legealdi honetan 40 udaletxek parte hartzeko ekimen zehatzak martxan jarri badittugu eta parte hartzian inguruko arau foral bat onartuta badago, kultura politiko barrixak ez ete daban eskatzen hitz eta letren ostian gipuzkoarroi gure iritzixak galdetzia herrialdeko gaixen inguruan. Ia zer pentsatzen dogun Pasaiako portuan edo zabor kudeaketaren inguruan. Ia zer pentsatzen dogun zerga politikaren inguruan. Ia... Herrixak gertu gare kultura politiko barrirako, erakunde haundixauek aukera dauke ekintza konkretuekin hitzak eta ekintzak uztartzeko.

Turismo batzordetik egin dugun proposamena onartu dugu Debagoieneko Mankomunitateko Juntan. Herritik herrira ematen ari da pausua Mundumira eta datorren urtean Elgetara egingo du. Erronka haundia da elgetarroi datorkiguna, baina duguna emango dugu ondo irten dadin.

Maiatzak 21 eta 22an munduko kultura desberdinez gozatzeko aukera izango dugu Elgetan. Irailean hasiko gara guztia behar den moduan antolatzeko lanean.

Hamar urte pasa dira eta orduan errotzen ari zen proiektuaren aldarrikapenak inoiz baino gehiago entzuten gara hainbaten ahoetan. Ahaleginak eginda ere, ez dago originala modukorik:


Eskuzabal eta elkarlanerako prest elkar errespetatu eta aitortuta, abanguardiak atzian lagata, inor kanpo laga barik, ezkerretik, independientziarunt... eta atzera pausorik emango ez dogun bermiakin.

Hamar urtian egon garan moduan, gu prest! Inoren zain egon barik, aurrera bidian!

Momentu historikoen gainean galdetzen didatenean, bizi eta ezagutu izan ditudanak ekartzen ditut gogora: Anoeta eta su eten iraunkorra. Zoritxarrez, herri honetako erpin guztietako gizon-emakumeontzako zoritxarrez, atzera egin zen bi momentu historiko haietan. Atzera pausorik emango ez den eta onartuko ez den momentu historikoa izan behar da hurrengoa derrigorrean.

Momentu horren zain, badu bere balioa Abertzaleen Batasunakoekin batera Aberri Egunean adostu genuen manifestuak. Gustura ezagutuko nituzke testu honi Batasunak eta EAk zer ekarpen egingo zizkioten.


1.- Akordio politikoaren beharra: erabakitzeko eskubidea. Hankak lurrean ipini eta sozialki egonkortutako erabaki-esparruetan oinarritua, status autonomiko bakoitzak (Nafarroa, Euskal Autonomia Erkidegoa eta Iparraldea, bere lurralde elkargoa helburutzat daukalarik) kontsultak deitzeko eta erabakitzeko eskubidea aitortua izateko gaitasuna izatea.

2.- Giza eskubideak, eskubidea zibilak eta eskubide politikoak. Pertsona guztiak, proiektu guztiak eta ideia guztiak. Euskal Herriari behin eta berriz ukatzen zaizkion giza eskubideen, eskubide zibil eta politikoen aldarrikapena eskubide guztien defentsatik abiatuta egiten dugu eta horien urraketa bakoitzaren aintzinean salaketa erradikala, koherentea eta tinkoa eginez.

3.- Bakea. Euskal Herriak behar du, exijitzen du eta erabaki du bakean bizitzea. ETA erakundeari eskatzen diogu indarkeriaren erabiltzeari uzteko erabaki aldebakarrekoa har dezala inolako ordainik eskatu gabe. Preso politikoentzako amnistia eta biktima eta kaltetuei kalte-ordaina ematea bakea lortzeko beharrezko oinarriak dira.

4.- Politika sozial eta ekologikoa krisiari aurre egiteko. Krisiaren ondorio latzenak bizi dituzten gizarteko sektore ahulenak –etorkinak, gazteak, emazteak, iraupen luzeko langabetuak- dira gure kezken helburu nagusiak. Gure abertzaletasuna elkartasunean eta krisi ekonomikoari erantzun soziala ematean oinarritzen dela aldarrikatzen dugu. Egoera honen erantzuleak, finantzen espekulazio insolidarioak eta norberekeriak sortutakoa, dira bere ondorioei buru egin beharko dietenak, eta ez dituzte langileen bizkar gainera jaurti behar.

5.- Euskal Herriaren eraikuntza. Europako gainerateko hizkuntz ofizialen eta kulturen maila berean jarria, euskararen eta euskal kulturaren defentsa egiten dugu, eta Euskal Herria osatzen duten lurraldeak - Iparraldea, Nafarroa eta EAE- batzeko aldarria egiten dugu, herritarren erabaki askean oinarrituta.

Sei printzipio, seirak hemen:

1.- Gatazka politikoak bide baketsu eta politikoetatik konpondu behar dira.
2.- Talde paramilitarrak desarmatu.
3.- Desarme batzorde batek desarmea egiaztatu ahal izatea.
4.- Indarra erabiltzeari uko egitea, eta norbaitek erabiltzen badu horren aurka agertzea.
5.- Alderdien arteko negoziaketaz lorturikoa bultzatzea eta bakarrik bide demokratiko eta baketsuak erabiltzea adostasunean ez dauden puntuak aldatzeko.
6.- Heriotzak eta zigorrak geldiaraztea.

Aralar Debagoieneko herri guztietan atez ateko sistema ipintzearen alde dago. Horrek eskatzen du plangintza estrategikoa egitea, ekintza plana eta bideragarritasun txostena. Hiru urtean egin ez dena hiru hilabetean egin gura da eta ez zaigu aukera ona iruditzen. Herritarren ohiturak egun batetik bestera ezin dira aldatu, gainera atez atekoarendako kalterako izan daiteke. Usurbilen adibidez, behar zen denbora hartu zuten gaia behar den moduan landu eta atez atekoa ganoraz martxan ipintzeko eta pentsatzen dugu Debagoienean gaiari arduraz heldu nahi badiogu behar den denbora hartu beharra daukagula. Teknikarien artean ere denerako iritziak daude eta erabakiak ondo hartzeko guztiak entzun beharra dago.

Aralarren sinesten dugu herritarren parte hartzean eta uste dugu debagoiendarrekin zabor kudeaketan dauden aukerak aztertu ostean galdetu egin behar diegula euren iritzia. Informatu eta galdetu. Atez atekoa defendatzen dut, baina jakin nahi dut zein den elgetarren iritzia, hitza eman elgetarrei eta berdin gainontzeko herrietan. Usurbilen ere egin zuten galdeketa eta uste dut Elgetan eta Debagoienean ere egin beharra dagoela, eta horren arabera eranbakiak hartu. Hori da herriari hitza ematea.

Presa ez da lagun ona erabakiak ondo hartzeko. Atez atekoa bultzatu nahi dugu herritarrekin batera eta horrek denbora eskatzen du. Gauzak ondo egin gura ditugu eta herriari hitza eman, horrek denbora eskatzen du eta ezinezkoa ikusten dut legealdia bukatu aurretik Elgetan atez atekoa ipintzea. Hala ere, hurrengo asteetan landuko da gaia gure udaletxean talde bakoitzak bere iritzia eman dezan. Ondoren etorriko dira erabakiak herriz herri.

Gutxiengo batek Lehendakari moduan ipiñi dosku Patxi Lopez. Euskara "konplikatua" dala esaten daban gizona. Guk danok ordaintzen dotsaguzen euskara eskoletatik, sarrittan, "pira" egiten dabala iñungo lotsa barik diñuana.

Lehendakarixak errespetu gehixau zor dotsa bere herrixan ofizial dan hizkuntzari. Eta gestiño hobia egin bihar leuke diru publikuana, etxetik hasitta.

Estrategia politiko militarrak iraungitze data duen honetan, hamar urte dela hasitako bidea etorkizunera begira ipintzera goaz Urruñan. Inoren kontra eta inoren zain egon gabe, etorkizunera begira ezker abertzale politikoa eraikitzen dihardugunok, bidelagunak ere badatoz, hainbat ardatz argi behar ditugu:

1.- Akordio politikoaren beharra: erabakitzeko eskubidea. Hankak lurrean ipini eta sozialki egonkortutako erabaki-esparruetan oinarritua, status autonomiko bakoitzak (Nafarroa, Euskal Autonomia Erkidegoa eta Iparraldea, bere lurralde elkargoa helburutzat daukalarik) kontsultak deitzeko eta erabakitzeko eskubidea aitortua izateko gaitasuna izatea.

2.- Giza eskubideak, eskubidea zibilak eta eskubide politikoak. Pertsona guztiak, proiektu guztiak eta ideia guztiak. Euskal Herriari behin eta berriz ukatzen zaizkion giza eskubideen, eskubide zibil eta politikoen aldarrikapena eskubide guztien defentsatik abiatuta egiten dugu eta horien urraketa bakoitzaren aintzinean salaketa erradikala, koherentea eta tinkoa eginez.

3.- Bakea. Euskal Herriak behar du, exijitzen du eta erabaki du bakean bizitzea. ETA erakundeari eskatzen diogu indarkeriaren erabiltzeari uzteko erabaki aldebakarrekoa har dezala inolako ordainik eskatu gabe. Preso politikoentzako amnistia eta biktima eta kaltetuei kalte-ordaina ematea bakea lortzeko beharrezko oinarriak dira.

4.- Politika sozial eta ekologikoa krisiari aurre egiteko. Krisiaren ondorio latzenak bizi dituzten gizarteko sektore ahulenak –etorkinak, gazteak, emazteak, iraupen luzeko langabetuak- dira gure kezken helburu nagusiak. Gure abertzaletasuna elkartasunean eta krisi ekonomikoari erantzun soziala ematean oinarritzen dela aldarrikatzen dugu. Egoera honen erantzuleak, finantzen espekulazio insolidarioak eta norberekeriak sortutakoa, dira bere ondorioei buru egin beharko dietenak, eta ez dituzte langileen bizkar gainera jaurti behar.

5.- Euskal Herriaren eraikuntza. Europako gainerateko hizkuntz ofizialen eta kulturen maila berean jarria, euskararen eta euskal kulturaren defentsa egiten dugu, eta Euskal Herria osatzen duten lurraldeak - Iparraldea, Nafarroa eta EAE- batzeko aldarria egiten dugu, herritarren erabaki askean oinarrituta.

Bi manifestaziñotan parte hartu neban atzo: Musikeneren aldekuan (30 urtetik gorakuak eskuekin kontatzeko beste) eta gehiengo sindikalak deittutakuan (30 urtetik beherakuak eskuekin kontatzeko beste).

Topatu biharko dittugu moduak gaztiak gerturatzeko, eredu ekonomikua aldatze bidian biharrezkuak dittugu eta.