Desplazatua

Presa izan zuen Patxi Lopezek gobernuaren webgune berria abiarazteko. Presaka ibili zelako, hain justu, itxi egin behar izan zuen berehalakoan, hainbat kontu ez oso era zuzenean egin zituelako.
Bitxiena, ordea, Jaurlaritzaren webgunearen eguneraketa motelaz gainera, sozialisten euren webgunean, ordezkaritzaren atalean, Jaurlaritza ez dutela sartu da.

"Ordezkaritza instituzionala" atalean Alkateak, Batzar Nagusietako Ahaldunak, Euskal parlamentarioak, Batzar Diputatuak, Senatariak eta Udal ordezkaritza agertzen dira, baina ez Euskal gobernua edo Eusko Jaurlaritza edo horrelako zerbait.
Bitxia iruditu zait, ze nik behintzat ez dut aurkitu Jaurlaritzara loturarik ordezkaritzaren atal horretan. Are gehiago, egunotan Internet eta sare sozialen inguruko jardunaldi bitan ordezkari sozialista asko ikusi ditudanean; azkena Emakunderen jardunaldien barruan politika2.0, Bilbon egin zutena; aurretik, Obamaren kanpainaren ingurukoan, parte hartu zuen Nagore de los Riosek parte hartu zuenekoa: Lehendakaritzako Komunikazio arduraduna Interneten.
Hortaz, kontua zer da sozialistentzat Jaurlaritzan ordezkaritza izatea ez dela ordezkaritza instituzionala? Ihes egingo zaie? Bitxia.

Facebooken adiskide eskari guztiei baietz esaten dien adiskide baten bitartez jakin dut EAEko Auzitegi Nagusiak maiatzaren 27an erabaki zuela batxilergoan eta haur eskolan euskara lehentasunezko hizkuntza ezartzen duen Jaurlaritzaren dekretua gerarazi duela.
Ta, horren bila, Hazte oir blogean agertu naiz
Horren arabera, gurasoek aukera izango dute gazteleraz matrikulatzeko euren seme-alabak.
Hau ere "euskera en libertad" izango da.

Interneten, grebaren berri dauden albisteak irakurtzen, Publico egunkarian ikusi dut argazkia.



Correon ere badago argazkia
Ikusi izan ditugu antzeko irudiak.
Hau baina, martxoko greba orokorreko protesta ekitaldiren batekoa da. Poliziak bere burua mehatxatuta ikusi du eta erreakzionatu egiten du; berritasunik ez horretan, baina niri inpresioa egin dit irudiak, nire amarekin gogoratzeraino. Berak ere greba egingo zukeen gaur, lana utzi izan ez balu orain dela bi hilabete. Lan murrizketekin hasi zitzaion garbiketa enpresa eta bere adinarekin, erretiroa luzatuko zitzaiola ikusita, eta geratuko zitzaion pentsioa ere gutxituko zela ikusita, langabezian dago orain, aurrejubilatzeko gazteegi delako.
Emakume horiek ikusita, garbiketan, zaintzan eta antzeko lanetan ari diren emakumeekin gogoratu naiz; Gasteizko Ariznabarra erresidentziako emakumeekin (14 hilabete greban) edo Agifeseko emakumeekin (ia 3 hilabete greban) gogoratu naiz irudia ikusita, lan baldintza duinak aldarrikatzen ari diren emakumeekin, batzuk aipatzearren.
Polizia jauna! aginduak agindu, lotsarik ez duzu? Zu ere langilea zara! Zuen arloko sindikatuek ere egiten dituzte protestak eta aldarrikapenak; legebiltzarrera ere joan izan zarete zuen lan aldarrikapenekin. Zertara dator langileen kontra horrela jardutea!

Manifa ostea



Bilbon sindikatuek egin duten manifestazioan egon ondoren, eta kotxera bidean, Arenaleko zubia moztuta topatu dut. Soka lila bat zegoen zubiaren alde batetik bestera, eta alde banatan, errekarantza, gazte bi eskegita. "Kapitalismoaren aurrean ekintza zuzena" pankarta eskegi dute albian.
Gazte asko batu dira eskegitako bi lagunak animatzera eta txalotzera; suhiltzaileak aritu dira, bi gazteak nola gora igo asmatzen; soka moztea aukera bat zen, baina uretara jausiko lirateke biak. Suhiltzaileen barkura igo dira ertzainak, eta gazte bat zubira igo dute eta bestea txalupan jaso dute. Orduan atxilotu dituzte, ez oso modu onean.
Desobedientzia zibilaren beste adibide bat, gazteena.

Alberto Surio kazetaria proposatuko Lopezen gobernuak EITBren zuzendari nagusi kargurako. Legebiltzarrak onartu beharko duen arren, pentsatzekoa da izena publiko egin den unetik, eta hainbeste kinielaren ostean, PPrekin adostua egongo dela eta gehiengo absolutoa hitzartua dagoela. Beraz, Surio izango da, bestelako ezustekorik ezean, EITBko zuzendari nagusia. Bere enpresak ere baieztatu du. DVk bere webgunean 18:54an sartu du albistea ere portadan, eguerditik aurrera jakin den arren albitea, Vocento taldeko Correo kideak albistea zabaldu duenean.
Zorionak bada, Alberto eta zorte on!

Surio ez da euskaraduna. Beraz, EITBren izango duen kargua erdizka beteko du. Nahiz eta Lopez jefeak argi duen hurrengoa: "Queremos que la propia ETB y ETB-1 vuelva al origen de sus objetivos: ser una televisión para la promoción del euskera. Pero para eso hay que hacerla atractiva y no tener una tele que no la enchufan ni los euskaldunes[hablantes en euskera] porque no hay quien la vea. Nuestro patrimonio es en euskera, en castellano y empieza a ser en inglés y en alemán". Paisen egin zioten elkarrizketan egin zituen adierazpenok Lopezek. Edukien kalitatea jarraitzen bera eta Surio jartzen badira, irabazten atera gaitezke: film berriak jatorrizko bertsioan ETB1en, azpitituluekin. Ez da txarra! Euskaldunok hizkuntzak ikasten jarraitzeko aukera izango dugu.
Txantxa tonto bat baino ez da izan, argi geratu zaigu-eta, beste behin ere, euskaldunokiko batzuek darabilten errespetu maila zein den.

Ez naizela futbolzalea, eta horregatik ezin dudala ulertu "atzokoa".
Horixe esan dit ohe lagunak gaur goizean Valentziatik deitu didanean.
Ez, ez naiz futbolzalea, baina parrandazalea bai, eta ni ez nintzateke hotelera aurreikusitako ordua baino lehen itzuli izan, han egon izan banintz.
Baina, bitxiena da, jakin banekiela Athleticek irabazi ezean, berea ez zela parranda osoa izango, eta damutu ere egingo zela hotelean logela bat gehiago ez hartu izanaz.
Hor ere ez naizela futbolzalea esan dit berak; ez dela gauza bera galtzea, edo atzo Athleticek galdu zuen moduan galtzea. Kontua zer izan da, baina, Athleticek ez zuela ondo jokatu ala Bartzelonak oso ondo jokatu uela: biak, erantzun dit.
Aitortu behar dut pena sentitu dudala. Hainbeste gogokin itxaroten egon ostean, sarrera erosteko aukera irabazi ostean zozketan, astebeteko oporrak hartu ostean, lagunekin plan itzela egin ostean... Baina Anjel Lertxundik ondo azaldu zuen moduan Demasa izan da. Hala ere, eta bera etorri bitartean, balkoiko banderak, baina-palu ta guzti, hortxe segituko du.

Zein da gure gobernua?
A aukera
B aukera

Jaurlaritzaren webgune ofizialak bere horretan segitzen duen bitartean, Lopezek bere propioa ireki du; euskarazko bertsioa baduen arren, Eusko Legebiltzarrari jarraituz, izen ofiziala gaztelerazkoa aukeratu du: "gobiernodecambioeneuskadi". Zaharrak, oraindik martxan denak, "euskadi" izena zuen.

Ezidazue esan eztenik ye-yea Atheticen lehoia. San Mamesen dagoena baino, bai behintzat. Hau Gernikan dago, nire etxe aurreko bakoi-artean. Permanente eta guzti dotore-dotore jantzi dabe datorren asteko finalaren zain. Gurean (esateko modu bat da, ze neria balitz etxia diskusiño galanta izango neban banderian jabiakin), aldiz, baina-palu bat aprobetxauta, bandera dago. Kaletik pe dezente ikusten dala hitza emoten dotzuet.

"Oye, chica! Quítate de ahí que no vemos!".
Gernikako juntetxeko ate aurrean entzun dudan lehenengoa. Bigarrena: txaloak. Baina segiduan "que no! que ése no es! que ése es Lazcoz!; bueno, pero no importa, también es nuestro!".
Egia da antzekotasuna badaukatela, baina hainbesterako...

Pleno aretora sartu eta lehenengo ikusi dudana: medalla mordoa! Tierra, mar y aire! Une batez "cuerpo a tierra" egitea otu zait, baina ez naiz ausartu;-)

Jende asko, gorbata mordoa, leku gutxi, estu-estu guztiak... Ta, MariaTeresaFernandezdelaVega... Ze argal dagoen emakumea!

Ikustekoa izan da Gernikakoa. Sekula lehendakari kargu hartze baten egon barik nintzen, eta gaurkora ere ez joateko asmo sendoa nuen, baina lana lana da;-(

Azkenean, baina, pleno aretotik atera denean lehendakari berria, bere karguari zin egitera, humillatu barik, alde egin dugu juntetxetik; Kirmenen testuak berari entzutea nahiago dut.

Berriako politika arduradun Pello Urzelaik Jose Antonio Pastorri egindako elkarrizketaren sarrerakoan idatzitakoak atentzioa deitu zidan atzo: “Bilboko bulego berrian, Sabin Etxearen kale berean, erantzun ditu BERRIA-ren galderak”. Inora ez doan informazioa da, baina morboa badauka; jakinda gainera orain arteko sailburuetako asko han hartuko dituztela, Sabin Etxean. Agian, EAJ eta PSEren arteko elkarlana hortxe inguruan hasiko da? Ikusteko dago. Dena dela, Correoren azala askoz sinpatikoagoa zen. Begoña nahikoa ez eta, Bilboko gotzain Ricardo Blazquez eta Donostiakoa Juan Maria Uriarte ageri ziren Josu Jon Imazek zuzentzen duen enpresak patrozinatzen duen Athleticen elastikoa erakusten. Gogora etorri zait: Jaunak eman, Messi-as-Jaunak eraman. Ikusteko dago.
Bihar, berriz, bi hilabete eta lau egun beranduago, lehendakari berria izango dugu: Patxi Lopez bozkatuko dute Basagoitiren neska-mutilek. Ikusteko dago, baina bobernu berriak egingo duen politika; baita Pastorrek atzo zioena: “Gu ez gara joango euskararen kontrako politika batera”. Ikusteko dago.

Oharra: Asteleheneko Goienkaria tokatzen zitzaidala-eta, idatzi nuen atzo hau, horregatik daude izen propioak beltzez eta da asteburuko kontuak gogora ekarri. Baina datorren asterarte etzait txanda tokatzen; hala ta be, idatzita neukanez, hona ekartzia pentsau dot.