ASTELEHENEKO GOIENKARIA (2010-02-08)

Isabel Celaa hezkuntza sailburuak ontzat eman du Epaitegi Gorenaren erabakia: 'Euskal Herria' terminoa, kultur esparrura mugatuta erabili beharko dela. Sanz, Nafarroakoa, ere pozik izango da; berak jarri zuen eta, Ibarretxeren sasoian, euskal curriculumaren kontrako helegitea. Baina barikuan Aralarreko eta Abertzaleen Batasunako Basabe, Perez eta Garaik esan zutenari eutsi nahi diot nik: “Batzuk beren jardun osoa oinarritzen dute Euskal Herriaren ukazioan. Bada, guk, Aralarrek eta Abertzaleen Batasunak argi eta garbi esaten diogu baietz Euskal Herriari, lehen, orain eta beti”. Ez Surioren eguraldi mapak, ezta Euskalmeten kolore biko mapak, ezta Basagoitik Lopezen gobernuari agindutakoak, ez dute aldatuko euskaldunontzat Euskal Herriak esan nahi duena. Hala sinetsi nahi dut nik behintzat.
Jose Luis Lizundiak Jaime Otamendiren Mezularian gogoratu zuenez, “Euskaltzaindiak Euskal Herria izenaren egokitasuna, zuzentasuna eta zehaztasuna berresten du, zazpi probintzia edo herrialdeen osotasuna adierazteko”.
Aldaketaren gobernuak benetan “normaltasuna” zer den ulertuko balu, arazorik ez litzateke sortuko ez dagoen lekuan.

Atzo estreinatu zuen eitbk irudi berria bere albistegietan. Gaur egun gorriz jantzi da; teleberri urdinez. Gorria kolore beroagoa delako-edo, horri begira geratu nintzen atzo; deigarriagoa egin zitzaidan  urdina baino.



Hasiera ezaguna egin zitzaidan; borobil horiek guztiak cuatro logoa gogorarazi zidaten; haren eboluzio baten gisara.
Gero aurkezleak hartzen dituen estudioaren dekorazioari erreparatu dion; egoitza berrira joan zireneko zuriari eutsi diote, baina atzeko pantailetan agertzen diren borobil gorri horiek guztiek pop saio baten itxura gehiago ematen diote albistegiari, edo gutxienez gaztearen itxura hartu diot nik.

Madrileran joan dira Lopez eta konpainia turismo kanpaina berria aurkeztera. Rosa Diezen "Ven y Cuéntalo"k izan duen oihartzunaren erdia badu kanpainak, bada zerbait.
Oraingoan "Euskadi, saboreala" edo Goza ezazu da leloa.
Baina Jaurlaritzaren webgunearen Turismo sailak logoa bai, baina leloa ez du erakutsi "saboreala"rik ezin ote da egin bertatik bertara?

Galdera hori erantzutea erraza da ba gero! fine, thanks esanda be, nahikoa izan leike, ta edukaziñoz berai be gauza bera galdetu eta listo! Ba ez! hori egin beharrean, galdera horixe egin zidaten azkeneko aldian, PDF jardunaldietan Bartzelona, egun eta erdiz ingelesez hizlariak entzuten jardun ostean, zera asmatu nuen: aleman bati nere etxeko inglesean zertan lan egiten doten azaltzen asmatzea! ai, ene!
Nere lekura bueltatu nintzenean ohartu nintzen zergatik begiratzen zoztan tipo harek, guapua be bazan harek, era horretan! Tipa hau enrredauta dao, esango zeban bere artian!

Baina etzan hori, Personal Democrazy Forum Europa jardunaldietako esaldi-elkarrizketa bitxi bakarra. Kuaderno txikia errepasatzen honakuak topau ditxut:

• "Partido en Internet" ekimena azaltzen egon zen Hector gaztea: "25 urte ditut eta 18 egin nituenetik, hauteskundeak heltzeari beldur diot. Inoiz ez dut jakiten nori eman bozka. Beraz, Interneten alderdi bat sortzea erabaki dugu: Partido en Internet
• Hazteoir plataformako 'friki' bati: "Gauzak aldatu nahi genituzke, jendeak bere iritzia eman dezala". Esaldia ez dago gaizki, baina hori esaten ari zela, atzean zuen pantaila erraldoian abortoaren kontrako Madrilgo manifestazioan egon ziren neskato gazte mordoa ikusten ziren, eskuak gorriz margotuta 'No al aborto' eta antzekoak kamisetetan zituztela. Itxura, nahiko beldurgarria zen.
• PPko webgunearen arduradunetako bat ere izan zen bere espitxa botatzen eta amaieran: "Jamás el pedido el voto utilizando los foros del PP", eta amaitzeko: "Os espero!". Ze maja, ezta!
• "Edozeinek daki botereak usteldu egiten duela, baina era berean liluratu, erakarri egiten du", Esther Dyson
• Pertsona berak esana: "Ez da nahikoa gobernua aldatzearekin. Jendearekin lan egin behar da gardentasuna aldarrika dezan eta gertatzen denaz ardura izan dezan".
  

Onena, ordea, jardunaldien amaiera izan zen: tope yankia!!! Antolaketan parte hartu zuten langile guztiak taula gainera deitu eta elkarri txalo egiten aritu ginen tarte luze batez, jota bilirrubiniak pe gora egin zoztan! Zelako emoziñua! Musika harekin, danok txaloka!!! "Ze guaiak garen" esan notzan nere buruari.

Emakumeen eta gizonen arteko berdintasunean bidea egin dutenak emakumeak izan dira. Euren bizimoduetan aldaketak eragin dituzte eta euren inguruetan horrek eragina izan du; aldiz, gizonak, aldaketa edo eboluzio horri begira egon dira, eurak "ondo" zeudela sinetsita eta aldaketarik behar ez dutela sinetsita. Eboluzioa, hortaz, alde bakarrekoa izan da eta gizonak ezagutzen ez duten panorama baten aurrean daude orain, zer egin jakin barik eta askotan, egoera horri nola erantzun ez jakiteak, okerreko ekintzak burutzen dituzte.
Horrelakoxe sinple azaldu zuen Dolores Juliano antropologak emakumeen kontrako indarkeria.

Nik neuk sekula ez dut nire burua feministatzat jo; sinetsita nago nire belaunaldiak ez duela emakumeenganako diskrimaziorik jasan, orokorrean. Nik neuk ez daukat horren sentsaziorik eta pentsatzen dut horregatik-edo, ez diodala behar besteko garrantzirik eman emakumeen eta gizonen berdintasunari. Eskola sasoian maixu-maistrak izan nituen, eta zuzendariak ere bietakoak izan ditut. Gero, unibertsitatean ere bietako irakasleekin jardun nuen eta pisukide gehienak emakumezkoak izan badira ere, mutil bi ere izan nituen pisukide, bata amak dena egitera ohituta zegoena, bestea, berriz, etxerako modukua.

Dena dela, nik neuk nire inguruan berdintasunaren alde ez militatzeko premiarik sentitu ez izana, izan daiteke "paso" egin izanagatik ere. Ez arduratzeak, ez jakiteak, gaian ez sakontzeak... Izan daiteke, baina Euskal Herriko Feministen azkeneko jardunaldietan izan nintzenean ere sentsazio hori izan nuen: nire baino belaunaldi zaharragoak zirela feministak eta ni baino askoz gazteagoak zirela feminista berriak; gu, tartean geratu garenok, "komodo" bizi izan dugula gurea ta, akaso, horregatik izango da ni neu ez naizela hain lila sentitzen.

Personal Democrazy Forum Europan izan naiz gaur egun osoan. Bartzelonan. AEBtik kanpo egin dute lehenengoz. Hainbat eta hainbat hizlari entzun ditugu, politikoak interneten, politika egiteko era berriak sareari esker, sarearen erabilera hauteskunde kanpainetan... Baina azkeneko mahai-ingurua izan da, niretzako behintzat, nobedosoena-edo. Markus Beckedahl, Jeremie Zimmerman, Paul Hilder, Jack Thurston eta Javier Cremades izan dira. Sareari esker mugimendu sozial handiak sustatu eta Europar  Batasunaren erabakietan nola eragitea lortu duten, nazioarteko gobernuetan nola eragin nahi duten, Madoff auziaren kaltetuentzako ordaina Santander bankuari nola eskatu... Jack Thurstonek Europar Batasunak nekazaritzarako ematen duen diru-lagutzen banaketaren inguruan sortu duten fundazioaz aritu da. Nazioek ez dituzte datu horiek publiko egiten, baina "herrialde batek bestearekiko daukan eragina bistaratzeko balio izaten du jakiteak, esaterako, zenbat diru jasotzen duen Irlandak, Frantziari ere datuak eskatzeko eta presionatzeko. Kasu askotan subentzioak diru gehien duten produktoreek jasotzen dute, Bretainia Handiaren kasuan, Isabel II.ak", azaldu du. Fundazioaren helburua subentzio horien gaineko debatea eragitea da ze, "ez dago espazio politiko europarrik"; nazioak daude eta bakoitzak berea defendatzen du eta kito.
Zimmermmanek Europako legebiltzarrak hartu nahi izan zuen Internet mugatzeko erabakiaren inguruan sortu zen mugimenduaz aritu da; lobby moduko bat sortzeraino iritsi ziren sare sozialen bitartez eta presioa egitea lortu zuten.
Avaazen kanpainetaz aritu da Paul Hilder; ingurumena babesteko, aldaketa klimatikoa salatzeko wake up 12:18 kanpainaz. Nola egin zuten, nola lortu duten mundu osoan zehar herritar mordoa mobilizatzea mezu berarekin inguruan ekintzak egiteko. Brasilen ari omen dira orain, hainbat eta hainbat sinadura bildu dituzte han ere.

Politika egiteko beste modu bat badagoela erakutsi digute, sareak horretarako bide ematen duela, sare askeak. Askatasun hori zaindu eta bermatu behar dela, gobernu askok mugak jarri nahi dizkiotelako euren kontrako iritziak sortzeko "erabiltzen direlako".

Eguna luzea izan da, eta hizlari mordoak parte hartu du Personal democrazy Forum Europa jardunaldiaren lehenengo egunean. Twitterren jarraitzeko aukera ere egon da, baina wifiak ez digu han ginen guztioi konektatzeko aukera eman; biharko hobetuko dutela agindu digute, ta forumaren antolatzaileetako bat ere han zen: Micah Sifry

¿Qué precio está pagando el PP por sostener el Gobierno del PSE? Consideramos a los compañeros del PP tan demócratas como nosotros. Han estado en la misma trinchera. ¿Qué problema hay para pactar con ellos?. Jesus Egigurenen berbak dira, Vocento taldeak domekan egindako elkarrizketan. Baina gaur bertan Tonia Etxarrik horixe bera aprobetxatuz argitaratu duen iritzi artikulua ilustratzeko Correok erabili duen argazkia, nahikoa adierazgarria irudi zait, PPrekin ondo-ondo ez daudela sozialistak

Seguru Egigurenek ez duela arazorik PPrekin?