Abenduaren 13an ospatu zen truke merkatua Okendoko txikien gelan.

Aurtengoa 5. urtea izan da truke merkatua antolatu duena Txatxilipurdi elkarteak Arrasaten gabon garaian, eta inoiz baino arrakasta handiagoa izan du. Urtetik urtera jasotako jostailu kopuruak goraka egin du eta jasotzeko orduan edo trukatzeko orduan ere, geroz eta jende gehiago hurbiltzen da.

 Aurten 160 jostailu batu ditugu iaz baino 45 gehiago eta 97 izan dira truke bidez haurrak etxera eraman dituzten jostailuak.

 Okendo eta Santamarinako ludotekan jaso ditugu jostailuak eta kalean berriz, Arimazuri plazan eta Bitteri plazan.

SORRERA

 Batez ere,Gabon garaian izaten den, gehiegizko kontsumokeriari aurre egiteko asmoarekin jarri genuen martxan JOSTAILUEN TRUKERAKO MERKATUA. 2003an Txatxilipurdiren eskutik.

Ludoteketan jorratzen dugun arren urtero, etxeetara zabaldu nahi izan genuen eta etxean pilatzen zaizkigun jostailu guztiei irtenbide bat eman nahi izan genien.

 Ingurumenarekin konpromisoa erakusteko, funtsezko era moduan ulertzen dugu kontsumoa gutxitzea eta ingurumena zaintzeko egiten diren hainbat planetan, birziklaiari ematen zaio garrantzi handia. Birziklatzeari ondo deritzogu, baina kontsumoaren gutxitzean, gogorrago lan egin behar dugula uste dugu arazoari sustraitik heltzeko.

  Kezka hauetatik guztietatik sortu zen merkatuaren ideia.

 o       HELBURUAK

   Helburu hauek landu nahi izan dira batez ere:

1.      Gabon garaian ematen den gehiegizko kontsumoa murriztea

2.      Jostailuen berrerabilpena bultzatzea

3.      Trukearen balioa haur eta gaztetxoengan sustatzea.

4.      Jostailu guztiei balio berbera emanez, dirurik gabe, elkarren arteko baliabideen trukaketaren balioaz ohartaraztea egungo haur eta gurasoak.

5.      Haurren iniziatiba eta borondate ona bultzatzea.