Lokatza

Tourreko Porra egiteko jarritako mahai eta gune esberdiñetan, erabilitako txirrindulari zerrendek sortu dituen eztabaiden inguruan, hau esan nahi dugu:

               Eztabaidaren arrazoia: Agritubel taldeko txirrindulariek zenbaki desberdiñak dituztela zerrenda Ofizialean (Tourreko Zuzendaritzarena), guk geneukan gida zerrendarekiko

a)- Porrako paperak betetzerakoan ateratzen ditugun zerrendak, nolabaiteko lagungarri giza baliogarriak izango direlakoan aurkezten ditugula, ta borondate onenarekin

b)- Urtero bezala, aurten ere, larunbat goizean, hemengo egunkari guztietako zerrendak ( Diario, Gara, Marca. etb ) aztertu ondoren ateratako kopiak eskeini genituela; egia esan honela fidatu giñen ta horrela zabaldu genituen; noski inolako asmo txarrik gabe

c)- Orrietan aipatzen diren Arauetan, garbi jartzen duela, benetan balio duen zerrenda, Tourreko Zuzendaritzak aurkezten duena dela, ta aukeratzen ditugun zenbakiak balio dutela ta ez Txirrindulariaren izenak

d)- Hasieratik, gure asmoa, Tourrak duen jarraipena aprobetxatuz, inguruko herrietan Txirrindularitza kirol giroa sortzea dela, eta esan behar neurri batean lortzen ari garala ta pozik gaudela.

e)- Gure helburua, naiz eta beharrean egon, ez dela dirua ateratzea,(badakizue %10arekin gelditzen dela Gazteen Ziklismo Eskola bultzatzeko), ta naiz eta kanpoko hainbat tokitatik Internet bidez parte hartzea kudeatzeko eskaerak jaso ditugun, argi daukagu gure helburua, ta EZETZ borobilarekin erantzun dizkiegu;  horretarako badaude beste Porra batzuk.

f)- Antolatzaile lanetan ari garenok, izen-abizenak dauzkagula, ezerezen truke ari garala, gogo haundiz betetzen ditugula bakoitzak ahal dugun neurrian, gure gaztetxoak txirrindularitza praktikatzeko egin behar izaten diren lanak; aski ezagunak garala gure herrietan, ta gure portaera guztiz gardena dela..

 Dena den, badakigu gauza asko dauzkaguka hobetzeko, ta  Lokatza elkarteak, zabalik ditu ateak ta helburu honekin eta baldintza honetan lan egitea nahi duzuen guztiok ongi etorriak izando zaretela.

 Hau horrela, zera adierazi nahi dugu:

  1)-Porraren arauak argi azaltzen duenez, balio duena Zerrenda ofiziala dela; ez da legezkoa bakoitzaren asmo pertsonalen arabera aldaketarik egitea, ta beraz ez dugu inolako zuzenketarik  egingo.

  2)- Aurkezpenean azaldutakoaren araberan, BLOG honetan guregana zuzendutako, nolabaiteko irainak (tranposoak, zikiñak, lapurrak e.a.) soberan daudela, ta iñola ere ez garala “kalifikatibo” horien jabe

  3)- Aprobetxatu nahi dugu, Porra honetan parte hartu duzuen guztiori agurtu ta eskertzeko, ta nola ez txirrindulari eskola honek aurrera jarraitu dezan laguntza eskeintzen diguzuen guztiori…..  TXALO haundi bat bidaltzeko

               Azkenik, guztiori Gonbidapena luzatzen dizkizuegu, Uztailaren 28an Bergaran (kalean) SARI BANAKETAko ekitaldira etor zaitezten.

         Aurrez gure Zorionak¡¡ irabasleei , ta ordurarte ondo izan