Lokatza

Lokatzak antolatutako 7. Tourreko porra martxan jartzear dago inguruko txirrindularizaleen ezagutzak erakusgai izateko eta bide batez Ziklismo Eskolari lagundu ahal izateko. Partehartzaile bakoitzak nahi beste apostu egin ahal izango du (20 euro bakoitzak), apostu bakoitzeko 15 txirrindulariz osatutako zerrenda azaldu beharko du. Apostuak Bergarako Nahikari, Avenida, Frontoia, Usoa, Deportivo tabernetan eta Zabala jatetxean egin ahalko dira, Antzuolan, berriz, okindegian. Gainera, larunbat goizean hasita, Lokatzako kideek Domingo Irala kalean karpa bat prestatuko dute 13:00-tik 22:00-tara apostuak egin ahal izateko. Igandean, berriz, eguerdiko 12:00-ak eta 14:00 artean San Martzialeko kanpan izango dira erromeriaren inguruan, bertan egongo dira Lokatzakoak azken orduko zaleek porra egitea nahi badute. Porrako txirrindularien dortsalak, Tourreko antolakuntzak bere web ofizialean ( www.letour.fr ) ipiniko dituen dortsalak izango dira.

Atzo iluntzean Aizarnazabalen, Asier Penabad (Debabarrena) bergararra 3º sailkatu da Gipuzkoako erlojuaren aurkako txapelketan Sub 23 mailan. Sailkapen orokorrean 4. postua lortu du Lokatzan formatutako txirrindulariak. Lasterketa berdinean beste bergaratar bat izan dugu, Kepa Varela (Bidelan), baina aste honetan korritu duen Vuelta a Navarra-k bere egoera fisikoan nabarmen afektatu dio


Jubenil mailan, SUMOFIC taldeko Xabier Aranzeta antzuolarra izan dugu lehia bizian, 5. postua lortuz. Lokatzako tixrrindulariak sasoi betean heltzeko asmoa du 3 aste barru ospatuko den Gipuzkoako itzulira, eta gaur egindako lana bide honetik doala erakusten du.

Aurreko larunbat goiza primeran hasi zen Lokatzakoentzat, izan ere MikelAristi kadetea garaile suertatuzen Urdulizko(Bizkaia)  lasterketan, Gaztetxoak trofeorako baliagarria zen proban. Modu honetan sailkapen orokorreko lider bihurtu zen bergaratarra.



 Aipatzekoa ere Jokin Etxabek lortutako 11. postua lasterketa osoan zehar aurreko postuetan ibili baitzen talde lanean.
 
Larunbat arratsaldean, Irun-en Gipuzkoako Eskolarteko txapelketak ospatu ziren eta Alebin-neska mailan, Maria Cid Lokatzako kidea izan genuen garaile.



 Esan beharra dago korritu dituen lasterketa guztiak irabazi dituela eta bere mailan diferentzia nabariak markatzen dituela. Bestalde, Infantil-mutil mailan, Urtzi Muguruza antzuolarra finalerako sailkatzea lortu zuen lasterketa polita osatuz.
 
Irungo probarekin paralelo, Oñatin jubenilentzako Arantzazura igoera izan genuen. Santutegian zegoen helmugan Xabier Aranzeta antzuolarra 3. izan zen, bere egoera fisiko ona azalduz. Ekainean Gipuzkoako Itzulia du helburu eta badoa poliki poliki pedal kolpea fintzen.
 
 

Maiatza bikain hasi da Sumofic - Lokatzako txirrindulariendako, taldeak dituen hiru maila ezberdinetan garaipena lortu dute gazteek. Ostiralean, maiatzaren 1ean, Bergaran Altos Hornosen ospatutako kadete mailako lasterketan jokoan zeuden sari guztiak eskuratu zuten txirrindulariek. Garaipena, Eneko Lizarralde bergararrak erdietsi zuen, bigarren Mikel Aristi taldekidea izan zelarik. Baina ez zen Sumofic - Lokatzako garaipen festa bertan amaitu izan ere, tarteko helmugak Mikel Aristirentzat izan ziren eta eguna borobiltzeko talderik onenaren saria jaso zuten kadeteek, langilearen egunean lan bikaina egin ondorengo emaitzak lortuz.
 
Lasterketan hamarreko talde batek egin zuen ihes eta bertan egon ziren Eneko Lizarralde eta Mikel Aristi. Helmugarako kilometro gutxiren faltan Enekok erasoa jo zuen taldetik metro batzuk hartuz eta atzetik Aristi taldekideak kontrol lana eginez, taldeko lan oso ona brutuz. Aipatzeko ere, Hodei Orobengoa eta Etxabe anaiek egindako lasterketa, beraien lanak taldeko saria eman zioten eta.
 
Asteburu luze hau bikain hasi zen ostiralean eta bikain jarraitu zuen larunbatean, eskola mailetako lasterketan Maria Cid bergararrak, alebin mailako lasterketa irabazi zuen, beste behin denboraldi honetako dominatzailea dela erakutsiz, aurten jokatu diren lasterketa guztietan garaile irten baita.
 
Larunbata eta igandea bitartean, jubenilek Mendiko Kriteriuma korritu dute Lazkao eta Segura artean, Challenge formatuan ospatutako txapelketa izan da, non lasterketan lortutako postuaren arabera puntuan banatu eta bi etapen artean gehien batzen zituenak, Kriteriuma irabaziko zuen. Bada, larunbatean Lazkaon hasi eta Lazkao mendin amaitu zen lasterketan Xabier Aranzeta antzuolarra izan zen garailea.



 Lasterketa hasieran sortu zen ihesaldian Unai Retolaza sartu zen eta atzetik sortutako bigarren ihesaldi batean Xabier Aranzeta sartu zen. Azkenik atzekoak aurrekoak harrapatu ondoren, Lazkaomendiko maldetan Aranzetak indartsuena zela erakutsi zuen. Horrenbestez lider maillota jastea lortu zuen mendiko sariarekin batera. Lokatzak, Ander Telleria, Ion Rivero, aipatutako Xabier Aranzeta eta Unai Retolaza eta zulatua izan zuen Anartz Garcia izan zuen irteera eta guztiek lortu zuten helmugara heltzea talde lan ikaragarria egin ostean.
 
Aldiz igandean, Seguran ospatutako lasrterketan, Sumoficeko txirrindulariek lan eskerga egin ondoren lidergoa defendatzeko, sailkapen nagusiko hirugarren postuarekin konformatu beharra izan zuten, Sumofic taldearendako asteburu ezin hobea borobilduz. Aipatu beharra dago, kriterium honetan, taldeak bikain erantzun duela eta horren adielazle Aranzetak lortutako garaipenean eginiko lana eta bigarren etapan guztiek, bakoitzaren aukerak baztertu eta lidergoa defendatzeko jarritako borondate guztia

Joan den zapatuan, Legazpin jubenil mailako XV. Gipuzkoako Klasika ospatu zen, Espainiako federazioako Trofeo Federaciones-erako puntuagarria. Goi mailako partaidetza izan zen Legazpiko kaleetan estatuko selekzio autonomikoak, Euskadiko selekzio probintzialak, Pyrinees Atlantiques selekzioa eta Gipuzkoako txirrindulari guztiak, denera 33 taldetan banatuta 165 txirrindulariko tropela osatzeko. Sumofic taldeko ziklistak ere bertan izan zire: Aitor Laskurain, Ander Telleria, Unai Retolaza eta Xabier Aranzeta.


 
Lasterketak, 87,5 kilometro zituen eta ibilbidean zehar, bi tarteko helmuga, 14 eta 28 kilometroetan Legazpitik pasatzen zen bakoitzean eta bi mendate, Atagoiti Ormaiztegitik igota eta Deskargako mendate gogorra Antzuolatik barrena, Helmugatik 6 kilometro eskasera.
 
Txirrindulariak gogotsu hasi zuten proba euripean. Zorionez, kilometroak egin ahala eguraldia ere lagun izan zuten. Esan bezala eta gazte mailan ohitura den bezala, erasoa erasoaren atzetik jardun zuten ihesaldi ahalegin guztiak beste ihesaldi ahalegin batek zapuzten zuela. Lokatzako mutilek, ez zuten sorte handirik izan. Eroriko bat medio Ander Telleria moztuta geratu zen, Aitor Lazkurainek zulatu bat izan zuen eta ala ere adore handia erakutsiz tropela harrapatzea lortu zuen. Lan zaila benetan, izan ere, bataz bestekoa 42 kilometro ordukoa izan zen. Unai Retolazak Atagoiti faboritoen tropeletik 10 segundu eskasera pasa zuen eta lehenengo urteko jubenila izanik, pozik agertu zen lasterketa amaieran.
 
Azkenik Xabier Aranzeta, Atagoiti igotzen hasi aurretik, ihesaldi baten sartu zen, baina Madrilgo selekzioak behera bota zuen ahalegina. Atagoiti faboritoen tropelean pasa zuen, eta Oñatira helduta Castilla La Machako bi txirrindulari eta Cataluynako beste txirrindulari batekin ihes egitea lortu zuen, lasterketako protagonbistetako bat bihurtuz. 50 segunduko aldea lortu zuen Antzuolatik psatzean, Deskarga igotzen hasi aurretik. Ala ere, Euskadi lanean hasi zen ihesaldia behera botatzeko, izan ere, arriskutsua bihurtzen hari zen laukotearen jarduna, laurak oso indartsu agertu baitziren. Azkenik, Deskarga Orbek (Euskadi) pasa zuen lenengo eta Aranzetak atzetik sortu zen taldetxo baten sartu zen ihesaldiak utzitako nekeak gainean zituela. Helmugan, indar guztiak xaututa, 18 postua erdietxi zuen Antzuolarrak. Taldekideak eta gipuzkoako tropelkideak zoriondu egiten zuten Aranzeta, izan ere lasterketak zuen goimailak etzuen beldurtu eta txirrindulari bikaina dela erakutsi zuen.
 
Azkenik garailea Haritz Orbe bizkaitarra izan zen, aurreko asteko domekan, Paris - Roubaix-en 24 postua eskuratzetik zetorren. Tarteko helmugak German Lopez naparrak irabazi zuen, mendiko saria
 
Taldeak:
 
Araba
Andalucia
Aragon
Bizkaia
Madril
Galizia
Catalunia
Valencia
Asturias
Castilla Leon
Castilla la Mancha
Murcia
Nafarroa
Euskadi
Pirinees Atlantiques
Baleares
Extremadura
Cantabria
Sumofic
Caja Rural I
Caja Rural II
Lan mobel
C. Corrugados
Azysa Gipuzkoa
Galdiano Eraikuntzak
Bruesa
Puertas Diproca
Andoaingo
Ulma-Iturriaga
Grupo Sein
Donosti Berri
AZ etxe
Gipuzkoa
 
 

Eibarren 38. Valenciaga Memoriala ospatu da, Pedro Merino (Trasmiera) txirrindulariak erakustaldi bikaina eskaini ondoren. Ciudad Realeko txirrindulariak Ixuako maldetan jo du garaipenera eraman dion erasoa. Itziarreko, Meagaseko, Elgetako eta Areitioko mendateak igo ondoren, Ixua guztiek batera hasi dute igotzen eta bertan jo du eraso Merinok, inor ez da gai izan bere atzetik joateko eta aurrera egin du bakarkako lanean. Atzetik taldetxo bat ostu da Montenegro argentinarra (Andalucia - CajaSur) espainiako kopako liderra bertan zelarik. Azken hauek ez dira konpondu Pedro Merinoren bila joateko. Azkenik, San Miguel igo eta gero, Merinok aldea handitzea lortu du eta Eibarreko kaleetan, minutu bateko aldearekin sartzea lortu du. Bigarren Montenegro eta hirugarren Francisco Martinez (Cafes Baque) izan dira hurrenez hurren. Taldetxoari denbora emanez.
 
Amateur mailako proba garrantzitsu honetan 3 bergarar izan dira, Iban Caballero eta Asier Penabad (Debabarrena) eta Kepa Varela (Bidelan). Kepak bere burua erakutsi du Elgetako maldetan eta Penabadekin batera, helmugara irtis dira, lehenegoa 23. minutu eta berrogeira eta bigarrena 92. postuan hamaika minutura. Ibanek, amateur maila bigarren urtea izaki, Areition 130 km ondoren lasterketa utzi beharrean egon da. Lan bikaina egin dute bergararrak, pozik guztiak estatuko lasterketa garrantzitsuenean erakutsitako mailarekin.
 
Jubenilak Deban.
 
Larunbatean jubenilek Deban izan zuten zita. Irabazlea Oier Intziarte izan zen ihesaldi luze baten ondoren. Ihesaldian 8 lagun sartu ziren, gizon garrantzitsu moduan, Asurmendi nafarra, Ibai Daboz, Jon Ander Insausti eta Intziarte garailea, Uzarragan bigarren eginda zegoen. Hauek aurre hartu zuten Itziarrera lehen aldiz igotzen hasi aurretik. Bukaera aldera, Itziarreko bigarren igoeraren eta Kalbarioko igoeraren artean, taldetxo bat sortu zen beraien atzetik, Mikel Elorza (Uzarragan garaile), Mikel Iturri, Markos Zaldibia eta Xabier Aranzeta antzuolarra. Taldetxo honetan, Aranzeta eta Iturri izan ziren lan gehien egin zutenak, izan ere, Elorza eta Zaldibia talde berekoak ziren eta aurreko ihesaldiak taldekide bat zuten. Kalbarioa igotzen tartea jan zuten eta helmugan Aranetak (Sumofic) 10. postua erdietsi zuen. Gustura agertu zen antzuolarra, pena bakarrarekin, kilometro gehiago falta izan zituen aurrekoekin bat egiteko.

Gorlako XXXV. igoeraren inguruan egin den zozketaren garailea Ricardo Murillo izan da, 1459 zenbakidun boletoaren jabea. Argazkian Peio Garitano Lokatzako kideak sarien entrega egiten dizkio, Atxega Ardoak eta Oxirondo Banaketak jarritako Ardo eta Urdaiazpiko kaxa bana esate baterako.

Zapatu arratsaldean, gazte mailako txirrindulariak, Antzuolan Uzarragara igoera izan zuten. Lasterketak 90 txirrindulari inguru izan zituen irteeran gipuzkoako taldeez gain, P.Incera talde kantabriarra eta Gastronomia Vasca bizkaitarrak. Lasterketa hasieratik bizi bizi irten zen hainbat eraso eta ihesaldi saiakerekin, baina ez zuten alde nabarmenik lortu. Lokatzako txirrindulariak, talde lan bikaina egin zuten lasterketan ahalik eta lotuen eramateko azkeneko igoeraren zain. Hala ere, lasterketaren bizkortasuna zela eta, Oñatirako azken itzulian taldetxo batek aurre hartzea lortu zuen, atzetik Sumofic-eko txirrindulariakaldeak murrizten zutelarik. Uzarragarako maldak hasi zirenean, taldetxoak 30 segunduko aldea zuen eta Aranzetak tropeletik aurrera egiten saiatu zen 7 postua lortuz. Garaipena, Mikel Elorza azkoitiarrarentzan izan zen, denboraldiko bigarren garaipena lortuz Otzaurten lortutakoaren ondoren. Lasterketan hotza, euria eta txingorra izan ziren protagonista, hala era, txirrindulariak adoretsu agertu ziren, ikuskizun polit bat eskainiz.
 
Beste alde batetik, jubenilek domekan, Lizarran Euskal Herria Txapelketako bigarren proba izan zuten eta bertan izan ziren Xabier Aranzeta eta Ion Rivero. Lasterketan Bizkaia, Gipuzkoa, Araba, Nafarroa, Errioxa, Aragoi eta Kataluinako taldeak izan ziren guztira 161 txirrindulari batuz. Lasterketa gogorra eta haizetsua izan zen. Olejua, Lezau eta Araul mendate puntuagarriak igotzen zituzten eta beste hainbat muino txiki, helmuga zegoen Puyko basilika esaterako (profesionalak amaitzen duten leku berean). Hasieratik, mailari dagokion bezala, gogotsu irten ziren txirrindulariak eta erritmo bizian ibili ziren lasterketa guztian. Mendate guztietan Aranzetak onenen taldean egotea lortu zuen, hala ere, bezperan egindako lanak ordaindu zituen eta 22. postua erdietsi zuen, aurreko egunean korritu ez zuten txirrindularien aurka, beraz goraipatzeko lana egin zuela esan daiteke. Garailea, Eder Salas bizkaitarra izan zen, Txapelketa honetan, bigarren garaipena lortuz eta lidergoa sendotuz. Bigarren, datu bezala, Aritz Orbe izan zen, aste santuan, Espainiako selekzioarekin Paris-Rouabix lasterketa berezian parte hartuko duelarik

Kaixo txirrinduzale!
 
Igandean, martxoak 29,  XXXV. Gorlara igoera ospatuko da Bergaran Lokatza Ziklismo Eskolak antolatuta. Urtero bezala, lasterketako kruzeak behar bezala kubritzeko gendea behar dugu. Esku bat botatzeko prest zaudetenei, eskertuko genizuen osteguna baino lehen gurekin kontaktuan jartzea iganderako lanak garaiz banatu ahal izateko.
 
Kontaktatzeko:
 
telefonoz: 656 714 242 (Kaxeta)
 
e-mailez: lokatza_ze@hotmail.com
 
Ostegunetan arratzaldeko 20:00-tan telefonikako aldapan (herri lagunak kalea) batzartzen dira antolakuntzako kideak, bertatik pasa ezkero, laguntzeko izena emateko aukera izango da.
 
Eskerrak aldez aurretik,
 
Ibilbidea

Larunbat atsaldean berriz ere garaile izan genuen Mikel Aristi (Sumofic) bergararra Beasaingo lasterketan. Eguenko protagonista Leo Fournier (Cam Bordeaux) frantzesa izan zen, izan ere ia ibilbide osoa egin zuen bakarrik ihes eginda. Frantziarrak Liernia gaina lelengo pasa ondoren, Ormaiztegin arrapatu zuten 7 txirrindulariez osatutako taldetxoak. Taldetxoa sprintera heldu ziren helmugara, Aristik bere abiadura puntaz baliatuz denboraldiko bigarren garaipena lortu du
.

 
Igandean, jubenilek errepidean debuta izan zuten Errenterian. Ibilbide motza baina gora-beheratxua izan zuten txirrindulariek non ihesaldi batek aurrera egin zuen, azkenik taldetxoko sprintean amaituz. Garailea Haritz Orbe (Farla-jaulice) bizkaitarra izan zen azkarrena.