Bergarako Jardun euskara elkarteak antolatu du Jostailu Truke Azoka ekainaren 25, 26 eta 27rako. Lehen aldia da halako ezer Bergaran antolatzen dena, ibarreko beste herri batzuetan halako esperientzia probatu badute ere.
Gaur egun haurrek jostailu gehiegi dauzkate eta kontsumo hori jaisteko asmoarekin antolatu dute Jostailu Truke Azoka. Era honetan, jostailu batekin aspertu diren
umeek berri bat hartzeko aukera izango dute, jostailuak berrerabiliz.
ZERGATIK? JOSTAILUEKIN EMATEN DEN GEHIEGIZKO KONTSUMOKERIA MURRIZTEKO ETA JOSTAILUEN BERRERABILPENA BULTZATZEKO.
NOLA? UMEEK ERABILTZEN EZ DITUZTEN ETA EGOERA ONEAN DAUDEN JOSTAILUAK EKARRIKO DITUZTE ETA JOSTAILU BAKOITZEKO TXARTEL BAT EMANGO ZAIE. ONDOREN, TXARTEL BAKOITZA BESTE EDOZEIN JOSTAILUGATIK TRUKATU AHAL IZANGO DA.
JOSTAILUEK BETE BEHARREKO BALDINTZAK:
- EGOERA ONEAN ETA OSORIK EGON BEHAR DIRA
- PANPINAK ETA GARRAIOAK, KOPURUA EDOZEIN IZANDA ERE, TXARTEL BAKAR BATEN TRUKE ALDATUKO DIRA
- EZ DIRA ONARTUKO SEXU BEREIZKETARIK EDO INDARKERIAREN ALDEKO JARRERARIK ERAKUSTEN DITUZTEN JOSTAILUAK
JOSTAILUEN BILKETA
Jostailuak jaso, egoera onean daudela egiaztatu eta hala bada, truke azokarako txartela emango da.
|
EGUNAK |
ORDUTEGIA |
LEKUA |
|
ekainaren 14tik ekainaren 24ra |
9:00-13:00 15:00-19:00 |
Jardun (Kultur etxea) |
TRUKE AZOKA
Txartelaren truke jostailu bat hartzeko aukera egongo da.
|
EGUNAK |
ORDUTEGIA |
LEKUA |
|
Ekainak 25 |
18:00 – 20:00 |
Arrizuriaga jauregia |
|
Ekainak 26 |
11:00 – 13:00 18:00 – 20:00 |
Arrizuriaga jauregia |
|
Ekainak 27 |
11:00 – 13:00 |
Arrizuriaga jauregia |
JOSTAILUA HAURRAREN GARAPENERAKO TRESNA EZINHOBEA DA, BERAZ, EGIN JOSTAILU HEZITZAILEEN ALDE!
Eta gogoan hartu EUSKAL EKOIZLEEN zerrenda hau:
- Argia jolasak: www.argia.com
- Elhuyar: www.elhuyar.com
- Kometa: www.kometak.com
- Ttarttalo: www.ttarttalo.com
- Matxinsalto: www.katxiporreta.com
- Ikastolen Elkartea: www.ikastola.net
- Urtxintxa: www.aisia.net
JOSTAILU EGOKI BAT AUKERATZEKO ZENBAIT AHOLKU
JOSTAILU ON BATEN EZAUGARRIAK
· Jostailua dibertigarria eta haurraren interesa piztu eta mantentzeko gai izan behar da
· Fantasia, imajinazioa eta sormena eragin behar ditu
· Haurraren hezkuntza mailara egokitu behar da
· Erabilera arauak izan behar ditu
· Bukaera ona izan behar du (kontuz ertzekin)
· Ez da toxikoa ez arriskutsua izan behar
· Erabilera ahalbide ezberdinak eskainiko ditu
· Talde jolasa sustatuko du
· Ez du sexuaren araberako ezberdintasunik egingo
· Konponerraza izan behar da
Idatzi artikulu bat