Ixaun jatetxea

Gaur egun 32 baserri eta 8 etxek osatzen dute auzoa.
39 biztanle ditu eta horietatik 10 haurrak dira.
Bertako biztanle gehientsuenak kalean egiten dute lan baina badira 3 baserri abeltzaintzatik bizi direnak.
Nahiz eta baserri asko hutsik egon, asteburuetan gehienak bete egiten dira. Garai baten bertan bizi zirenek
joera handia dute familiarekin baserrira etortzeko. Bertako giroa oso jatorra da. Oso jende alaia eta irekia dela esan liteke. Auzo-afari eta erromeria ugari antolatzen dituzte bertan dagoen Elur-Txiki elkartekoek eta jendearen erantzuna oso ona izaten da. Parrandazale ugari hurbiltzen da bertara.