Hamaika ikus-entzuteko jaioak

Hauteskundeen karira, EiTBn antolatu dituzten saioetariko bat ikusi nuen atzo, euskarazko kanalean.
Ez dut errepikatuko, baina aitortu beharra daukat (aho txikiaz) hasieratik amaierara ikusi nuela.
Sei hautagai Jaime Otamendiren esanetara. Bakoitza berera. Betikora
Aurkezleak Roten Meyer paperean, formatu hain estuaren gidaritza eramanez.

Ordu eta piku aritu ziren, minutu bateko hizketaldiak eginez. "Formatuaren diktadurapean" baten batek idatzi zuen bezala.

Hain laburrak izanik politiko bakoitzari emandako tartea, interesgarria suertatzen zen  nola kudeatzen zuen bakoitzak urritasuna eta nola urduritzen zen errejentak ala aurkezleak denbora agortua zutela esaten ziotenean. Aurpegiak oso adierazgarriak ziren.

Esandakoa, formatuak agindu zuen atzokoan. Mezuak, hainbat alderdien arteko desberdintasunak (balizkoak)  eta hizketarako gaitasunak ez ziren beharrezkoak. Denbora ondo menperatzeam zegoen gakoa.

Teledendetan bezala!