Hamaika ikus-entzuteko jaioak

Espainiako gobernuaren erreakzioaren zain egon nintzen atzo arratsaldean eta iluntzean. Rubalcabaren zuzeneko prentsaurrekoa noiz emango ote zuten.
Gero, halakorik ez zetorrela ikusita pentsatu nuen igande eguerdian, arrapaladan eta botelaburrean erreakzionatzeko  gaitasunik ez zutela izan. Gaur, konturatu naiz, ezetz. Gaiaren berri bazutela. Jakinaren gainean zirela. Eta erreakzionatu dutela idatzitako gidoiaren arabera, alegia, prentsaurrekorik  ez, garrantzirik eman ez  eta ahal dela  beraiek aupatuz notiziaren informazio-iturri nagusi modura.

Niri oso berri ona iruditu zait. Irailean, basoan izaten ditugun koloreek ematen didaten pozari beste bat gehituz.