Aizue

Islandiako hegoalde osoa pasa eta gero, batez ere txirrindaz eginez gero, bakardade sentsazioa ikaragarria da. Herriak oso bakanak dira eta ez dira guk ezagutzen ditugun modukoak, gainera. Askok dendarik ere ez daukate, eta gasolindegiak bilakatzen dira erosketak egin eta kafe beroa hartu ahal izateko txoko.

Reyikjavik-etik atera eta hegoalde osoa zeharkatu ostean, Höfn herria topatu genuen ba, ZIBILIZAZIOA halako batean: dendak, jatetxeak, ekintza kulturalak, arrantza portua ere bai, eta bertatik Europako glaziarrik handiena ikusgai. Oasi goxo bat haize gogorraren aurka ibilitako txirrinda egunei atseden emateko.