Giroa barrutik

Taldekako erlojupekoarekin hasiko dute aurtengo Giroa, bihar, zapatua. Euskaltelek hor izango du lehenengo erronka, talde indartsuek min handia egin dezakete-eta hasiera hasieratik. Orain artekoan Astana izan da albiste. Giroko antolatzaileek azken orduan gonbidatu dute egunkarietan horrenbeste orri bete dituen taldea, eta Contadorrek korrika eta presaka utzi behar izan ditu Cadizeko hondartzak.

Atzo, madrildarrak lasai entrenatu ahal izan zuen, ezin Caisse d' Epargne taldearen gainean gauza bera esan. Entrenamendu saioan erorikoa izan eta David Arroyok etxerako bidea hartu behar izan du, min hartuta.
Ea biharko etapa hasi aurretik Irizarrek edo Velascok Palermon egindako lehenengo egunen berri ematen diguten –eta blogera ongietorria, bide batez–. Cyclingnews txirrindularitzako puntako webguneko argazkilari Roberto Bettinik hau topatu du Palermora iritsitakoan: