Giroa barrutik

Slipstream talde amerikarra izan zen atzoko taldekako erlojupekoan onena, ustez, edo euren esanetan behintzat, tropeleko talde garbiena dena.  Garbitasun kontuak alde batera utzita, horrelako probetarako lasterkari azkarrak dituzte, oso azkarrak: David Millar, Zabriskie Vande Velde bera...
Hala ere, erlojupekoan begibistan geratu zen horrelako proba bat irabazteko ondo prestatu behar dela: ibilbideko metro bakoitza ezagutu, ondoko taldekideen indarra kontutan hartuta talde lana egin, eta arriskatu; izan ere Giroko lehenengo proba irabazteko arriskatu egin behar zen.

Esandakoa, lehenengo kolpea talde kontinental batena. Euskaltel 20. sailkatu zen, 1.17ra. Telebistan Irizar ikusi genuen tira eta tira, irudian, hirugarren.

 
Argazkia: www.fundacioneuskadi.com


Gaur, berriz, Siziliako errepideetan barrena egingo dute bigarren etapa. Badirudi euria egin dezakeela, horrela bada, batek baino gehiagok lanak izango ditu bizikleta gainean joateko. Errepide zaharrak dituzte, eta labainkor egoten da. Kontuz denok.