Oso gogorra izan da Giroko lehenengo astea. Etapa luzeak egin behar
izan ditugu; 200 kilometrotik gorakoak, egunero. Gainera, lekualdaketa
oso luzeak egin behar izan ditugu; gaur, adibidez, 400 kilometrokoa.
Atzoko eguna, esaterako, ikaragarri gogorra izan zen. %24ko igoera zuen
malda bat jarri ziguten. Autoek ere ezin zuten igo! Gero, antolatzaile
taldeari kexuka joan ginenean, eurek ez zutela bide hori jarri esan
ziguten. Herritarrek aldatu omen zuten ibilbidea.
Aurreko batean, tropelean berbetan goazela, etxera joateko gogoa zutela
esan zuten hainbat lagunek. Gezurra dirudi, baina orain 15 egun Giroa
asteko irrikan geunden denak eta orain, ostera, etxera joateko
gogoarekin. Horregatik uste dut, egunero egunerokoa bizi behar dela eta
ez garela etorriko denari begira egon behar.
Bihar, atseden eguna dugu. Hortaz, horretan bakarrik pentsatuko dut. Eguna lasai hartu, deskantsatu eta jan. Gero, gerokoak.
Txirrindulariaren bizitza horrela pasatzen da. Txikitan, afizionatu
izatearekin amets egiten dugu, gero, profesional izatearekin, gero
Girora etortzearekin… eta, orain hemen gaudela etxera joateko unearekin
pentsatzen ari gara.
Carpe diem!
Markel Irizar
2008/05/18 21:48:43.795 GMT+2
Carpe diem
Nork: Markel Irizar.2008/05/18 21:48:43.795 GMT+2
Etiketak:
carpediem
| Permalink
| Erantzunak (4)
| Errenferentziak: (0)
Erantzunak
Apa!!!
Egunean egunekoa, ondo esana! Aste gogor hau pasa ondoren nekatuta egotea normala, baina begiratu zuen ingurura, pelotoi hortako guztiok dauzkazue sentsazio berdinak. Gainera, bixar denkantso eguna!! Bixar beste begi batzukin ikusiko dozue dana, biok seguru. Biharko idatzia positiboagoa izango da! Gainera badakit, Markel zuk beti transmititu dozun bizipos hori, barruan daukazula eta ingurukoak motibatzen ibiliko zarela.
Guk preparau ditxugu ikurriñak, pankarta, furgonetak... animoz beteta! Etxeratzen bazarete zer? italiarrendako danak? jajajaja
Iruñako txokolatezko boilotxo batzuk be enkargauta dare, gogoratzen!! Nahi bozue zuentzat eta bestela ba guretzat.jajaja
Animo pareja eta bixar deskantsau!
Nork: oregi.2008/05/18 23:02:10.422 GMT+2
Pareja, oinguen ez kejau. Astelehena da, danok lanien gaz, eta zuok a la bartola.... Je, je, je. Ba hori, izenak esaten dau, deskantzetako eguna.
Nork: Baltz.2008/05/19 11:46:06.758 GMT+2
epa mutilak:
ikusten da girua oso gogorra doiala baiña goiari eutsi eta dakotzuin ilusiño hori mantendu. akordau markel girora abiatu aurretik zela lagundu noztazun fabrikara prisaka eta esaten noztazun zuk holakorik ez duzula nahi. Gure eguneroko lanian be egun onak eta txarrak dauz baina txarrak ahastu egin behar. Gogo haundiz goiaz girora zuek ikustera eta gu be dana emuteko prest..
Animo eta deskantsau asko!!!!
jo eta je irabazi arte
Nork: naetatxus.2008/05/19 13:55:23.504 GMT+2
Besteok hemen autobus putak egiten, kabenzotz!Argazki ederrak atera, Azarorako lana tokatuko bait zait eta!!
Nork: KxK.2008/05/19 20:31:33.169 GMT+2